မတ်လ ၂၆၊ ၂၀၂၅။ သောင်ရင်းသတင်းလွှာ
ထိုင်းနိုင်ငံ၌ ဖမ်းမိခဲ့သည့်မူးယစ်ဆေးဝါးများသည် KNU/KNLA နှင့်လုံး ဝမပတ်သက်ပါဟု ကရင်အမျိုးသားလွတ်မြောက်ရေးတပ်မတော် (KNLA) ဗဟိုစစ်ဦးစီးဌာနချုပ်က မတ် ၂၅ရက်နေ့ကထုတ်ပြန် အသိပေးလိုက်သည်။
မူးယစ်ဆေးဝါးထုတ်လုပ်ခြင်း ဖြန့်ဖြူးခြင်းရောင်းဝယ်ဖောက်ကားသည့် လုပ်ငန်းများကိုနိုင်ငံတကာ က ဆန့်ကျင့်ရှုတ်ချတာနဲ့အတူ KNU/KNLAအနေနှင့်လည်း မူလမ်းစဉ်အရ လုံးဝအားပေးထောက်ခံခြင်းမရှိဘဲ နိုင်ငံတကာနှင့်အတူ ဆန့်ကျင့်ရှုတ်ချသည်ဟု ထုတ်ပြန်ချက်တွင်ဖော်ပြထားသည်။
KNLA၏အဆိုပါ ထုတ်ပြန်ချက်တွင် “မူးယစ်ဆေးဝါး နဲ့ပတ်သက်ပြီး မိမိတို့ KNU/KNLA က တော်လှန်ရေးသမိုင်းတလျှောက် ကင်းရှင်းစွာ ရပ်တည်လာခဲ့တဲ့ အဖွဲ့အစည်းဖြစ်တယ်”ဟုဖော်ပြထားသည်။
KNLA အုပ်ချုပ်မှုနယ်မြေအတွင်း မူးယစ်ဆေးဝါးနဲ့ပတ်သက်၍ ပြစ်မှုတစ်စုံတစ်ရာ ကျူးလွန်သူကို အဖွဲ့အစည်း၏ တည်ဆဲဥပဒေများနှင့်အညီ အရေးယူသွားမည်ဟုလည်း ယင်းတွင်ဆက်လက်ဖော်ပြသည်။
