ဧပြီ ၂၊ ၂၀၂၅။ သောင်ရင်းသတင်းလွှာ
နိုင်ငံတဝှမ်း ငလျင်ဒဏ်ကြောင့် ထိခိုက်ပျက်စီးမှုတွေ ရှိနေတာကြောင့် စစ်အုပ်စုဘက်က နိုင်ငံတော်အဆင့် ဝမ်းနည်းခြင်းအထိမ်းအမှတ်အဖြစ်နဲ့သတ်မှတ်ထားပေမယ့် စည်းကမ်းချိုးဖောက် ဂတိမတည်ခဲ့ဘဲ နောင်ချိုနယ်ကို ဒရုန်းနဲ့ဗုံးကြဲတိုက်ခိုက်ခဲ့တယ်လို့ သိရပါတယ်။ ဒီနေ့ ညနေ၄နာရီ ၂၀မိနစ်အချိန်က နောင်ချိုမြို့နယ်၊ ဆမ္မဆယ်ရွာကို ဒရုန်းနဲ့ ဗုံးကြဲတိုက်ခိုက်ခဲ့တာကြောင့် ဒေသခံပြည်သူ အမျိုးသားတဦးသေဆုံးသွားတယ်လို့ သိရပါတယ်။
အခုလို စစ်အုပ်စုရဲ့ လူမဆန်စွာ ဒရုန်းနဲ့လေကြောင်းကနေ ဗုံးကြဲခဲ့တာကြောင့် ပြည်သူတဦးသေဆုံးခဲ့ရသလို နေအိမ်တလုံးလည်း ထိခိုက်ပျက်စီးခဲ့ရတယ်လို့သိရပါတယ်။ အလားတူ ပြီးခဲ့တဲ့ မတ်လ ၃၁ရက်နေ့ကလည်း ငလျင်ဒဏ်ခံစားနေရတဲ့ကြားကနေ နောင်ချိုမြို့နယ် ကျောက်ကြမ်းကျေးရွာကိုဒရုန်းနဲ့ ၁၂၀မမဗုံးသီးကြဲချခဲ့သေးတယ်လို့သိရပါတယ်။ ပြီးခဲ့တဲ့ ငလျင်စလှုပ်ခဲ့တဲ့ မတ်လ ၂၈ရက်နေ့ မွန်းလွဲ ၁နာရီ ၅မိနစ်အချိန်ကလည်း နောင်လင်ကျေးရွာအတွင်း စစ်ကောင်စီတပ်မှ ဂျက်ဖိုက်တာနဲ့ ပေါင် (၂၅၀)ဗုံး (၂)လုံး လာရောက်ကြဲချမှုကြောင့် ဒေသခံနေအိမ် (၃)လုံးနဲ့ စာသင်ကျောင်း (၂)ကျောင်း ထိမှန်ပျက်စီးသွားတယ်လို့သိရပါတယ်။
#သောင်ရင်းသတင်းလွှာ #နောင်ချို #ငလျင် #စကစ #ဒရုန်းနဲ့ဗုံးကြဲ
