ဩဂုတ်လ ၃၁၊ ၂၀၂၅။ သောင်ရင်းသတင်းလွှာ
ကန်ချနပူရီခရိုင်မှာ မြန်မာနိုင်ငံဘက်ကနေတရားမဝင် ရွှေ့ပြောင်းနေထိုင်သူ ၂၁ ဦးအား မှောင်ခိုသွင်းတယ်လို့စွပ်စွဲခံထားရတဲ့ အသက် ၃၂ နှစ်အရွယ် အမျိုးသားတစ်ဦးကို ထိုင်းရဲတပ်ဖွဲ့က ဖမ်းဆီးခဲ့တယ်လို့ The Thaiger သတင်းကသြဂုတ် ၃၁ရက်မှာဖော်ပြပါတယ်။ Phuri Lertchaiprachim ကို ရွှေ့ပြောင်းနေထိုင်သူတွေနဲ့အတူ Dan Makham Tia မြို့မှာသြဂုတ် ၃၀ရက်က ဖမ်း ဆီးရမိခဲ့ပါတယ်။ လူကုန်ကူးမှု တားဆီးနှိမ်နင်းရေးဌာနခွဲမှ ရဲမှူးချုပ် Songklod Krirkkritaya ရဲ့ ပြောကြားချက်အရ အာဏာပိုင်တွေက တွမ်ကွမ်ဒိုရှိ ရွှေ့ပြောင်းလူမှောင်ခိုကွန်ရက်နဲ့ပတ်သက်တဲ့ သတင်းအချက်အလက်တွေကိုရရှိပြီးနောက် ဖမ်းဆီးမှု ဖြစ်ပွားခဲ့တာဖြစ်ပါတယ်။ လူမှောင်ခိုလုပ်ငန်းမှာ ပါဝင်ပတ်သက်တယ်လို့ သံသယရှိသူ ပစ်ကပ်ထရပ်ကား ၃ စီးကို ရဲတပ်ဖွဲ့က ဖော်ထုတ်တွေ့ရှိခဲ့ပါတယ်။ ရဲတွေ ချဉ်းကပ်လာချိန်မှာတော့ Mitsubishi Triton ယာဉ်မောင်းက ထွက်ပြေးသွားခဲ့ပြီး Ford Ranger ယာဉ်မောင်းက ကားကို စွန့်ပစ်ပြီး တောထဲကို ထွက်ပြေးသွားခဲ့ပြီး ရွှေ့ပြောင်းနေထိုင်သူ ၁၁ ဦး ကျန်ခဲ့ပါတယ်။
ရဲတပ်ဖွဲ့က Isuzu D-Max ကားကို ရပ်တန့်နိုင်ခဲ့ပြီး ယာဉ်မောင်း Phuri နဲ့ထရပ်ကားရဲ့ အတွင်းနဲ့ နောက်ဘက်မှာ ရွှေ့ပြောင်းနေထိုင်သူ ၁၀ ဦးတို့နဲ့အတူ ဖမ်းဆီးနိုင်ခဲ့ပါတယ်။ စစ်ကြောရေးမှာ ထိုင်း ID ပါရှိတဲ့ Furiဟာဖူရီသမြန်မာနိုင်ငံရှိ နိုင်ငံရေးအဖွဲ့ဖြစ်တဲ့ကရင်အမျိုးသား အစည်းအရုံးမှာ စစ်သားအဖြစ် အခိုင်အမာဆိုပြီး အာဏာရ စစ်အစိုးရက အကြမ်းဖက် အဖွဲ့အစည်းအဖြစ် သတ်မှတ်ခဲ့တဲ့အဖွဲ့ဖြစ်ပါတယ်။ ဘတ် ၅၀၀၀ (အမေရိကန်ဒေါ်လာ ၁၅၅) ဖြင့် အလုပ်သမားတွေကိုပို့ဆောင်ဖို့ဖေ့စ်ဘွတ်ခ်ကတစ်ဆင့် ငှားရမ်းထားကြောင်း ၎င်းက ပြောပါတယ်။ ရွှေ့ပြောင်းအလုပ်သမားတေ်ဟာ စက်ရုံအလုပ်ရုံမှာအလုပ်လုပ်ရန်အတွက် စမွတ်စခွန်ကို မှောင်ခိုသွင်းဖို့အတွက် တစ်ဦးကိုဘတ်ငွေ ၂၀၀၀၀ (အမေရိကန်ဒေါ်လာ ၆၂၀) ပေးခဲ့ရတယ်လို့ စကားပြန်က တဆင့် ပြောဆိုခဲ့ပါတယ်။
၎င်းတို့ဟာမြန်မာနိုင်ငံမရန်ကုန်ကနေ ထားဝယ်ကတဆင့် ထိုင်းနိုင်ငံကို တောလမ်းကနေဖြတ်ကျော်ဝင်ရောက်လာခဲ့တယ်လို့ဘန်ကောက်ပို့စ်သတင်းမှာ ဖော်ပြထားပါတယ်။ Phuri ဟာ တရားမဝင် ရွှေ့ပြောင်းနေထိုင်သူတွေကို ခိုအောင်းစေခြင်းနဲ့ကူညီခြင်းစတဲ့စွဲချက်တွေနဲ့ရင်ဆိုင်နေရပြီး ရွှေ့ပြောင်းနေထိုင်သူ ၂၁ ဦးကို ထိုင်းနိုင်ငံကို ခွင့်ပြုချက်မရှိဘဲ ဝင်ရောက်နေထိုင်ခြင်းတို့နဲ့ တရားစွဲဆိုထားပါတယ်။ အလားတူ သတင်းတစ်ခုမှာလည်း အထောက်အထားမဲ့ မြန်မာနိုင်ငံသား အယောက် ၃၀ တင်ဆောင်လာတဲ့ ကုန်တင်ကားကို အယုဒ္ဓယမှာဇူလိုင် ၂၉ ရက်က အာရှလမ်းမကြီးတစ်လျှောက် အရှိန်ပြင်းပြင်းနဲ့ စီးနင်းရှာဖွေခဲ့ရာမှာလူမှောင်ခိုကွန်ရက်ကို ဖော်ထုတ်တွေ့ရှိခဲ့ပါတယ်။ အမြန်လမ်းမကြီးရဲတပ်ဖွဲ့ခွဲ(၁)မှ ရဲမှူးကြီး That Phosuwan က အမြန်လမ်းမကြီးရဲစခန်း(၁)ကရဲတပ်ဖွဲ့မှူး ဒုတိယရဲမှူးကြီး Supakorn Tangkaprasert ကရဲတပ်ဖွဲ့ဝင်တွေကိုအကြောင်းကြားခဲ့ပြီးနောက် အဆိုပါဖမ်းဆီးမှု စတင်ခဲ့တာဖြစ်ပါတယ်။
