ဇူလိုင်လ ၂၄၊ ၂၀၂၅။ သောင်ရင်းသတင်းလွှာ
ထိုင်း-ကမ္ဘောဒီးယားနယ်စပ်အနီးမှာ ထိုင်းအစိုးရဲ့ ညွှန်ကြားချက်တွေကို လိုက်နာကြရန် ထိုင်းနိုင်ငံဆိုင်ရာ အမေရိကန်သံရုံးက ၎င်းရဲ့နိုင်ငံသားများကို သတိပေးထားပါတယ်လို့ သတင်းရရှိပါတယ်။ ထိုင်နိုင်ငံဘန်ကောက်မြို့ကအမေရိကန်သံရုံးက ဇူလိုင် ၂၄ ရက်နေ့ကထုတ်ပြန်ချက်မှာ ကမ္ဘောဒီးယားနဲ့ထိုင်းတပ်တွေနယ်စပ်တလျှောက်မှာ ဒုံးကျည်နဲ့အမြောက် ပစ်ခတ်မှု အပါအဝင် တိုက်ပွဲတွေဇူလိုင် ၂၄ ရက်က ဖြစ်ပွားခဲ့ကြောင်း သံရုံးက သတင်းထုတ်ပြန်ထားပါတယ်။
အသေအပျောက်သတင်းတွေထွက်ပေါ်နေပြီး အချို့နေရာတွေမှာထိုင်းအစိုးရက ရွှေ့ပြောင်းကြဖို့အမိန့်ပေးထားပြီး၊ထိုင်း-ကမ္ဘောဒီးယားနယ်စပ်အနီး နေထိုင်တဲ့သူ သို့မဟုတ် ခရီးသွားလာသူတွေဟာ ထိုင်းလုံခြုံရေးဝန်ဆောင်မှုတွေရဲ့ညွှန်ကြားချက်ကို လိုက်နာပြီး နောက်ဆုံးရသတင်းတွေအတွက် ဒေသဆိုင်ရာ အစိုးရအာဏာပိုင်များနဲ့တိုင်ပင်သင့်တယ်လို့ အမေရိကန်သံရုံးကဆိုပါတယ်။
