ဧပြီလ ၂၊ ၂၀၂၅။ သောင်ရင်းသတင်းလွှာ
မြန်မာနိုင်ငံတွင် ကနဦးငလျင်လှုပ်ခတ်ပြီးနောက် နောက်ဆက်တွဲငလျင် ၂၆၄ ခုအား ဧပြီ ၂ရက်နေ့အထိ မှတ်တမ်းတင်နိုင်ခဲ့ကြောင်း ထိုင်းမိုးလေဝသဌာန မြေငလျင်စောင့်ကြည့်ရေးဌာနက ပြောသည်ဟု The Nation သတင်းကဖော်ပြသည်။ ပြီးခဲ့သည့်မတ်လ ၂၈ ရက်နေ့တွင် မန္တလေးမြို့၌ ဗဟိုပြု၍ ပြင်းအား ၈.၂ အဆင့်ရှိ ငလျင်လှုပ်ခတ်ခဲ့ပြီး မြန်မာနှင့် ထိုင်းနိုင်ငံတို့ကို လှုပ်ခတ်ခဲ့ကြောင်း အဆိုပါ အစီရင်ခံစာတွင် ဖော်ပြသည်။
ဧပြီ ၁ရက်နှင့်၂ရက်နေ့ကြားတွင် နန်၊ ချင်းမိုင်၊ ဖါး၊ မယ်ဟောင်ဆောင်နှင့် လပမ်ပန်တို့တွင် ပြင်းအား ၁.၀ မှ ၂.၉ ရှိသော ငလျင်များ လှုပ်ခတ်သည်ကို တိုင်းတာတွေ့ရှိခဲ့သည်။ အင်ဒိုနီးရှားနိုင်ငံ၊ ဆူမားတြားမြောက်ပိုင်းတွင် နောက်ဆုံးငလျင်လှုပ်ခတ်မှုနှင့်အတူ မြန်မာ၊ လာအိုနှင့် တရုတ်နိုင်ငံတို့တွင် အလားတူဖြစ်ရပ်များ ဖြစ်ပွားခဲ့ကြောင်း အဆိုပါဌာနက ပြောသည်။
ထိုင်းနိုင်ငံတွင် မတ်လ ၁ရက်နေ့မှ ၂ရရက်နေ့ကြား ပြင်းအား ၁.၀ မှ ၂.၉ ရှိသော ငလျင် ကိုးကြိမ် လှုပ်ခတ်ခဲ့သည်။ ထို့အပြင် ထိုင်းနိုင်ငံအနီးတွင် ပြင်းအား ၁.၀မ ၂.၉ ရှိသည့် ငလျင် ၂၃ ကြိမ်၊ ၃.၀ မှ ၃.၉ ကြား ၁၃ ကြိမ်လှုပ်ခဲ့သည်ဟုဆိုသည်။ ဒီအတောအတွင်း ဘန်ကောက်မြို့တော် အုပ်ချုပ်ရေးရုံးရဲ့ Erawan Center က မတ် ၁ရက်နေ့ ညနေ ၄ နာရီအထိ မြို့တော်တွင်ဒဏ်ရာရသူ ၃၄ ဦးနှင့်သေဆုံးသူ ၂၂ ဦး ရှိခဲ့သည်ဟုသိရသည်။ ၎င်းတို့အနက် နိုင်ငံတော်စာရင်းစစ်ရုံး အဆောက်အအုံပြိုကျမှုကြောင့် ဒဏ်ရာရသူ ၁၉ ဦးနှင့် သေဆုံးသူ ၁၄ ဦးရှိခဲ့သည်။
