မတ်လ ၁၉၊ ၂၀၂၅။ သောင်ရင်းသတင်းလွှာ
ထိုင်းနိုင်ငံ မြောက်ပိုင်းတွင် အပူချိန် ၁ မှ ၃ ဒီဂရီ စင်တီဂရိတ်အထိ ကျဆင်းနိုင်သည်ဟု မိုးလေဝသဌာနက သတိပေးထားသည်။ ၂၀၂၅ ခုနှစ် မတ်လ ၁၈ ရက်မှ ၂၁ ရက်အထိ တောင်ပိုင်းပြည်နယ် ၅ ခုတွင် မိုးသည်းထန်စွာရွာသွန်းပြီး လေပြင်းတိုက်ခတ်မည်ဟု ခန့်မှန်းရသည်ဟု The Nation ကဖော်ပြသည်။ ထိုင်းမိုးလေဝသဌာနက ၎င်း၏ နဝမနှင့် နောက်ဆုံး အကြံပေးချက် ထုတ်ပြန်ထားပြီး ထိုင်းနိုင်ငံ အထက်ပိုင်း၌ ရာသီဥတု မတည်မငြိမ်ဖြစ်မှု၊ တောင်ဘက်တွင် မိုးသည်းထန်စွာ ရွာသွန်းမှုနှင့် ထိုင်းပင်လယ်ကွေ့ အောက်ပိုင်းတို့တွင် လေပြင်းတိုက်ခတ်မှုနှင့်အတူ အချို့ဒေသများတွင် မတ် ၂၁ ရက်အထိ သက်ရောက်မှုရှိမည်ဟု ခန့်မှန်းထားသည်။
ထိုင်းနိုင်ငံအထက်ပိုင်းတွင်အပူချိန်ကျဆင်းနိုင်ပြီး တောင်ပိုင်းတွင် မတ် ၁၈ ရက်မှ၂၁ ရက်အထိ မိုးသည်းထန်စွာရွာမည်။ တရုတ်နိုင်ငံမှ လေဖိအားနည်းရပ်ဝန်းတစ်ခုသည် ထိုင်းနိုင်ငံအထက်ပိုင်းကို ဖြတ်ကျော်ဝင်ရောက်နေသောကြောင့်အပူချိန်ကျဆင်းကာပိုမိုအေးမြလာပြီး လေပြင်းများတိုက်ခတ်လာနိုင်ပါသည်။ အပူချိန် ၁ မှ ၃ ဒီဂရီစင်တီဂရိတ်အထိ ကျဆင်းနိုင်သည်ဟု ခန့်မှန်းရပြီး မြောက်ပိုင်းနှင့် အလယ်ပိုင်းဒေသများတွင် မိုးကြိုးမုန်တိုင်းများ ဖြစ်ပေါ်နိုင်သေးသည်ဟုဆိုသည်။
မတ် ၁၈ ရက်မှ ၂၁ ရက်အတွင်း ထိုင်းပင်လယ်ကွေ့၊ တောင်ပိုင်းနှင့် ကပ္ပလီပင်လယ်ပြင်တို့တွင် အရှေ့ဘက်နှင့် အရှေ့တောင်ပိုင်းတို့တွင် လေပြင်းများ တိုက်ခတ်နိုင်ပြီး အချို့နေရာများတွင် မိုးသည်းထန်စွာ ရွာသွန်းနိုင်ပါသည်။ ထိခိုက်နိုင်ဖွယ်ရှိသည့်ခရိုင်များမှာ Chumphon၊ Surat Thani၊ Nakhon Si Thammarat၊ Phathalung နှင့် Songkhla တို့ဖြစ်သည်။ ထိုင်းပင်လယ်ကွေ့အောက်ပိုင်း၌လှိုင်းမှာ ၂မီတာမှ ၃မီတာအထိအသင့်အတင့်ရှိနိုင်ပြီးလှိုင်း အမြင့် ၃ မီတာ ထက်မပိုသော နေရာများတွင် မိုးကြိုးမုန်တိုင်း ကျရောက်နိုင်သည်။
ထိုင်းပင်လယ်ကွေ့အထက်ပိုင်းနှင့် ကပ္ပလီပင်လယ်ပြင်တို့မှာ လှိုင်းအမြင့် ၁ မီတာကနေ ၂ မီတာအထိ ရှိနိုင်ပြီး ကမ်းလွန်ပင်လယ်ပြင်မှာ လှိုင်းအသင့်အတင့်ရှိနိုင်ပြီး မုန်တိုင်းတိုက်ခိုက်နိုင်ဖွယ်အခြေအနေရှသည်။ တောင်ပိုင်းပြည်နယ်များတွင် နေထိုင်သူများအနေဖြင့် မိုးသည်းထန်စွာရွာသွန်းမှုနှင့် ဖြစ်ပေါ်လာနိုင်သည့် အန္တရာယ်များအတွက် သတိပြုနေထိုင်ရန် အကြံပြုထားသည်။ ရေလုပ်သားများအနေဖြင့် မုန်တိုင်းထန်သောဒေသများသို့သွားလာခြင်းကို ရှောင်ကြဉ်သင့်ပြီး ကပ္ပလီပင်လယ်ပြင်အောက်ပိုင်းနှင့် ကမ်းလွန်ပင်လယ်ပြင်ရှိ လှေငယ်များသည် မတ် ၂၁ ရက်အထိ ကမ်းပေါ်နေရန် အကြံပြုထားသည်။
တောင်ပိုင်းဒေသများတွင် နေထိုင်သူများအနေဖြင့် မိုးသည်းထန်စွာရွာသွန်းမှုနှင့် ဖြစ်ပေါ်လာနိုင်သည့် အန္တရာယ်များအတွက် သတိပြုနေထိုင်ရန် အကြံပြုထားသည်။ ရေလုပ်သားများ ရေကြောင်းခရီးသွားခြင်းကို ရှောင်ကြဉ်သင့်သည်။ အများပြည်သူများအား tmd.go.th တွင် သို့မဟုတ် 0-2399-4012-13 နှင့် 1182 သို့ ခေါ်ဆို၍ 24/7 ဖြင့် ထိုင်းမိုးလေဝသဌာနမှတဆင့် သတင်းရယူရန် တိုက်တွန်းအပ်ပါသည်။ မတ်လ ၁၈ရက် ၂၀၂၅ခုနှစ်၊ ညနေ ၅ နာရီတွင်ထုတ်ပြန်ခဲ့သည် ၊ဤရာသီဥတုဖြစ်ရပ်အတွက်နောက်ဆုံးအကြံပြုချက်ဖြစ်လိမ့်မည်ဟုလည်းဆိုသည်။
