ထိုင်းနိုင်ငံမှ ပြန်ပို့ခဲ့သောဝီဂါများနှင့် တွေ့ဆုံရန် ဒုဝန်ကြီးချုပ် တရုတ်သို့ရောက်ရှိနေ

မတ်လ ၂၀၊ ၂၀၂၅။ သောင်ရင်းသတင်းလွှာ

ပြီးခဲ့သည့်လကုန်တွင် ထိုင်းနိုင်ငံမှ နေရပ်ပြန်ပို့ခံရသူ ဝီဂါလေးဦးသည် ဒုဝန်ကြီးချုပ် ဖွမ်သမ်ဝေချားချိုင်း၊ တရားရေးဝန်ကြီး သောဝီဆွတ်ဆောင်းနှင့် ထိုင်းသတင်းထောက်အဖွဲ့တစ်ဖွဲ့တို့ မတ်လ ၁၉ ရက်တွင် ၎င်းတို့နေရပ်သို့ လာရောက်လည်ပတ်စဉ်တွင် ၎င်းတို့ အခြေအနေကောင်းမွန်ကြောင်း အတည်ပြုခဲ့သည်ဟု The Nation သတင်းက မတ်လ ၂၀တွင်ဖော်ပြသည်။ တရုတ်နိုင်ငံ၊ရှင်ကျန်း ဝီဂါ ကိုယ်ပိုင်အုပ်ချုပ်ခွင့်ရဒေသ Kashi မြို့တွင် ထိုင်းဒုဝန်ကြီးချုပ်ဖွမ်သန် သည် ၂၀၂၅ ခုနှစ် ဖေဖော်ဝါရီလနှောင်းပိုင်းတွင် ထိုင်းနိုင်ငံမှ ပြန်ပို့ခံရသော ဝီဂါ များကို တွေ့ဆုံခဲ့သည်။

ပြန်လာသူတစ်ဦးကဖွမ်သမ်ကိုကြိုဆိုခဲ့ပြီး ၎င်းပြန်ရောက်သည်မှာရက်ပေါင်း ၂၀ ကျော်နေ၍ နေကောင်းနေပြီဖြစ်ကြောင်းနှင့် ၎င်း၏နေအိမ်သို့ လာရောက်လည်ပတ်ရန် ဖုမ်သမ်နှင့် ထိုင်းမီဒီယာများကို ဖိတ်ကြားကာ မီဒီယာများလည်း မေးမြန်းခွင့်ရရှိခဲ့ကြောင်း ၎င်းက ပြောကြားခဲ့သည်။ လွန်ခဲ့သည့်ဆယ်စုနှစ်များအတွင်း နိုင်ငံအတွင်း သိသာထင်ရှားသော အပြောင်းအလဲများ ကြုံတွေ့ခဲ့ရသောကြောင့် နေအိမ်သို့ ပြန်လာခြင်းသည် ကောင်းမွန်သည်ဟု ပြန်လာသူမှ ပြောကြားခဲ့ပါသည်။ ယခင်က ငလျင်ဒဏ်ခံရသော ဒေသတွင် နေထိုင်ခဲ့ပြီး တရုတ်အစိုးရသည် မိသားစုအတွက် အိမ်ရာသစ်များ ဆောက်လုပ်ပေးခဲ့သည်။

ဖွန်သမ် က သူဘာကြောင့် အစပိုင်း ထိုင်းနိုင်ငံကို ထွက်သွားသလဲဟု မေးမြန်းခဲ့သည့်အခါ သူကပိုမိုကောင်းမွန်သောဘဝဖြင့် နိုင်ငံရပ်ခြားသို့သွားခဲ့သော်လည်း နောက်ပိုင်းတွင် စစ်မှန်သောပျော်ရွှင်မှုကို အိမ်၌သာရှာတွေ့နိုင်သည်ဟု သိရှိရသဖြင့် ဆုံးဖြတ်ချက်ကို နောင်တရမိကြောင်း ပြန်လည်ရောက်ရှိလာသူက ရှင်းပြသည်ဟုသတင်းကဆိုသည်။ သူ မပြန်မီမှာ ချုပ်နှောင်ခံရမည်ကို ကြောက်ရွံ့ခဲ့သော်လည်း တရုတ်နိုင်ငံသို့ ရောက်သည့်အခါ ဘေးကင်းလုံခြုံပြီး တရုတ်အစိုးရကို ကျေးဇူးတင်ကြောင်း ဖော်ပြခဲ့သည်။

သူ့ရွာကိုပြန်ရောက်သောအခါ ခွဲခြားဆက်ဆံမှုမခံရဘဲ ရပ်ရွာက လှိုက်လှိုက်လှဲလှဲ ကြိုဆိုခဲ့ကြောင်းလည်းသူကဆိုသည်။ ယခု သူ့အစ်မ၏ စားသောက်ဆိုင်တွင် စားဖိုမှူးအဖြစ် ယခင်က သူလုပ်ခဲ့ဖူးသည့် အသက်မွေးဝမ်းကြောင်းအလုပ်ကိုပြန်လုပ်နေကြောင်းသူ၏ အိမ်ထောင်ဖက်နှင့် သားသမီးများသည် အခြားမြို့၌ နေထိုင်ကြပြီး ရှင်ကျန်းဝီဂါ ကိုယ်ပိုင်အုပ်ချုပ်ခွင့်ရဒေသမှ ထုတ်ပေးသော ၎င်း၏ နိုင်ငံသားစီစစ်ရေးကတ်ပြားနှင့် အိမ်ထောင်စုစာရင်းကို ပြသခဲ့သည်။ ထို့အပြင်၊ သူမရှိချိန်အတွင်းဆုံးရှုံးသွားသောလုပ်ခအတွက်လျော်ကြေးငွေရရှိမည်ဖြစ်ပြီး၊ အိမ်သို့ပြန်လာခြင်းသည်မှန်ကန်သောဆုံးဖြတ်ချက်ဖြစ်သည်ဟူသော ယုံကြည်ချက်ကို ပိုမိုအားကောင်းစေသည်။ ဝီဂါမိသားစုများနှင့် ငြိမ်းချမ်းစွာ ပြန်လည်ပေါင်းစည်းရန် အစိုးရ၏ ကြိုးပမ်းအားထုတ်မှုအတွက် အထူးကျေးဇူးတင်ရှိကြောင်း ၎င်းက ပြောကြားခဲ့သည်ဟုလည်းသတင်းကဆိုသည်။

ဖွန်သမ်သည် ယင်းဝီဂါအမျိုးသားတစ်ဦးအား တရုတ်နိုင်ငံသို့ လုံခြုံစွာပြန်လည်ရောက်ရှိလာခြင်းအတွက် ချီးကျူးဂုဏ်ပြုခဲ့ပြီး ထိုင်းနိုင်ငံသည် တရားရေးဆိုင်ရာလုပ်ထုံးလုပ်နည်းများကို လိုက်နာရမည်ဖြစ်သောကြောင့်၎င်းအား ဖမ်းဆီးထိန်းသိမ်းရခြင်းဖြစ်ပြီး၁၁ နှစ်ကြာ ထိန်းသိမ်းခံထားရမှုအတွက် တောင်းပန်ခဲ့ပြီး မည်သည့်နိုင်ငံမှ ၎င်းတို့အား ပြန်လည်ခေါ်ယူရန် တရားဝင်တောင်းဆိုခဲ့ခြင်းမရှိကြောင်းနှင့် ထိုအချိန်အတွင်း ကြုံတွေ့ခဲ့ရသည့် အခက်အခဲများအတွက် နောင်တရကြောင်း ပြောကြားခဲ့သည်ဟုလည်းသတင်းကဖော်ပြသည်။