မြန်မာကမှ ယူကရိန်းအထိ

ဧပြီလ ၆၊ ၂၀၂၅။ သောင်ရင်းသတင်းလွှာ

ဖက်ဒရယ်ဒီမိုကရေစီပြည်ထောင်စု ထူထောင်ရန် မြန်မာစစ်အစိုးရကို ဆန့်ကျင်နေသည့် မြန်မာပြည်သူများက ယူကရိန်းနိုင်ငံကို ရုရှားကျူးကျော်ဝင်ရောက်ချိန်မှစ၍ ယူကရိန်းပြည်သူများနှင့် စည်းလုံးညီညွတ်ကြောင်း ဖော်ပြခဲ့ကြသည်။ မြန်မာနိုင်ငံသည် ၁၉၆၂ ခုနှစ်ကတည်းက စစ်အာဏာရှင်စနစ်အောက်တွင် ရှိခဲ့ပြီး ၁၉၈၈ ခုနှစ်နောက်ပိုင်းတွင် တရုတ်လိုလားသော ရုရှားလိုလားသော မူဝါဒများ ပြင်းထန်လာကာ အနောက်တိုင်းနယ်ချဲ့ဆန့်ကျင်ရေး စံနှုန်းများဖြင့် တွန်းအားပေးခဲ့သည်။ ထို့ကြောင့် တရုတ်ကွန်မြူနစ်ပါတီနှင့် ရုရှားအစိုးရတို့သည် ၎င်းတို့၏ မျှဝေထားသော အာဏာရှင်လက္ခဏာများနှင့် တိုင်းရင်းသားလူနည်းစုများအပေါ် ဖိနှိပ်မှုသမိုင်းကြောင့် မြန်မာစစ်အစိုးရ၏ ဗျူဟာမြောက်မဟာမိတ်များအဖြစ် လူအများက ထင်မြင်ကြသည်။

ထို့ကြောင့် အနောက်တိုင်းပုံစံ ဒီမိုကရေစီနှင့် ကိုယ်ပိုင်ပြဌာန်းခွင့်အတွက် မြန်မာ ပြည်သူတို့က ထောက်ခံကြသည်။ ၂၀၂၂ ခုနှစ် ဖေဖော်ဝါရီလတွင် ကချင် ပြည်နယ်မှ နေရပ်စွန့်ခွာ တိမ်းရှောင်သူများ သည် မိမိတို့ကိုယ်မိမိ ပဋိပက္ခများ မှထွက်ပြေးလာ သော်လည်း ယူကရိန်း နှင့် စည်းလုံး ညီညွတ်ရေး အတွက် “စစ်ပွဲ ရပ်ရန် ရုရှား၊ ယူကရိန်း ကို ကယ်တင်ပါ” ဟူသော စာတို များကို ပြသ ကာ ယူကရိန်း နှင့် စည်းလုံး ညီညွတ်မှု ကို ပြသ ခဲ့သည်။ တစ်ချိန်တည်းမှာပင် မြန်မာနိုင်ငံတစ်ဝှမ်းရှိ ကျောင်းသားသမဂ္ဂများနှင့် အမျိုးသား စည်းလုံးညီညွတ်ရေး အစိုးရ (NUG) တို့၏ ရန်ပုံငွေရှာဖွေရေး လှုပ်ရှားမှုများသည် ကမ္ဘာလုံးဆိုင်ရာ ယူကရိန်းလိုလားသူများနှင့် ရုရှားဆန့်ကျင်ရေး ဆန္ဒပြပွဲများတွင် ပါဝင်ခဲ့သည်။

၂၀၂၃ ခုနှစ်တွင် ရှမ်းပြည်တွင် ဆန္ဒပြပွဲများအတွင်း “လူသတ်ပူတင်” နှင့် “ငါတို့ယူကရိန်းဘက်ကရပ်တည်တယ်” ကဲ့သို့သော ကြွေးကြော်သံများကို မြင်တွေ့ခဲ့ရသည်။မြန်မာစစ်အစိုး က ၎င်းတို့ကိုဆန့်ကျင်သည့်ဒေသများရှိ အရပ်သားများကို ဗုံးကြဲတိုက်ခိုက်ရာတွင် အသုံးပြုသည့် လေယာဉ်များကို တရုတ်နိုင်ငံကပံ့ပိုးပေးခြင်းဖြင့် မြန်မာနိုင်ငံသို့ စစ်လက်နက်များ ဆက်လက် ထောက်ပံ့ပေးနေသောကြောင့် မြန်မာတော်လှန်ရေး လှုပ်ရှားမှုများက ရုရှားနှင့် တရုတ်တို့ကို ဆန့်ကျင်သည်။ ၂၀၂၅ ခုနှစ် မတ်လတွင် စစ်ကိုင်းတိုင်းဒေသကြီး ယင်းမာပင်မြို့နယ်မှ ရွာသားများသည် အပြည်ပြည်ဆိုင်ရာ အလုပ်သမားအဖွဲ့ချုပ် (ILO) မှ ပုဒ်မ ၃၃ ကို အကောင်အထည်ဖော်ရန် တောင်းဆိုခဲ့ပြီး စည်းလုံးညီညွတ်မှုကို ပြသရန် အမေရိကန်သမ္မတ ဒေါ်နယ်ထရမ့်က ရုရှားကို လိုလားသည့်သဘောဖြင့် ယူကရိန်းသမ္မတ ဇာလန်းစကီးဖိအားပေးခြင်းကို ဆန့်ကျင်သည့်သဘောအဖြစ် ယူကရိန်းအလံများ ပြသ တောင်းဆိုခဲ့ကြသည်။

မြန်မာလူမျိုးများသည် ထိုင်ဝမ်၊ ဟောင်ကောင်၊ တိဗက်၊ ယူကရိန်းနှင့်အခြားဒေသများကို နယ်ချဲ့လက်အောက်ခံ BRICS အဖွဲ့မှ အမြတ်ထုတ်ခြင်းမှ ရုန်းကန်မှုများကို စာနာနားလည်ကြသည်။ ဆီးရီးယားတွင် အာဆတ်ကို မကြာသေးမီက ဖြုတ်ချခြင်းသည် အစားထိုးအစိုးရ၏ ချို့ယွင်းချက်များရှိနေသော်လည်း၊ မြန်မာနိုင်ငံတွင် အပြောင်းအလဲအတွက် မျှော်မှန်းချက်များကို လှုံ့ဆော်ပေးခဲ့သည်။ သမိုင်းကြောင်းအရ ၁၉၄၀ ပြည့်လွန်နှစ်များအတွင်းဩဇာကြီးမားသော ကွန်မြူနစ်သီအိုရီသမား သခင်စိုးက ဖက်ဆစ်ဂျပန်ကို နယ်ချဲ့ ဖက်ဆစ်ဝါဒီအဖြစ် သတ်မှတ်ဖော်ပြခဲ့သည့် အင်းစိန် စစ်တမ်းကို ရေးသားခဲ့ပြီး ဖက်ဆစ်ဝါဒကို တိုက်ဖျက်ရန်အတွက် ပြည်တွင်းကွန်မြူနစ်များနှင့် ဆိုရှယ်လစ်များကို ဗြိတိသျှနှင့်ယာယီပူးပေါင်းဆောင်ရွက်ရန် တောင်းဆိုခဲ့သည်။

၂၁ ရာစုတွင် အလားတူချဉ်းကပ်မှုမျိုး လိုအပ်သည်ဟု ယူဆပါသည်။ အနောက်တိုင်းနယ်ချဲ့ဝါဒနှင့် လစ်ဘရယ်ဝါဒသည်အရေးကြီးနေဆဲဖြစ်သော်လည်း BRICS မဟာမိတ်အဖွဲ့သည် ၎င်း၏လက်ဝဲ-ရှေးရိုးစွဲယဉ်ကျေးမှုတန်ဖိုးများနှင့် ထရမ့်လက်ယာစွန်းနိုင်ငံရေးဆက်ဆံမှုများဖြင့် BRICS မဟာမိတ်ဖွဲ့မှုသည် ကျွန်ုပ်တို့အတွက် ကြီးမားသောခြိမ်းခြောက်မှုတစ်ခုဖြစ်သည်။ (“Trumpist paleo-libertarian right”)ထရမ့်ကျောက်ခေတ်ဦးလွတ်လပ်ရေးလက်ယာဝါဒ နှင့် “လက်သစ်စတာလင်လက်ဝဲဝါဒ”၏ မဟာမိတ်ဖြစ်သော အညိုနီရောင် မဟာမိတ်များသည် ယူကရိန်းပဋိပက္ခတွင် ရုရှားကို ပံ့ပိုးပေးသော မဟာမိတ်ဖြစ်ပြီး ကမ္ဘာတစ်ဝှမ်းရှိ ပြည်သူ့လွတ်လပ်ခွင့်အတွက် အဓိကရန်ဘက်ဖြစ်သည်။

လစ်ဘရယ်များ၊နိုးထပြီးသောနယ်ချဲ့အထက်တန်းစားလက်ဝဲ၊ စစ်မှန်သောလမ်းဆုံလက်ဝဲနှင့် တတိယကမ္ဘာဒီမိုကရေစီတော်လှန်ရေးအင်အားစုများအကြား ယာယီပူးပေါင်းဆောင်ရွက်မှုကရွှေ့ပြောင်းအခြေချသူများ၊ အလုပ်သမားလူတန်းစား၊ တိုင်းရင်းသားလူနည်းစုများနှင့် LGBTQ+ တို့သည် နယ်ချဲ့စနစ်နိုးကြားလာပြီး ပရော်ဖက်ရှင်နယ် စီမံခန့်ခွဲရေးလူတန်းစား၏ အရင်းအနှီးများ နိုးကြားလာသောအခါတွင် ၎င်းတို့၏တာဝန်ကိုစိန်ခေါ်ချက်တစ်ခုအဖြစ် သတ်မှတ်ခံရသည်။

အဲမောင်း
Workers’ Liberty စာမျက်နှာတွင်ဖော်ပြသော ဟိန်းထက်ကျော်ရေးသားသည့် From Myanmar to Ukraine ကိုပြန်ဆိုပါသည်။