မတ်လ ၁၅၊ ၂၀၂၅။ သောင်ရင်းသတင်းလွှာ
အမေရိကန်သို့ ခရီးသွားလာမှု တားမြစ်ချက်အသစ်၏ တစ်စိတ်တစ်ပိုင်းအနေဖြင့် သမ္မတ Trump ၏ ပထမသက်တမ်းအတွင်း ချမှတ်ထားသော ကန့်သတ်ချက်များထက် ပိုမိုကျယ်ပြန့်မည့် နိုင်ငံပေါင်း ၄၃ နိုင်ငံမှ နိုင်ငံသားများကို ပစ်မှတ်ထားရန် Trump အစိုးရက စဉ်းစားနေကြောင်း ယင်းကိစ္စနှင့် နီးစပ်သည့် အရာရှိများထံမှ သိရသည်ဟု New York Times သတင်းက မတ်လ ၁၅ ရက်တွင်ဖော်ပြသည်။ သံတမန်ရေးရာနှင့် လုံခြုံရေးအရာရှိများက ရေးဆွဲထားသည့် အကြံပြုချက်မူကြမ်းစာရင်းတွင်ယင်း နိုင်ငံသားများအား အမေရိကန်သို့ ဝင်ရောက်ခွင့်ကို လုံးလုံးလျားလျား တားမြစ်ခံရမည့် နိုင်ငံပေါင်း ၁၁ နိုင်ငံ၏ “အနီရောင်” စာရင်းကို အကြံပြုထားသည်။
၎င်းတို့မှာ အာဖဂန်နစ္စတန်၊ ဘူတန်၊ ကျူးဘား၊ အီရန်၊ လစ်ဗျား၊ မြောက်ကိုရီးယား၊ ဆိုမာလီယာ၊ ဆူဒန်၊ ဆီးရီးယား၊ ဗင်နီဇွဲလားနှင့် ယီမင်တို့ဖြစ်ကြောင်း တာဝန်ရှိသူများက ပြောကြားခဲ့သည်။ အဆိုပြုထားသော ခရီးသွားတားမြစ်သည့်နိုင်ငံများစာရင်းမူကြမ်း ပြည်တွင်းတွင် Trump အစိုးရ၏ အဆိုပြုချက်တစ်ခုတွင်ယင်းနိုင်ငံသားများသည် အမေရိကန်သို့ ဝင်ရောက်ခြင်းအပေါ် ကန့်သတ်ချက်များကြုံတွေ့ရနိုင်သည့် အောက်ဖော်ပြပါနိုင်ငံများကို စာရင်းပြုစုထားပြီး အချို့သောနိုင်ငံများသည် အပြီးသတ်အမိန့်တွင် ပြောင်းလဲနိုင်သည်။
အကဲဆတ်သောပြည်တွင်းရေး အခြေအနေများကိုဆွေးနွေးရန် အမည်မဖော်လိုသူအရာရှိများက အဆိုပါစာရင်းကို လွန်ခဲ့သည့် ရက်သတ္တပတ်များစွာက နိုင်ငံခြားရေးဌာနမှ ရေးဆွဲခဲ့ခြင်းဖြစ်ပြီး အိမ်ဖြူတော်သို့ရောက်ရှိချိန်တွင် အပြောင်းအလဲများဖြစ်နိုင်သည်ဟု သတိပေးခဲ့သည်။
