မေလ ၁၃၊ ၂၀၂၅။ သောင်ရင်းသတင်းလွှာ
အင်တာနက်ဆွေးနွေးမှုများမှတဆင့်တရားဥပဒေ ပြုပြင်ပြောင်းလဲရေး (iLaw) ကို တည်ထောင်သူလည်းဖြစ် ထိုင်းအထက်လွှတ်တော်အမတ်ဟောင်းလည်းဖြစ်သူ Jon Ungphakorn သည်အသက် ၇၇ နှစ်မှာ ကွယ်လွန်သွားကြောင်း Thai Enquirer သတင်းက မေလ ၁၃ရက်တွင်ဖော်ပြသည်။ ဒီမိုကရေစီ၊ အရပ်ဘက်လွတ်လပ်ခွင့်နှင့် လူမှုတရားမျှတမှုအတွက် နှစ်ရှည်လများ ထောက်ခံအားပေးသူ Jon သည် လွတ်လပ်စွာ ထုတ်ဖော်ပြောဆိုခွင့်၊ အင်တာနက်လွတ်လပ်ခွင့်နှင့် လူ့အခွင့်အရေးဆိုင်ရာ လုပ်ဆောင်မှုများကြောင့် လူသိများသည်။
သူသည် ၂၀၀၀ မှ ၂၀၀၆ ခုနှစ်အထိ အထက်လွှတ်တော်အမတ်အဖြစ် တာဝန်ထမ်းဆောင်ခဲ့ပြီး နောက်ပိုင်းတွင် iLaw မှတစ်ဆင့် ပြည်သူ့ပါဝင်မှုနှင့် ဥပဒေရေးရာ ပြုပြင်ပြောင်းလဲရေးတွင် အဓိကအခန်းကဏ္ဍမှ ပါဝင်ခဲ့သည်။ သူသည် ထိုင်းဘဏ်၏ အုပ်ချုပ်ရေးမှူးဟောင်း ဒေါက်တာ ပွန်ဖောခွန်၏ သားဖြစ်ပြီး ထိုင်းလူထုဘဝတွင် လေးစားထိုက်သူဖြစ်သည်။ Jon ကွယ်လွန်သွားခြင်းသည်ထိုင်းနိုင်ငံရဲ့ ဒီမိုကရေစီရေးလှုပ်ရှားမှုမှာ ထင်ရှားတဲ့ အသံတစ်ခု ဆုံးရှုံးသွားခြင်းပင်ဖြစ်သည်။
