မတ်လ ၁၈၊ ၂၀၂၅။ သောင်ရင်းသတင်းလွှာ
ထိုင်းနိုင်ငံ ဖူးခက်ရှိ ကက်သလစ်ကျောင်းတစ်ကျောင်း၏ ဒါရိုက်တာက နိုင်ငံခြား YouTuberတစ်ယောက်က တံဆိပ်တပ်ထားသည့်မြန်မာအသိုင်းအဝိုင်းသည် “ဆင်းရဲသားရပ်ကွက်” တွင်နေထိုင်သည်ဆိုခြင်းကို ငြင်းဆိုထားကြောင်း ဘန်ကောက်ပို့စ်သတင်းကမတ်လ ၁၈ ရက်တွင်ဖော်ပြသည်။ ဖူးခက်ရှိ မြန်မာဆင်းရဲသားရပ်ကွက်” ကို မှတ်တမ်းတင်ထားသည့် YouTube ချန်နယ် Ride with Gabi မှ ဗီဒီယိုတစ်ခုသည် ထိုင်းတောင်ပိုင်းခရိုင်တစ်ခုရှိ မြန်မာရွှေ့ပြောင်းအသိုက်အဝန်းကြီးတစ်ခုကို ပြသပြီးနောက် အငြင်းပွားမှုများ ဖြစ်ပွားခဲ့သည်။
အဆိုပါ ဗီဒီယိုသည်ဆင်းရဲနွမ်းပါးပြီးအသုံးအဆောင်များအပါအဝင် လူထူထပ်သော ငှားရမ်းခ တစ်လ ဘတ် ၃၆၀၀ သာပေးရသောအခန်းများတွင်နေထိုင်သည့်မြန်မာအသိုက်အဝန်းတွင် နေထိုင် သည့် မြန်မာအလုပ်သမားများကို ပြသရန် ရည်ရွယ်ထားသည်။ထို့အပြင်မြန်မာနိုင်ငံသားကျောင်းအုပ်အဖြစ်ဆောင်ရွက်သောကျောင်းတစ်ကျောင်းလည်းပါဝင်ပြီး ကျောင်းသည် အလုပ်သမားများ၏ ကလေးများအား အခမဲ့ ပညာရေး၊ အစားအသောက်နှင့် လေအေးပေးစက် စာသင်ခန်းများကိုဝန်ဆောင်မှု ပေးဆောင်ထားသည်ဟုဆိုသည်။
ဖူးခက်ရှိ Good Shepherd Sisters Thailand ၏ စင်တာမှ ဒါရိုက်တာ Lakana Sukhsuchit က ထိုဒေသသည် ပုံဖော်ထားသည့်အတိုင်း ဆင်းရဲသားရပ်ကွက်တစ်ခု မဟုတ်ကြောင်း ပြောကြားခဲ့သည်။ ယင်းသည်တံငါအသိုင်းအဝိုင်းဖြစ်သောကြောင့် မသန့်ရှင်းမသပ်ရပ်ခြင်းကြောင့် ဖြစ်နိုင်ကြောင်း သူက မှတ်ချက်ပြုသည်။ “ဒီဒေသက YouTuber ပြောသလိုမျိုး ဆင်းရဲသားရပ်ကွက်မဟုတ်ဘူးဆိုတာကို ကျွန်တော် အတည်ပြုပါတယ်။ ငါးဖမ်းတဲ့ ပင်လယ်နားက တံငါသည်တစ်စုပဲ” ဟု သူက ပြောသည်။ The Good Shepherd Sisters သည် ပညာရေးနှင့် အခြားပံ့ပိုးကူညီမှုများကို ပေးဆောင်ပြီး လူ့အဖွဲ့အစည်းတွင် ဆယ်စုနှစ်တစ်ခုကျော် တာဝန်ထမ်းဆောင်ခဲ့သည်။ လုပ်သားအများစုသည် ငါးဖမ်းလုပ်ငန်းတွင် အလုပ်လုပ်ကိုင်ကြပြီး မတည်ငြိမ်သော ၀င်ငွေဖြင့် နေကြရသည်ဟု ၎င်းက ဆိုသည်။
ပြီးခဲ့သည့်နှစ်က အသက် ၅ နှစ်မှ ၁၇ နှစ်ကြား ကျောင်းသား ၃၉၅ ဦးကို ကျောင်းတွင် စာရင်းသွင်းခဲ့ကြောင်း သူက ပြောသည်။ ကျောင်းသားအများစုမှာ ဗမာများဖြစ်သော်လည်း အချို့မှာ မွန် သို့မဟုတ် ကရင် တိုင်းရင်းသားများဖြစ်သည်။ မြန်မာနိုင်ငံတွင် ဆိပ်ကမ်းမြို့ဖြစ်သည့် ထားဝယ်မြို့မှ အများအပြား လာရောက်ကြသည်ဟုလည်းသူကဆိုသည်။ သီလရှင်များ၏ ပြောကြားချက်အရ အဆိုပါစင်တာ၏ သင်ရိုးညွှန်းတမ်းသည် ရွှေ့ပြောင်းကလေးများကို ထိုင်းကျောင်းများသို့ ကူးပြောင်းရာတွင် အထောက်အကူဖြစ်စေရန် ထိုင်းဘာသာကို အဓိကထားသင်ကြားပေးပြီး မြန်မာနှင့် အင်္ဂလိပ်ဘာသာကိုလည်း သင်ကြားပေးပါသည်။
မီဒီယာတချို့ရဲ့ ဖော်ပြချက်အရ အဆိုပါဗီဒီယိုသည် ထိုင်းအေဂျင်စီများကြားတွင် လုံခြုံရေးစိုးရိမ်မှုဖြစ်စေခဲ့သည်။ ဒေသဆိုင်ရာ အာဏာပိုင်များသည် မတ်လ ၁၆ ရက်နေ့ကတည်းက ယင်းရပ်ကွက်သို့ လာရောက်ခဲ့သည်။ ရွှေ့ပြောင်းကလေးများသည် ခရိုင်အတွက် ပြဿနာမဖြစ်စေရန် သူ၏ပရဟိတလုပ်ငန်းကို လုပ်ဆောင်နေကြောင်းသူက ပြောသည်။ ပညာရေးကို ခံယူပြီး ကောင်းမွန်သော တန်ဖိုးထားမှုများကို သင်ကြားပေးခြင်းဖြင့် လူ့အဖွဲ့အစည်းကို အကျိုးပြုနိုင်သည်ဟု သူမက ဆိုသည်။
