မတ်လ ၂၈၊ ၂၀၂၅။ သောင်ရင်းသတင်းလွှာ
ဒီနေ့မွန်းလွဲပိုင်းမှာ လှုပ်ခတ်ခဲ့တဲ့ ငလျင်ဒဏ်ကြောင့် မန္တလေးတက္ကသိုလ် ပြိုကျကာ မီးလောင်နေပြီး အထဲမှာ စာစစ်နေကြတဲ့ ဆရာ၊ ဆရာမအချို့ပိတ်မိနေတယ်လို့ မြို့ခံတဦးက သောင်ရင်းသတင်းလွှာကိုပြောပါတယ်။
“အခုက ဖုန်းလိုင်းတွေမရတာများတယ်။ တယ်လီနောနဲ့ဆက်သွယ်ကြည့်နေတာ။ မီးငြိမ်းတဲ့သူတွေမရှိဘူး။ စာစစ် ဆရာ၊ ဆရာမတွေ ပိတ်မိနေတယ်လို့သိရပါတယ်”လို့ အသက် ၅၀နှစ်အရွယ် အမျိုးသားတဦးကပြောပါတယ်။
အလားတူ ငလျင်ဒဏ်ကြောင့် မန္တလေးမှာရှိတဲ့ လူနေအထပ်မြှင့်အဆောက်အဦးအချို့အပါဝင် ရွှေဘုန်းရှိန်ဗလီပါ ပြိုကျပျက်စီးသွားတယ်လို့ ကနဦးသိရပါတယ်။
