မတ်လ ၂၃၊ ၂၀၂၅။ သောင်ရင်းသတင်းလွှာ
တာ့ခ်ခရိုင် မဲဆောက်မြို့နယ် ဒန်မဲလမော်မြို့နယ်ခွဲ ဒန်မဲလမူး ကျေးရွာအုပ်စု အမှတ် ၁၀ ရှိ ဘန်ဟွေယာဦး စစ်ဆေးရေးဂိတ်မှ တာဝန်ရှိသူများနှင့် တာဝန်ရှိသူများက လမ်ပူခရိုင် လိုင်စင်နံပါတ်ပါ ပစ်ကပ်ထရပ်ကားတစ်စီး၌ Starlink ဂြိုလ်တုဆက်သွယ်ရေး ကုန်သေတ္တာ ၃၈ လုံးကို မတ်လ ၂၂ ရက် ညနေပိုင်းက ရှာဖွေတွေ့ရှိခဲ့သည်ဟု Khaosod သတင်းကမတ်လ ၂၃ရက်နေ့တွင်ဖော်ပြသည်။
ယာဉ်မောင်းမှာ တရုတ်နိုင်ငံသား Mr.Lyu ဖြစ်သည် ။
ကရင်ပြည်နယ်၊ မြဝတီမြို့တွင် လိမ်လည်လှည့်ဖြားလုပ်ကိုင်ရန်အတွက် နယ်စပ်ဖြတ်ကျော် စက်ပစ္စည်းများကို မြန်မာဘက်သို့ ခိုးသွင်းရန် ကြိုးပမ်းမှုဟု အာဏာပိုင်များက သံသယရှိကြောင်း သိရသည်။ ဆက်စပ်ပစ္စည်းများအား သိမ်းဆည်းရမိခဲ့ပြီး တရုတ်နိုင်ငံသားအား တရားဥပဒေအရ အမှုဖွင့်အရေးယူထားသည်။
