မြန်မာနိုင်ငံတွင် ငလျင်ဒဏ်ရာများပြန်လည်ပြင်ဆင်ပြီးနောက် ကူမင်း-မန္တလေး ခရီးစဉ်များ ပြန်လည်စတင်

တရုတ်နိုင်ငံ အနောက်တောင်ပိုင်း ယူနန်ပြည်နယ် မြို့တော် ကူမင်းနှင့် မြန်မာနိုင်ငံ မန္တလေးတို့ကြား လေကြောင်း ခရီးစဉ်များ ဇွန် ၂၉ ရက်၌ ပြန်လည် စတင်ခဲ့ပြီး မတ်လတွင် အင်အားပြင်း ငလျင် လှုပ်ခတ်ပြီးနောက် ဆိုင်းငံ့ထားသည့် အဓိက လမ်းကြောင်းကို ပြန်လည် ထူထောင်ခဲ့ကြောင်း China Eastern Airlines ၏ Yunnan ဌာနခွဲမှ သိရသည်ဟု ဆင်ဟွာသတင်းကဇွန်လ ၃၀ရက်တွင်ဖော်ပြသည်။  ကူမင်း-မန္တလေး လမ်းကြောင်းသည် ပျံသန်းမှုအမှတ် MU2029 နှင့် MU2030 အောက်တွင် Boeing 737 လေယာဉ်ကို အသုံးပြု၍ ပြေးဆွဲခြင်းဖြစ်သည်။ တနင်္လာနေ့၊ ဗုဒ္ဓဟူး၊ သောကြာနှင့် တနင်္ဂနွေနေ့များတွင် တစ်ပတ်လျှင် အသွားအပြန် လေးကြိမ်ဖြင့် ခရီးစဉ် ဆိုင်းငံ့ထားမှု မတိုင်မီကာလကဲ့သို့အချိန်ဇယားမှာ မပြောင်းလဲသေးကြောင်း လေကြောင်းလိုင်းက ဆိုသည်။

မတ် ၂၈ ရက်က ပြင်းအား ၇ ဒသမ ၉ အဆင့်ရှိ ငလျင်လှုပ်ခတ်ပြီးနောက် မန္တလေးလေဆိပ်ရှိ အခြေခံအဆောက်အအုံများ ပျက်စီးခဲ့သည်။ လေဆိပ်ပြုပြင်မှုများနှင့် နိုင်ငံတကာလေကြောင်းခရီးစဉ်များ ပြန်လည်စတင်ပြီးနောက်၊ ခရီးသည်များ၏လိုအပ်ချက်ကိုဖြည့်ဆည်းပေးရန် China Eastern Airlines မှ ဝန်ဆောင်မှုကို ပြန်လည်စတင်ရန် ဆုံးဖြတ်ခဲ့သည်။ လေကြောင်းခရီးစဉ်များ ပြန်လည်စတင်ခြင်းသည် နှစ်နိုင်ငံကုန်သွယ်မှု၊ ယဉ်ကျေးမှုနှင့် လူအချင်းချင်းဖလှယ်မှုများအပြင် တရုတ်နိုင်ငံနှင့် မြန်မာနိုင်ငံကြား သဘာဝဘေးဒဏ်ခံရ ပြီးနောက် ပြန်လည်တည်ဆောက်ရေး ပူးပေါင်းဆောင်ရွက်မှုများ လွယ်ကူချောမွေ့စေကာ ယူနန်၏ အရှေ့တောင်အာရှနှင့် ချိတ်ဆက်မှုကို မြှင့်တင်ပေးမည်ဟု မျှော်လင့်ရသည်။ အရှေ့တောင်အာရှနိုင်ငံများအသင်း (အာဆီယံ) သည် ဇန်နဝါရီမှ မေလအတွင်း တရုတ်နိုင်ငံ၏ အကြီးဆုံးကုန်သွယ်ဖက်အဖြစ် ဆက်လက်ရပ်တည်ခဲ့သည်။ ယင်းကာလအတွင်း တရုတ်နှင့် အာဆီယံအကြား ကုန်သွယ်မှု စုစုပေါင်းသည် ယွမ် ၃ ဒသမ ၀၂ ထရီလီယံ (အမေရိကန်ဒေါ်လာ ၄၂၂ ဘီလီယံခန့်) ရှိပြီး တစ်နှစ်ထက်တစ်နှစ် ၉ ဒသမ ၁ ရာခိုင်နှုန်း တိုးမြင့်လာခဲ့သည်။