အောက်တိုဘာ ၁၊ ၂၀၂၅။ သောင်ရင်းသတင်းလွှာ
နယ်စပ်စခန်းကိုးခုမှာ နေထိုင်ကြတဲ့ မြန်မာဒုက္ခသည်တွေကို လာမယ့် ၁၂ လအတွင်း ထိုင်းနိုင်ငံမှာ တရားဝင် အလုပ်လုပ်ကိုင်ခွင့်ပေးမယ်လို့ ထိုင်းဝန်ကြီးချုပ် Anutin Charnvirakul က အောက်တိုဘာ ၁ ရက်နေ့မှာ ပြောကြားပြီး ထိုင်းအနေနဲ့ ပြန်လည်ခေါ်ယူထားတဲ့ အလုပ်သမားအင်အား မလိုအပ်ဘူးလို့ ကမ္ဘောဒီးယားကို သတင်းစကားပေးပို့လိုက်ပါတယ်လို့ဘန်ကောက်ပို့စ်ကဖော်ပြပါတယ်။ အောက်တိုဘာလ ၁ ရက်နေ့ကစပြီးဒုက္ခသည်တွေကို ၎င်းတို့ရဲ့ စခန်းပြင်ပမှာ တစ်နှစ် လုပ်ကိုင်ခွင့် ပေးထားတယ်လို့ဝန်ကြီးချုပ်က ပြောပါတယ်။ အဲဒိလိုခွင့်ပြုရာမှယ ထိုင်းနိုင်ငံဟာ လူသားချင်းစာနာထောက်ထားမှုဆိုင်ရာမူတွေကို လိုက်နာပြီး စည်းမျဉ်းတွေနဲ့ ဥပဒေတွေကို နာခံတဲ့ဒုက္ခသည်တွေအတွက် အခွင့်အလမ်းတွေဖွင့်ပေးပြီးအထောက်အကူဖြစ်နိုင်တယ်လို့ ၎င်းက ပြောပါတယ်။
“ကျနော်တို့ရဲ့ စည်းမျဉ်းစည်းကမ်းတွေကို သဘောမတူတဲ့သူတွေအတွက် ဒီစည်းမျဉ်းတွေကို ဖြေလျှော့ပေးလို့ မရပါဘူး။ ဒါဟာ ကျွန်တော်တို့နဲ့ ပြဿနာရှိနေတဲ့ နိုင်ငံကို အလုပ်သမား ဒါမှမဟုတ် အလုပ်သမားတွေ နည်းပါးမယ်လို့ ယူဆလို့ မရပါဘူး” လို့ Mr Anutin က ကမ္ဘောဒီးယားကို ရှင်းလင်းစွာ ကိုးကားပြီး ပြောကြားခဲ့ပါတယ်။ အလုပ်ရှင်တွေက အလုပ်လုပ်နေတဲ့မြန်မာဒုက္ခသည်တွေအတွက် စံသက်သာချောင်ချိရေးနဲ့အလုပ်သမားဥပဒေတွေနဲ့အညီ ထောက်ပံ့ငွေတွေပံ့ပိုးပေးမှာဖြစ်တယ်လို့ အာမခံချက်ပေးခဲ့ပါတယ်။ “ဒီအလုပ်သမားတွေဟာ တရားဝင်အလုပ်သမားတွေဖြစ်လို့ အကာအကွယ်ရလိမ့်မယ်” လို့ဝန်ကြီးချုပ်က ပြောပါတယ်။ အလုပ်လုပ်ကိုင်ခွင့်ဟာ ပြည်နယ်လေးခုကဒုက္ခသည်စခန်းကိုးခုရှိ မြန်မာနိုင်ငံသားတွေနဲ့ သက်ဆိုင်တယ်လို့သတင်းကဆက်လက်ဖော်ပြပါတယ်။ ၎င်းတို့ဟာ ထိုင်းမြောက်ပိုင်း၊ အလယ်ပိုင်းလွင်ပြင်နဲ့ အရှေ့ပိုင်းရှိ ပြည်နယ် ၄၃ ခုမှာအလုပ်လုပ်နိုင်တယ်လို့လည်းသူက ဆိုပါတယ်။
အလုပ်သမား ဝန်ကြီးဌာနရဲ့အဆိုအရ စခန်းသုံးခုဟာ တာ့ခ်ခရိုင်မှာရှိပြီး၊ မယ်ဟောင်ဆောင်မှာလေးခု၊ကန်ချနပူရီနဲ့ ရတ်ချဘူရီတို့မှာ တစ်ခုစီရှိတယ်လို့သိရပါတယ်။ မှတ်ပုံတင်ထားတဲ့ ဒုက္ခသည် ၄၂,၆၀၁ ဦး ရှိတယ်လို့လည်းဆိုပါတယ်။ ကမ္ဘောဒီးယားနဲ့ နယ်နိမိတ်ပဋိပက္ခကြောင့် ကမ္ဘောဒီးယား အလုပ်သမား သိန်းနဲ့ချီပြီးထိုင်းကနေထွက်ခွာခဲ့ကြပါတယ်။ ၎င်းတို့ဟာ ပြန်မလာရင်ကမ္ဘောဒီးယားမှာ၎င်းတို့ရဲ့ ပိုင်ဆိုင်မှုတွေဆုံးရှုံးလိမ့်မယ်လို့၎င်းတို့ရဲ့မွေးရပ်မြေကနေဖိအားပေးခြင်းခံခဲ့ရတယ်လို့သတင်းရရှိပါတယ်။ နယ်စပ်ကို ပိတ်ထားပေမယ့်လည်း ကမ္ဘောဒီးယားနိုင်ငံသား အများအပြားဟာ အလုပ်ရှာဖွေဖို့အတွက် ထိုင်းနိုင်ငံထဲကို ခိုးဝင်ဖို့ကြိုးစားနေကြတယ်လို့သိရပါတယ်။
