ဇွန်လ ၂၀၊ ၂၀၂၅။ သောင်ရင်းသတင်းလွှာ
ထိုင်းနိုင်ငံ ကန်ချနပူရီ ရာဘာခြံတွင် ပုန်းအောင်းနေသည့်မြန်မာရွှေ့ပြောင်းအလုပ်သမား ၂၀ ဦးကို ထိုင်းအာဏာပိုင်တွေက ဝင်ရောက်စီးနင်းပြီး လူမှောင်ခိုလမ်းကြောင်းကို ပိတ်ပစ်ခဲ့သည်ဟုThe Thaiger သတင်းတွင် ဇွန်လ ၂၀ရက်နေ့ကဖော်ပြသည် ။ ကန်ချနပူရီပြည်နယ် Thong Pha Phum ခရိုင်အကြီးအကဲ Chakrit Tanpirul မှ တာဝန်ရှိသူများသည် ဇွန်လ၁၉ရက်နေ့ညက ကြီးမားသောတရားမ၀င်ဝင်ရောက်မှုလုပ်ငန်းကို တားဆီးခဲ့ကြောင်း ဇွန်လ ထုတ်ဖော်ပြောကြားခဲ့သည်။ဆန်ခလာဘူရီနယ်စပ်မှတစ်ဆင့် ထိုင်းနိုင်ငံအတွင်းသို့ ခိုးသွင်းခံရသည့် မြန်မာနိုင်ငံသားအုပ်စုတစ်စုသည် နောက်တနေရာသို့ ပို့ဆောင်ရန် စောင့်ဆိုင်းနေစဉ် Thong Pha Phum တွင်အိပ်စက်ရန် စီစဉ်ထားခြင်းဖြစ်ရာ အဆိုပါ ဖြစ်ရပ်သည် နောက်ဆက်တွဲဖြစ်ခဲ့သည်။ ကန်ချနပူရီ အုပ်ချုပ်ရေးမှူး Athisan Intra သည် လျင်မြန်စွာ ဆောင်ရွက်လျက် ရှိသော Operation SEAL STOP SAVE ကို စတင်ခဲ့ပြီး နယ်မြေကာကွယ်ရေး စေတနာ့ဝန်ထမ်းများနှင့် ဒေသခံ ခေါင်းဆောင်များ ပူးပေါင်းတပ်ဖွဲ့ကို ဖြန့်ကြက်ခဲ့သည်။ Chalae ခရိုင် Ban Keringkravia အဝင်ဝတွင် စောင့်ကြည့်ရေးစခန်းတစ်ခုချထားသော်လည်း သံသယဖြစ်ဖွယ် လှုပ်ရှားမှုကို နေ့ချင်းညချင်း မတွေ့ရှိရပေ။ ဇွန်လ ၁၈ ရက်နေ့ နံနက် ၆ နာရီတွင် အရာရှိများသည် နည်းဗျူဟာပြောင်းကာ ဘန်ကီဗီယာကျေးရွာ ၂ မှ ရော်ဘာခြံအတွင်း လမ်းကြမ်းကို ကင်းလှည့်ခဲ့သည်။ ထိုအချိန်တွင် သစ်ပင်များကြားတွင် ပုန်းအောင်းနေသည့် လူ ၂၀ တစ်စုကိုတွေ့ရှိခဲ့ကြခြင်းဖြစ်သည်။
တွေ့ရှိသည်နှင့် တပြိုင်နက် ထိုအုပ်စုသည် ထိတ်လန့်တကြား ထွက်ပြေးသွားခဲ့သည်။ သို့သော်လည်းအရာရှိများသည် ရွှေ့ပြောင်းနေထိုင်သူ အယောက် ၂၀ ဖြစ်သော အမျိုးသား ၁၇ ဦးနှင့် အမျိုးသမီး ၃ ဦးတို့ကို တစ်ကိုယ်ရေသုံးပစ္စည်းများ အိတ် ငယ်များဖြင့်ရှာဖွေဖမ်းဆီးနိုင်ခဲ့သည်။ မှောင်ခို ပစ္စည်းများရောင်းဝယ်ဖောက်ကားမှု မတွေ့ခဲ့ရသော်လည်း ၎င်းတို့တွင် တရားဝင် အထောက်အထား သို့မဟုတ် စာရွက်စာတမ်းများ မရှိဟုဆိုသည်။ ယင်းတ်ု့မှာထိုင်းစကားမပြောနိုင်သဖြင့် ဘာသာပြန်တစ်ဦးကို ခေါ်ဆောင်ခဲ့ရပြီးရွှေ့ပြောင်းနေထိုင်သူများသည် ရန်ကုန်နှင့် မန္တလေးမှ လာသူများဖြစ်ပြီး မြန်မာပိုင်ဘုရားသုံးဆူမြို့မှ တောလမ်းအတိုင်း ထိုင်းနိုင်ငံ ဆန်ခလာဘူရီခရိုင် နောလူးခမြို့သို့ ဖြတ်ကာ ဝင်ရောက်လာခဲ့ကြောင်း သိရသည်။ သူတို့သည် ရော်ဘာခြံသို့ရောက်ရန် စက်လှေဖြင့် ထိုင်းကိုဖြတ်၍ မလေးရှားသို့ အလုပ်သွားလုပ်ရန် စီစဉ်ခဲ့ကြသည်။ ၎င်းတို့သည် မလေးရှားတွင် ပွဲစားများက ကတိပြုထားသည့် အရာရှိများအား ခရီးစဉ်အတွက် မလေးရှားရင်းဂစ် ၆၅၀၀ ခန့် (ဘတ် ၅၅,၀၀၀ ခန့်) ပေးဆောင်ရန် အသီးသီး သဘောတူခဲ့ကြသည်ဟု KhaoSod သတင်းတွင် ဖော်ပြထားသည်။ ယင်းအစား ယခုအခါ ၎င်းတို့သည် တရားရေးဆိုင်ရာ ပြဿနာများနှင့် ရင်ဆိုင်နေကြရသည်။ အဆိုပါအဖွဲ့အား စစ်ဆေးမေးမြန်းရန်အတွက် Thong Pha Phum ရဲစခန်းသို့ ပို့ဆောင်ခဲ့ပြီး ထိုင်းနိုင်ငံအတွင်း တရားမဝင် ဝင်ရောက်နေထိုင်မှုဖြင့် တရားစွဲဆိုသွားမည်ဖြစ်ကြောင်း သိရသည်။
