မေလ ၁၁၊ ၂၀၂၅။ သောင်ရင်းသတင်းလွှာ
မတ်လ ၂၈ ရက်က မြန်မာနိုင်ငံအလယ်ပိုင်းတွင် ရစ်ခ်ျတာစကေး ၇ ဒသမ ၇ အဆင့်ရှိ ငလျင်လှုပ်ခတ်ခဲ့ပြီး ပျက်စီးဆုံးရှုံးမှုများ ကျယ်ကျယ်ပြန့်ပြန့် ဖြစ်ပွားခဲ့သည်။
ဆန်းဒါးလန်းတက္ကသိုလ်မှ မြန်မာလူ့အဖွဲ့အစည်းသည် ကယ်ဆယ်ရေးလုပ်ငန်းများကို ပံ့ပိုးကူညီရန်အတွက် ကမ္ဘာလုံးဆိုင်ရာ ယဉ်ကျေးမှုနေ့တွင် ရန်ပုံငွေပွဲတစ်ခု ပြုလုပ်ခဲ့သည်ဟု The Northern Echo စာမျက်နှာက မေလ ၁၀ရက်တွင် ဖော်ပြသည်။ ကျောင်းသားများနှင့် ဝန်ထမ်းများသည် မြန်မာသင်္ကြန်နှစ်သစ်ကူးပွဲတော်ကို ဆင်နွှဲကြပြီး ရန်ပုံငွေပွဲအတွက် အလှူငွေထည့်ဝင်ကြရန် တက္ကသိုလ်ကျောင်းဝင်းအတွင်း ကျောင်းသားများနှင့် ဝန်ထမ်းများလည်း စုရုံးခဲ့ကြသည်။
မြန်မာနိုင်ငံအသင်း၏ ဒုတိယဥက္ကဋ္ဌနှင့် စီးပွားရေးစီမံခန့်ခွဲမှုမဟာဘွဲ့ ကျောင်းသားတစ်ဦးဖြစ်သူ ဦးသန်းသာထက်က “မကြာသေးမီက ငလျင်ကြောင့် သင်္ကြန်ပွဲတွေကို ရန်ပုံငွေပွဲအဖြစ် ပြောင်းလဲခဲ့ပါတယ်”ဟုပြောကြားသည်။ “ပုံမှန်အားဖြင့်၊ ကျနော်တို့ဟာ အပြစ်များနဲ့ကံကြမ္မာဆိုးများကင်းစင်ရေးကို ကိုယ်စားပြုတဲ့အထိမ်းအမှတ်ပွဲများရဲ့ အစိတ်အပိုင်းအဖြစ် အချင်းချင်း ရေပက်ကြပါတယ်။ဟုသူကဆက်ပြောသည်။ “ဒါပေမယ့် ဒီနှစ်မှာတော့ ကျွန်တော်တို့ အသုံးပြုနေတဲ့ ရေကို လျှော့ချပြီး ရန်ပုံငွေ ရှာဖွေရေး ကြိုးပမ်းမှုတွေအတွက် ရန်ပုံငွေ ရှာဖွေရာမှာ ကူညီဖို့ ယဉ်ကျေးမှု ပြပွဲတွေ အားလုံးကို အစား ထိုးထားခဲ့ပါတယ်”ဟုလည်းသူကထပ်လောင်းပြောဆိုသည်။ အဆိုပါပွဲတွင် မြန်မာ့ရိုးရာအကအက အပါအဝင် ဖျော်ဖြေတင်ဆက်မှုမျိုးစုံကို လူမှုအဖွဲ့အစည်းများက ပြသခဲ့သည်။
“ဒီပွဲက ကျွန်တော်တို့ရဲ့ ယဉ်ကျေးမှုနဲ့ ငလျင်ကြောင့် ဆုံးရှုံးခဲ့ရတာတွေကို ပြသဖို့ အခွင့်အရေးပေးခဲ့ပြီး ပြန်လည်တည်ဆောက်လိုတဲ့ အရာတွေကိုလည်း ပြသခွင့်ရခဲ့ပါတယ်၊ကျွန်တော်တို့ ဟာဆုံးရှုံးသွားတဲ့ အမွေအနှစ် အဆောက်အအုံတွေတင် မဟုတ်ဘဲ၊ လူနေအိမ် အဆောက်အအုံ အများအပြား ပျက်စီးသွားတဲ့အတွက် ကျွန်တော်တို့ စုဆောင်းထားတဲ့ ငွေတွေက သူတို့ကို ပြန်လည် ဆောက်လုပ်ဖို့ ကူညီပေးမှာပါ။ ကယ်ဆယ်ဖို့ အတွက်လိုအပ်တဲ့ ထောက်ပံ့ရေးပစ္စည်းတွေကို လက်လှမ်းမမီတဲ့သူတွေ အများကြီးရှိပါသေးတယ်၊ ကျွန်တော်တို့ ဆက်ရှာနေတဲ့ ငွေတွေကို ကူညီပေးဖို့ မျှော်လင့်ပါတယ်”ဟုသူကဆက်လက်ပြောကြားသည်။ ရန်ပုံငွေပွဲမှ ရရှိသော အလှူငွေအားလုံးကို ကြက်ခြေနီနှင့် အခြားသော ပရဟိတအဖွဲ့များသို့ လှူဒါန်းသွားမည်ဖြစ်ပါသည်။ ဆန်းဒါးလန်း ကျောင်းသားများ သမဂ္ဂ ဝဘ်ဆိုဒ်တွင် မြန်မာနိုင်ငံ မြေငလျင် ကယ်ဆယ်ရေး ရန်ပုံငွေ ရှာဖွေရေး အတွက် လှူဒါန်းနိုင်ပါသည်။
