ဧပြီလ ၅၊ ၂၀၂၅။ သောင်ရင်းသတင်းလွှာ
ပြင်းအား ၁.၉ မှ ၅.၆ အကြားရှိ ငလျင်အများအပြားကို (ဧပြီ ၄ ရက်) ညတွင် မြန်မာနိုင်ငံ၌ မှတ်တမ်းတင်ခဲ့ကြောင်း ထိုင်းမိုးလေဝသဌာန၏ မြေငလျင်ဌာနက သတင်းထုတ်ပြန်သည်ဟု The Nation သတင်းကဧပြီ ၅ရက်ကဖော်ပြသည်။ အနက် ၁၀ ကီလိုမီတာ၌ပြင်းအား ၅.၆ ရှိသည့် အကြီးဆုံးငလျင်သည် ည ၁၀:၂၅နာရီတွင် လှုပ်ခတ်ခဲ့ကြောင်း ဌာနခွဲက ထုတ်ပြန်ခဲ့သည်။ မြန်မာနိုင်ငံတွင် မြောက်ဘက် ကိုဩဒိနိတ် ၂၁.၂၂၁ ဒီဂရီနှင့် အရှေ့ဘက် ကိုဩဒိနိတ် ၉၆.၂၉၉ ဒီဂရီ တို့တွင်ဖြစ်သည်ဟုသတင်းကဆိုသည်။
ငလျင်ဗဟိုချက်သည် မယ်ဟောင်ဆောင်ခရိုင် Muang မြို့၏ အရှေ့မြောက်ဘက် ၂၇၆ ကီလိုမီတာအကွာတွင် တည်ရှိကြောင်း အဆိုပါဌာနမှ သိရသည်။ ထိုင်းနိုင်ငံနှင့် အနီးဆုံး ဗဟိုပြု၍ ငလျင်လှုပ်ခတ်မှုမှာ ည ၇ နာရီ ၄၃ မိနစ်တွင် လှုပ်ခတ်ခဲ့ကြောင်းလည်း သိရသည်။ ဧပြီ ၄ရက်နေ့တွင် မယ်ဟောင်ဆောင်ခရိုင် ပန်မာဖာမြို့မှ ကီလိုမီတာ ၄၀ ခန့်အကွာတွင် လှုပ်ခဲ့ခြင်းဖြစ်ပြီး ဤငလျင်သည် ပြင်းအား 2.6 ရှိပြီး အနက် ၁ကီလိုမီတာမှဖြစ်သည်ဟုဆိုသည်။ မယ်ဟောင်ဆောင်နှင့် အနီးနားခရိုင်များတွင် နေထိုင်သူများ လှုပ်ခတ်မှုကို ခံစားခဲ့ရကြောင်း အဆိုပါဌာနက ပြောကြားပြီး အဆိုပါငလျင်ကြောင့် ထိခိုက်ပျက်စီးမှု သို့မဟုတ် အခြားထိခိုက်မှုသတင်းများ မရှိသေးကြောင်းလည်း သိရသည်။
ထိုင်းမိုးလေဝသဌာနက အခြေအနေကို အနီးကပ်စောင့်ကြည့်နေပြီး အစိုးရအေဂျင်စီများ၏ နောက်ဆုံးရသတင်းများအားလိုက်နာရန် ပြည်သူများကို တိုက်တွန်းထားသည်။ ငလျင်လှုပ်နေစဉ်အတွင်း အများပြည်သူအတွက် ဘေးကင်းရေး အကြံပြုချက်
– အကယ်၍ သင်သည် အဆောက်အဦအတွင်း၌ ပြတင်းပေါက်များ၊ တံခါးများနှင့် အပြင်နံရံများနှင့် ဝေးဝေးနေပါ။ ပြုတ်ကျခြင်းမှ ကာကွယ်ရန် စားပွဲ၊ ကုလားထိုင် သို့မဟုတ် ခိုင်ခံ့သော အရာဝတ္ထုတစ်ခုအောက်တွင် ဖုံးအုပ်ထားပါ။ အပြင်ဘက်ဆိုလျင် ဓာတ်အားပေးတိုင်များ၊ သစ်ပင်ကြီးများ၊ အဆောက်အဦးများနှင့်ဝေးသောနေရာတွင်နေပါ။
ပြည်သူများအနေဖြင့် မိုးလေဝသဌာန၏ ဝက်ဘ်ဆိုဒ်ဖြစ်သော eq.tmd.go.th တွင် နောက်ဆုံးရ ငလျင်သတင်း အချက်အလက်များကို ဖတ်ရှုနိုင်ပါသည်။
