ILO သည် မြန်မာနိုင်ငံ အင်းလေးကန်ဒေသတွင် ငလျင်ပြန်လည်ထူထောင်ရေးကို ပံ့ပိုးကူညီရန် အရေးပေါ် ငွေကြေးထောက်ပံ့မှု ပဏာမခြေလှမ်းကို စတင်

မေလ ၃၀၊ ၂၀၂၅။ သောင်ရင်းသတင်းလွှာ

အပြည်ပြည်ဆိုင်ရာ အလုပ်သမားရေးရာအဖွဲ့ (ILO) သည် ပြည်တွင်းလုပ်ဖော်ကိုင်ဖက်များနှင့်အတူ ရှမ်းပြည်နယ်တောင်ပိုင်း အင်းလေးကန်တစ်ဝိုက်ရှိ ငလျင်ဒဏ်ခံရပ်ရွာများကို ဆောလျင်စွာ ပြန်လည်ထူထောင်ရေးအတွက် လျင်မြန်သော လုပ်အားအတွက်ငွေကြေးထောက်ပံ့မှုအစီအစဥ်ပဏာမခြေလှမ်းကို စတင်လိုက်သည်။
အဆိုပါ ပဏာမခြေလှမ်းသည် ပျက်စီးသွားသော နေအိမ်များနှင့် မရှိမဖြစ်လိုအပ်သော အခြေခံအဆောက်အဦများ ပြန်လည်ထူထောင်ရေးတွင် အသက်ရှင်ကျန်ရစ်သူများအား ချက်ခြင်း၀င်ငွေပံ့ပိုးပေးပါသည်ဟု ILO ကမေလ ၂၉ရက်နေ့တွင်ထုတ်ပြန်သည်။ ILO ဆက်ဆံရေးအရာရှိ Yutong Liu ၊ Partnership Development and Resource Mobilization အကြီးတန်းအကြံပေး Oktavianto Pasaribu နှင့် အခြားသော ILO အရာရှိများနှင့်အတူ ILO ဆက်ဆံရေးအရာရှိ Yutong Liu မှ မေလ နောက်ဆုံးပတ်တွင် စတင်ခဲ့ပြီး အဆိုပါ အစီအစဉ်တွင် လက်ရှိတွင် သာလဲဦးအင်း၊ ကြာတော်နှင့် ဇယတ်ကြီးကျေးရွာများမှ ဒေသခံ အလုပ်သမား ၇၀ ခန့် ဖြင့်ပါဝင်ဆောင်ရွက်လျက်ရှိသည်။ လှုပ်ရှားမှုများတွင် အပျက်အစီးများကို ဘေးကင်းစွာ ဖယ်ရှားခြင်း၊ ဆယ်ယူနိုင်သော ဆောက်လုပ်ရေးပစ္စည်းများ ပြန်လည် အသုံးပြုခြင်းနှင့် ကနဦး အိမ်ပြုပြင်ခြင်းများ ပါဝင်သည်။ ဤလုပ်ငန်းသည် ၂၀၂၅ ခုနှစ် မတ်လ ငလျင်အပြီးတွင် အိုးအိမ်များနှင့် အသက်မွေးဝမ်းကျောင်းများ ဆုံးရှုံးခဲ့ရသည့် လူဦးရေ ၅၀၀ ခန့်ကို တိုက်ရိုက်အကျိုးပြုရန် ရည်ရွယ်ပါသည်။ ဒါက တစ်သက်မှာ တစ်ခါပဲကြုံဖူးတဲ့ အဆိုးရွားဆုံး ဘေးဒုက္ခပါပဲ” ဟု ဇရက်ကြီးကျေးရွာတွင် နေထိုင်သူ အသက် ၅၉ နှစ်အရွယ် ဦးကြည်အေးက ပြောသည်။

“ကျတော်တို့ရွာက အိမ်တိုင်း ပျက်စီးသွားတယ်။ အရင်တုန်းက ရေကြီးတာ ဒါမှမဟုတ် ရာသီအလိုက် မုန်တိုင်းတွေ ဘုန်းကြီးကျောင်းမှာ အမြဲတမ်း ခိုလှုံနေရပေမယ့် အခု ဆိုးဆိုးရွားရွား ပျက်စီးသွားရင်တောင် ဘယ်သွားစရာမှ မရှိတော့ဘူး။ ILO ရဲ့ ပံ့ပိုးကူညီမှုက အသက်သွေးကြောပါပဲ။ ငွေကြေးထောက်ပံ့မှုတွေကြောင့် အခု ကျွန်မတို့ရဲ့ အိမ်ပြန်ဆောက်ဖို့ မျှော်လင့်ချက်တွေ ရှိလာပါပြီ”ဟုသူကဆက်ပြောသည်။ အလုပ်အတွက် ငွေပေးချေမှု ပဏာမခြေလှမ်းသည် အသက်မွေးဝမ်းကျောင်းလုပ်ငန်းများ ပြန်လည်ထူထောင်ရန်၊ ခံနိုင်ရည်ရှိမှုနှင့် ပြန်လည်ထူထောင်ရေးဆိုင်ရာ ကြိုးပမ်းမှုများမှတစ်ဆင့် ကောင်းမွန်သောအလုပ်များကို မြှင့်တင်ရန် ရည်ရွယ်သည့် ကျယ်ပြန့်သော ILO ငလျင်တုံ့ပြန်ရေးဗျူဟာ၏ တစ်စိတ်တစ်ပိုင်းဖြစ်သည်။၎င်းသည် ညောင်ရွှေမြို့နယ်တွင် ကြီးမားသော ပရိုဂရမ်တစ်ခုအတွက် ရှေ့ပြေးအဖြစ် ဆောင်ရွက်နေပြီး၊ ၎င်းသည် ၂၀၂၅ ခုနှစ် မတ်လ ငလျင်ဒဏ်ခံခဲ့ရသော ရပ်ရွာလူထုများအတွက် လက်ငင်း သင့်တင့်လျောက်ပတ်သော အလုပ်အကိုင်နှင့် ကျွမ်းကျင်မှု ဖွံ့ဖြိုးတိုးတက်ရေး အခွင့်အလမ်းပေါင်း ၂၅၀အထိ ဖန်တီးပေးနိုင်ရန် ရည်ရွယ်ပါသည်ဟုကြေညာချက်ကဆိုသည်။ “သင့်တင့်လျောက်ပတ်တဲ့ အလုပ်အကိုင်ပေါင်း ၅၀၀ လောက် ဖန်တီးပေးနိုင်ဖို့ တခြားထိခိုက်နစ်နာတဲ့ဒေသတွေမှာ ကြားဝင်ဆောင်ရွက်မှုကို မကြာခင်မှာ ချဲ့ထွင်တော့မှာပါ” ဟု ILO မြန်မာနိုင်ငံဆိုင်ရာ ဆက်ဆံရေးအရာရှိ Yutong Liu က ပြောသည်။

“အနာဂတ် လုပ်ငန်းတွေမှာ ကျောင်းတွေ၊ ကျန်းမာရေးမှတ်တိုင်တွေ၊ ကျေးလက်လမ်းတွေ၊ ရေမှတ်တွေနဲ့ ခြေလျင်လမ်းတွေအပါအဝင် ရပ်ရွာအခြေခံအဆောက်အအုံ ၁၅ ခုကို ပြန်လည်ထူထောင်ရေးတွေလည်း ပါဝင်မှာပါ” ဟု ၎င်းက ဆက်လက်ပြောဆိုသည်။ လိုအပ်သောနေရာများပိုမိုရောက်ရှိရန် လာမည့်ရက်သတ္တပတ်များအတွင်း အဆိုပါအစီအစဉ်ကို တိုးချဲ့သွားမည်ဖြစ်သည်။ စီမံကိန်းမှ ထုတ်ပေးသော ချက်ချင်းအလုပ်အကိုင် အခွင့်အလမ်းများမှတဆင့် ဝင်ငွေထောက်ပံ့မှုဖြင့် ဆင်းရဲနွမ်းပါးသော အိမ်ထောင်စု ၅၀၀ ခန့်ကို ပံ့ပိုးကူညီရန် ရည်ရွယ်ပါသည်။” ဘေးကင်းရေးနှင့် သင့်တင့်လျောက်ပတ်သော လုပ်ငန်းခွင်အခြေအနေများသေချာစေရန် ILO သည် ပါ၀င်လုပ်သားအားလုံးအတွက် လုပ်ငန်းခွင်ဘေးကင်းရေးနှင့် ကျန်းမာရေးစံနှုန်းများကို လေ့ကျင့်ပေးလျက်ရှိသည်။ ရေရှည်တည်တံ့ပြီး အားလုံးပါဝင်နိုင်သော ပြန်လည်ထူထောင်ရေးကို ပံ့ပိုးကူညီရန် ဒေသန္တရအစိုးရ၏ ညှိနှိုင်းဆောင်ရွက်မှုကို နည်းပညာပံ့ပိုးကူညီမှု အားကောင်းစေသည်ဟုလည်းကြေညာချက်ကဆက်လက်ဖော်ပြသည်။ ILO က ၎င်း၏ ၂၀၂၃အစီရင်ခံစာတွင် ILO စုံစမ်းရေးကော်မရှင်၏ အကြံပြုချက်များကို အကောင်အထည်ဖော်ရာတွင် ခိုင်မာသောတိုးတက်မှုကို ပံ့ပိုးပေးမှသာ ပြန်လည်ထူထောင်ရေးမဟာဗျူဟာများသည် ၎င်းတို့၏ အလားအလာကို အပြည့်အဝရောက်ရှိနိုင်မည်ဟု ယူဆပါသည်ဟု​ကြေညာချက်ကအပြီးသတ်ဖော်ပြသည်။