မေလ ၂၀၊ ၂၀၂၅။ သောင်ရင်းသတင်းလွှာ
အာဏာသိမ်းစစ်ခေါင်းဆောင် မင်းအောင်လှိုင်က မြန်မာနိုင်ငံသည် အမေရိကန်နှင့် တရုတ်နိုင်ငံတို့အကြား အတတ်နိုင်ဆုံး အကောင်းဆုံး နည်းလမ်းဖြင့် ဆက်ဆံသွားမည်ဖြစ်ကြောင်း ပြောကြားခဲ့သည်။ ရုရှားနိုင်ငံ မော်စကိုမြို့ရှိ Ararat Park Hotel တွင် မေလ ၈ ရက်က ပြုလုပ်ခဲ့သော RT နှင့် တွေ့ဆုံမေးမြန်းခန်းတွင် ၎င်းက အထက်ပါအတိုင်း ပြောကြားခဲ့ခြင်းဖြစ်သည်ဟု The Nation သတင်းကမေလ ၂၀ရက်နေ့တွင်ဖော်ပြသည်။ “မြန်မာ့နိုင်ငံခြားရေးမူဝါဒဟာ လွတ်လပ်ပြီးတက်ကြွပါတယ်။ နိုင်ငံပေါင်းစုံနဲ့ ချစ်ကြည်ရင်းနှီးတဲ့ ဆက်ဆံရေးကို ထိန်းသိမ်းထားပါတယ်။ အမေရိကန်ပြည်ထောင်စုဟာ မြန်မာနိုင်ငံအတွက် ချစ်ကြည်ရင်းနှီးတဲ့နိုင်ငံပါ။ ဒါပေမယ့် တရုတ်နိုင်ငံဟာ ကျွန်တော်တို့ရဲ့ အိမ်နီးချင်းသာမက ဗျူဟာမြောက် ဆွေမျိုးရင်းချာလည်း ဖြစ်ပါတယ်။ တရုတ်နဲ့ ကျွန်တော်တို့ရဲ့ ဆက်ဆံရေးဟာ တခြားနိုင်ငံတွေနဲ့ ယှဉ်ရင် ထူးခြားပါတယ်။ ဒါကြောင့် နှစ်နိုင်ငံစလုံးနဲ့ အတတ်နိုင်ဆုံး အကောင်းဆုံး ဆက်ဆံနိုင်အောင် ကြိုးစားသွားမှာပါ” ဟု သူက ပြောကြားခဲ့သည်။ ယူကရိန်းပဋိပက္ခအပြီးတွင် အမေရိကန်သည် တရုတ်နှင့် ထိပ်တိုက်ရင်ဆိုင်မှုများ အရှိန်မြှင့်နိုင်မလား၊ စစ်ရေးပဋ္ဌိပက္ခများ မကြာမီ ဖြစ်ပေါ်လာနိုင်ချေ ရှိမရှိ မေးမြန်းသောအခါတွင် မင်းအောင်လှိုင်က ဖြစ်နိုင်ချေကို အသိအမှတ်ပြုခဲ့သည်။
“သမိုင်းကြောင်းအရ၊ ၁၉၅၀ ခုနှစ်များကတည်းက အမေရိကန်သည် တရုတ်ထိန်းချုပ်ရေးမူဝါဒကိုစတင်ဆောင်ရွက်ခဲ့သည်။ ယခု အခါတရုတ်သည် ပြိုင်ဖက်တစ်ဦးအဖြစ် ပေါ်ထွက်ခဲ့ပြီး၊ အမေရိကန်သည် ၎င်းကို တန်ပြန်ထိန်းကျောင်းရန် အတိုင်းအတာတစ်ခုအထိ လုပ်ဆောင်နိုင်ဖွယ်ရှိသည်။ သို့သော်လည်း တွေ့ဆုံဆွေးနွေးမှုမှတစ်ဆင့် နိုင်ငံအားလုံးက ထိုသို့သောတင်းမာမှုများကို တားဆီးရန် လုပ်ဆောင်သင့်သည်ဟု ကျွန်ုပ်ယုံကြည်ပါသည်။ ဤပြဿနာမှာ နှစ်နိုင်ငံကြားသာမက အခြားနိုင်ငံများလည်း ပါ၀င်ပတ်သက်နေပါသည်။ ၎င်းတို့ကြားတွင် ပဋိပက္ခများ ပိုမိုဆိုးရွားလာပါက တစ်နိုင်ငံတည်းသာ ကပ်ဘေးဖြစ်လာနိုင်ပါသည်။ ရှုပ်ထွေးတယ်” ဟု သူကဆက်ပြောသည်။ အာဏာသိမ်းစစ်ခေါင်းဆောင်က အာရှ-ပစိဖိတ်ဒေသတွင် နေတိုးအဖွဲ့၏ တိုးမြင့်လာမှုအပေါ် စိုးရိမ်ကြောင်း ဖော်ပြခဲ့ပြီး၊ တိုက်နှင့် ရေကြောင်းပိုင်နက်များ ပါဝင်သော ဒေသသည် မဟာဗျူဟာမြောက် အရေးပါမှုဖြစ်ကြောင်း ပြောကြားခဲ့ပါသည်။
.
