ဇွန်လ ၂၇၊ ၂၀၂၅။ သောင်ရင်းသတင်းလွှာ
မြန်မာနိုင်ငံသည် ယူရေးရှားစီးပွားရေးသမဂ္ဂ (EAEU) နှင့် ပူးပေါင်းဆောင်ရွက်မှု တိုးချဲ့ရန်နှင့် လေ့လာသူအဆင့်ကို ရရှိရန် မျှော်လင့်ကြောင်း မြန်မာစစ်အစိုးရခေါင်းဆောင် ဗိုလ်ချုပ်မှူးကြီး မင်းအောင်လှိုင်က ဇွန်လ ၂၆ ရက်က Minsk ၌ ကျင်းပသော Eurasian Economic Forum ၌ပြောခဲ့သည်ဟု BelTAသတင်းကဖော်ပြသည်။ မြန်မာနိုင်ငံသည် EAEU ၏ လုပ်ဆောင်ချက်များနှင့် အစပြုမှုများကို နက်နက်ရှိုင်းရှိုင်း စိတ်ဝင်စားပြီး ပူးပေါင်းဆောင်ရွက်မှုကို ချဲ့ထွင်ရန် ရည်ရွယ်ပါသည်။
စီးပွားရေးနှင့် ကုန်သွယ်မှုတွင် EAEU အဖွဲ့ဝင်နိုင်ငံများနှင့် ပူးပေါင်းဆောင်ရွက်မှု အလားအလာများကို ပိုမိုချဲ့ထွင်ရန် ကျွန်ုပ်တို့ ရည်ရွယ်ပါသည်။
စိန်ခေါ်မှုများစွာဖြင့် ပြည့်နှက်နေသည့် လက်ရှိ နိုင်ငံတကာပတ်ဝန်းကျင်တွင် ကျွန်ုပ်တို့၏ ဘုံတာဝန်မှာ ပေါ်ပေါက်လာသော ခြိမ်းခြောက်မှုများကို ထိရောက်စွာ ကျော်လွှားနိုင်ရန်ဖြစ်သည်။ ပြင်ပစီးပွားရေးစိန်ခေါ်မှုများနှင့် ပိတ်ဆို့အရေးယူမှုများရှိနေသော်လည်း EAEU သည် တည်ငြိမ်သောတိုးတက်မှုကိုပြသခဲ့ပြီး မကြာသေးမီနှစ်များအတွင်း သိသာထင်ရှားသောရလဒ်များရရှိခဲ့သည်။ လေ့လာသူနိုင်ငံအဖြစ် EAEU မှာ ပါဝင်လိုတဲ့ မြန်မာရဲ့ ရည်ရွယ်ချက်ကို ထောက်ခံဖို့ စိတ်ရင်းမှန်နဲ့ မေတ္တာရပ်ခံပါရစေ” ဟုသူကပြောသည်။
