ဇွန်လ ၁၆၊ ၂၀၂၅။ သောင်ရင်းသတင်းလွှာ
ကမ္ဘာတစ်ဝှမ်းရှိ နိုင်ငံများသည် လူဦးရေဆိုင်ရာ အကျပ်အတည်းများနှင့် ရင်ဆိုင်နေရချိန်တွင် တရုတ်နိုင်ငံသည် ထူးခြားသောစိန်ခေါ်မှုတစ်ရပ်ကို ရင်ဆိုင်နေရသည်။အမျိုးသား ၃၅ သန်းနီးပါးသည် ဇနီးသည်ကို ရှာမတွေ့နိုင်ပေ။ မန်ဒရင်းတရုတ်ဘာသာစကားတွင်”အထီးကျန်အမျိုးသားများ” သို့မဟုတ် “Qing Nan” (青男) ဟုသိကြသော ဤအမျိုးသားများသည် အများစုမှာ အသက် ၃၀ နှင့် ၄၀နှစ်များအတွင်းဖြစ်ကြပြီး ဘဝလက်တွဲဖော်ကို ရှာဖွေရန် ရုန်းကန်နေရသည်ဟု The Nation သတင်းက ဇွန်လ ၁၅ရက်ကဖော်ပြသည်။ ဤပြဿနာသည် တရုတ်နိုင်ငံ၏ ဆယ်စုနှစ်များစွာကြာ ကလေးတစ်အိမ်ထောင်မူဝါဒနှင့် သား များကိုသမီးများထက် ဦးစားပေးသည့်နှစ်ရှည်လများ ယဉ်ကျေးမှုကို နှစ်ခြိုက်စွာ ဦးစားပေးခြင်းမှ ကြီးမားသော အစိတ်အပိုင်းတစ်ခုဖြစ်သည်။ ရလဒ်အနေနှင့်တရုတ်နိုင်ငံတွင်ယခုအချိန် ကျား၊မ မညီမျှမှု သိသိသာသာ ရှိနေပါသည်။ တရုတ်နိုင်ငံ၏ ၂၀၂၀ခုနှစ် ပြည်လုံးကျွတ် သန်းခေါင်စာရင်းအရ အမျိုးသမီးများထက် အမျိုးသားဦးရေ ၃၄.၉သန်းခန့် ပိုများသည်။ စိန်ခေါ်မှုကို ထပ်ဆောင်းဖြစ်စေသည့်အရာမှာရိုးရာအိမ်ထောင်ရေး ကုန်ကျစရိတ် မြင့်တက်လာခြင်းပင်ဖြစ်သည်။ သတို့သမီးမိသားစုအတွက် သတို့သားမှပေးသောငွေ၊သတို့သမီးစျေးနှုန်းသည်ယွမ် ၁၄၀,၀၀၀ (ဘတ် ၇၀၀,၀၀၀ သို့မဟုတ် အမေရိကန်ဒေါ်လာ ၁၉,၀၀၀ ဝန်းကျင်)သို့ မကြာမီက မြင့်တက်သွားပါသည်။
ဤဘဏ္ဍာရေးဝန်ထုပ်ဝန်ပိုးသည် အနာဂတ်မိသားစုအတွက် ထောက်ပံ့ပေးရန် ပြင်းထန်သောဖိအားများနှင့် ရင်ဆိုင်နေရသော အမျိုးသားများစွာအတွက် အိမ်ထောင့်အရေးတွင်ပင် လျော့ပါးသွားစေသည်။ တုံ့ပြန်သည့်အနေဖြင့် တရုတ်ပညာရှင်များသည် အငြင်းပွားဖွယ်ဖြေရှင်းချက်ဖြစ်သည့် နယ်စပ်ဖြတ်ကျော် လက်ထပ်ထိမ်းမြားခြင်းကို အားပေးလျက်ရှိသည်။ ရုရှားကဲ့သို့ နိုင်ငံများမှ အမျိုးသမီးများသည် အမျိုးသားများထက် လူဦးရေ ၁၀ သန်းပိုများသည်၊ထို့အပြင် အရှေ့တောင်အာရှရှိ နိုင်ငံများမှ အမျိုးသမီးများကို တရုတ်လူပျိုကြီးများအတွက် အလားအလာရှိသော မိတ်ဖက်များအဖြစ် ရှုမြင်ကြသည်။ သို့သော် ဤနည်းဗျူဟာသည် လေးနက်သော စိုးရိမ်ပူပန်မှုများ ဖြစ်ပေါ်စေသည်။ လူကုန်ကူးမှု၊ ခေါင်းပုံဖြတ်ခံရမှုများနှင့် မိသားစုပြိုကွဲမှုဖြစ်စေသည့် ယဉ်ကျေးမှုနှင့် ဘာသာစကား အတားအဆီးများ၏ အန္တရာယ်ကို ဝေဖန်သူများက သတိပေးထားသည်။ တုံ့ပြန်မှုများရှိနေသော်လည်း နိုင်ငံခြားမှသတို့သမီးများ တင်သွင်းခြင်းကို တရုတ်နိုင်ငံ၏တိုးပွားလာနေသောလူဦးရေမညီမျှမှုကိုဖြေရှင်းရန် အလားအလာရှိသောရွေးချယ်စရာအနည်းငယ်ထဲမှတစ်ခုအဖြစ် အချို့က ရှု့မြင်ကြသည်။
