ဧပြီ ၂၊ ၂၀၂၅။ သောင်ရင်းသတင်းလွှာ
ချင်းပြည်နယ်၊ မင်းတပ်မြို့ပေါ်ကို လေကြောင်းကနေ ပေါင်၅၀၀ ဗုံး၂လုံးကြဲချတိုက်ခိုက်ခဲ့တယ်လို့ဒေသခံတွေဆီကနေသိရပါတယ်။ မနေ့ ညနေ ၆နာရီ ၂၅မိနစ်ခန့်က မင်းတပ်မြို့ပေါ်ကို စစ်အုပ်စုဘက်က လေကြောင်းကနေတိုက်ခိုက်ခဲ့ရာ လူထိခိုက်မှုမရှိပေမယ့် ပြည်သူပိုင် အဆောက်အဦးအချို့ ထိခိုက်ပျက်စီးသွားတယ်လို့ ပြောပါတယ်။
“ဘယ်လို့အသိညဏ်နဲ့ လိုက်ဗုံးကြဲနေလဲမသိဘူးဗျာ။ အားလုံးက ငလျင်ဒဏ်သင့်ပြည်သူတွေအတွက် သောကရောက်နေကြချိန် ငလျင်ဘေးကိုမကူညီဘဲ လေကြောင်းကနေ ဗုံးလိုက်ကြဲနေတာ။ လူတော့မထိကြဘူး။ အဆောက်အဦးတချို့ပျက်စီးကုန်တယ်”လို့ဒေသခံတဦးကပြောပါတယ်။ မင်းတပ်မြို့အပါဝင် ချင်းပြည်နယ်အတွင်းက ပြည်သူတွေအနေနဲ့ စစ်အုပ်စုရဲ့ လေကြောင်းရန်အန္တရာယ်ကို အထူးဂရုစိုက်ကြဖို့ တော်လှန်ရေးတပ်တွေဘက်က သတိပေးထားပါတယ်။
#သောင်ရင်းသတင်းလွှာ #ချင်း #မင်းတပ် #ငလျင် #စကစ #လေကြောင်းတိုက်ခိုက်
