မတ်လ ၂၈၊ ၂၀၂၅။ သောင်ရင်းသတင်းလွှာ
မတ် ၂၆ ရက် ဗုဒ္ဓဟူးနေ့ ညသန်းခေါင်ယံမတိုင်မီ အချိန်တိုအတွင်း တာ့ခ်ခရိုင် ဖုတ်ဖရမြို့နယ်အာဏာပိုင်များက Ban Khiri Rat အနီးတွင်မသင်္ကာဖွယ် ပစ်ကပ်ထရပ်ကားကို တွေ့ရှိသဖြင့် စစ်ဆေးရာ၌ထိုင်းနိုင်ငံအတွင်းသို့ ခိုးသွင်းလာသည့် မြန်မာရွှေ့ပြောင်းအလုပ်သမားများ စွန့်ပစ်ခံခဲရကြောင်း သိရသည်ဟု Khaosod သတင်းကဖော်ပြသည်။
ချီဘာဘိုကျေးရွာနောက်ဘက်ရှိ ပီလောပီနံစိုက်ခင်းတွင် စွန့်ပစ်ထားသောယာဉ်ကို တွေ့ရှိရပြီးတာဝန်ရှိသူများက အနီးကပ်လိုက်ရှာဖွေရာတွင်အထောက်အထားမဲ့ မြန်မာနိုင်ငံသား ၁၀ ဦးကို အမျိုးသား ၄ ဦး၊ အမျိုးသမီး ၆ ဦးတွေ့ရှိခဲ့ပြီး မေးမြန်းခဲ့ရာတွင်
၎င်းတို့အားလုံးသည် အလုပ်လုပ်ရန်အတွက် ဘန်ကောက်သို့ သွားရောက်ရန် ကြိုးစားခဲ့ကြောင်း ဝန်ခံခဲ့ကြသည်ဟုဆိုသည်။
