ဘင်္ဂလားဒေ့ရှ် သံအမတ်ကြီးကို မြန်မာနိုင်ငံမှ ပြန်ခေါ်

မေလ ၃၀၊ ၂၀၂၅။ သောင်ရင်းသတင်းလွှာ

အိမ်နီးချင်း မြန်မာစစ်အစိုးရကို တိုက်ခိုက်နေသည့် AAတပ်တော်နှင့် ဆက်သွယ်ရေးလိုင်း ဖွင့်လှစ်ထားကြောင်း ဘင်္ဂလားဒေ့ရှ် နိုင်ငံခြားရေး ဝန်ကြီးဌာနမှ တာဝန်ရှိသူ တစ်ဦးက မေလ ၂၃ရက်နေ့တွင် ပြောကြားပြီးနောက် ဘင်္ဂလားဒေ့ရှ် နိုင်ငံမှ ၎င်း၏ သံအမတ်ကို ပြန်လည် ခေါ်ယူလိုက်ပြီ ဖြစ်သည်ဟု The Straits Times သတင်းကမေလ ၂၉ရက်တွင်ဖော်ပြသည်။ မြန်မာနိုင်ငံမြို့တော်နေပြည်တော်တွင် ၂၀၂၃ ခုနှစ် နှစ်လယ်ကတည်းက အမှုထမ်းခဲ့သည့် Monowar Hossain သည် ဒါကာသို့ ချက်ခြင်းပြန်သွားရန် အမိန့်ပေးထားကြောင်း အဆိုပါတာဝန်ရှိသူက အကြောင်းပြချက်မပေးဘဲ “အုပ်ချုပ်ရေးဆိုင်ရာ ဆုံးဖြတ်ချက်” အဖြစ် ဖော်ပြထားကြောင်း ပြောကြားခဲ့သည်။ ရိုဟင်ဂျာဒုက္ခသည်အကျပ်အတည်းနှင့်နယ်စပ်လုံခြုံရေးစိုးရိမ်မှုတွေကြောင့် ဘင်္ဂလားဒေ့ရှ်နှင့်မြန်မာကြား ဆက်ဆံရေး တင်းမာနေခဲ့သည်။မြန်မာစစ်အစိုးရ ပြောရေးဆိုခွင့်ရှိသူက မှတ်ချက်ပေးခြင်းမရှိပါ။

ရိုဟင်ဂျာ ၁.၂ သန်းကျော် ဘင်္ဂလားဒေ့ရှ်တွင် ခိုလှုံနေကြပြီး ရခိုင်ပြည်နယ် အနောက်ပိုင်း၌ နေရာအနှံ့ ငတ်မွတ်မှု ကျယ်ကျယ်ပြန့်ပြန့် ဖြစ်ပေါ်နေ၍နေရပ်စွန့်ခွာ ထွက်ပြေးရနိုင်သည်ဟုကုလသမဂ္ဂက သတိပေးထားသည်။ လွန်ခဲ့သည့်နှစ်အတွင်း လူပေါင်း ၁၃၀,၀၀၀ ကျော်နယ်စပ်ကို ဖြတ်ကျော်ခဲ့သည်ဟု ယူဆရကြောင်း ဘင်္ဂလားဒေ့ရှ်က ပြောကြားခဲ့သည်။ ဘင်္ဂလားဒေ့ရှ် အမျိုးသား လုံခြုံရေး အကြံပေး Khalilur Rahman က ရခိုင်ပြည်နယ်တွင် နယ်စပ် တည်ငြိမ်ရေး ထိန်းသိမ်းရန် လှုပ်ရှားနေသည့် တိုင်းရင်းသား လက်နက်ကိုင် အဖွဲ့ဖြစ်သည့် ရက္ခိုင့်တပ်မတော်နှင့် အလွတ်သဘော ဆက်သွယ်ရေး လမ်းကြောင်းများ ဖွင့်လှစ်ထားကြောင်း ပြီးခဲ့သည့် သီတင်းပတ်က ပြောကြားခဲ့သည်။ ရိုဟင်ဂျာအကျပ်အတည်းအတွက် ရေရှည်ဖြေရှင်းချက်ရရှိရန် မြန်မာစစ်အစိုးရနှင့် ဒက္ကားနှင့် ဆက်လက်ပါဝင်နေသေးသည်ဟု Rhamanက ပြောကြားပြီး ရခိုင်ပြည်နယ်ရှိ ကုလသမဂ္ဂဦးဆောင်သော လူသားချင်းစာနာထောက်ထားမှုစင်္ကြံအတွက် အလားအလာရှိသော ပံ့ပိုးကူညီမှုများ အပါအဝင်ဖြစ်သည်။