ဩဂုတ်လ ၂၁၊ ၂၀၂၅။ သောင်ရင်းသတင်းလွှာ
အာဏာသိမ်းစစ်အုပ်စုက ကျင်းပမယ့် ရွေးကောက်ပွဲ အပိုင်း(၁) အတွက် မြို့နယ် ၁၀၂ မြို့နယ်မှာ စတင်ကျင်းပမှာ ဖြစ်တယ်လို့ ရွေးကောက်ပွဲကော်မရှင်က ယမန်နေ့ ဩဂုတ်လ ၂၀ ရက်နေ့မှာ ထုတ်ပြန်ပါတယ်။ ယခုနှစ် ဒီဇင်ဘာ ၂၈ ရက်မှာ ကျင်းပမယ့် ရွေးကောက်ပွဲ အပိုင်း(၁)ကို ကချင်ပြည်နယ်မှာ ၆ မြို့နယ်၊ ကယားပြည်နယ်မှာ ၂ မြို့နယ်၊ ကရင်ပြည်နယ်မှာ ၃ မြို့နယ်၊ ချင်းပြည်နယ်မှာ ၂ မြို့နယ်၊ စစ်ကိုင်းတိုင်းမှာ ၁၂ မြို့နယ်၊ တနင်္သာရီတိုင်းမှာ ၄ မြို့နယ်၊ မကွေးတိုင်းမှာ ၉ မြို့နယ်၊ ပဲခူးတိုင်းမှာ ၈ မြို့နယ်၊ မန္တလေးတိုင်းမှာ ၈ မြို့နယ်၊ မွန်ပြည်နယ်မှာ ၅ မြို့နယ်၊ ရခိုင်ပြည်နယ်မှာ ၃ မြို့နယ်၊ ရန်ကုန်တိုင်းမှာ ၁၂ မြို့နယ်၊ ရှမ်းပြည်နယ်မှာ ၁၂ မြို့နယ်၊ ဧရာဝတီတိုင်းမှာ ၈ မြို့နယ်နဲ့ နေပြည်တော် ၈ မြို့နယ် တို့မှာ ကျင်းပသွားမယ်လို့ သတ်မှတ်ကြေညာလိုက်ကြောင်း ထုတ်ပြန်ထားပါတယ်။
ဒါ့အပြင် စက်တင်ဘာလ ၈ ရက်နေ့ကို ရွေးကောက်ပွဲအတွက် လွှတ်တော်ကိုယ်စားလှယ်လောင်း အမည်စာရင်း စတင် တင်သွင်း နိုင်တဲ့ နေ့ရက်အဖြစ် သတ်မှတ်ကြေညာထားပါတယ်။
