မြန်မာနိုင်ငံမှ ကယ်တင်ခံထားရသော နိုင်ငံသားများကို နေရပ်ပြန်ပို့ရေး ဗီယက်နမ်က ကြိုးပမ်းဆောင်ရွက်လျက်ရှိ

မတ်လ ၂၁၊ ၂၀၂၅။ သောင်ရင်းသတင်းလွှာ

မြန်မာ-ထိုင်းနယ်စပ်ဒေသက ကယ်ဆယ်ခဲ့တဲ့ ဗီယက်နမ်နိုင်ငံသားများ ဘေးကင်းလုံခြုံရေးနဲ့ နေရေးထိုင်ရေး အာမခံချက်ပေးဖို့ မြန်မာနိုင်ငံဆိုင်ရာ ဗီယက်နမ်သံရုံးက ဒေသဆိုင်ရာ အာဏာပိုင်များကို တောင်းဆိုထားသည်ဟု VN Express သတင်းက မတ်လ ၂၁ရက်တွင်ဖော်ပြသည်။ မြန်မာနိုင်ငံမှ ကယ်တင်ခံထားရသော နိုင်ငံသားများကို နေရပ်ပြန်ပို့ရေး ဗီယက်နမ်က ကြိုးပမ်းဆောင်ရွက်လျက်ရှိသည်။

ကယ်တင်ခြင်းခံရသော နိုင်ငံသားများအား အကာအကွယ်ပေးခြင်းနှင့် ပတ်သက်၍ မတ်လ ၂၀ရက်နေ့တွင် ပြုလုပ်သည့် သတင်းစာ ရှင်းလင်းပွဲတွင် နိုင်ငံခြားရေး ဝန်ကြီးဌာန ပြောရေးဆိုခွင့်ရှိသူ Pham Thu Hang က ထုတ်ဖော် ပြောကြားခဲ့ပါသည်။ ထိုင်းနယ်စပ်အနီး မြဝတီတွင် အွန်လိုင်းလိမ်လည်မှု စစ်ဆင်ရေးများကို ဖြိုခွင်းပြီးနောက် မြန်မာအာဏာပိုင်များက ထွက်ခွာခွင့် စည်းမျဉ်းများကို ချိုးဖောက်မှုဖြင့် ဗီယက်နမ်နိုင်ငံသား အများအပြားကို ယာယီဖမ်းဆီးထားကြောင်း သံရုံးကို ကိုးကား၍ သူက ဖော်ပြခဲ့သည်။

နိုင်ငံခြားရေးဝန်ကြီးဌာနသည် ပြည်တွင်းအေဂျင်စီများနှင့် အနီးကပ်ပူးပေါင်းဆောင်ရွက်နေပြီး ဖမ်းဆီးခံထားရသူများ၏ အထောက်အထားများကို စိစစ်ရန်နှင့် တစ်ချိန်တည်းတွင် မြန်မာနိုင်ငံနှင့် ထိုင်းနိုင်ငံတို့မှ ဗီယက်နမ် ကိုယ်စားလှယ်အဖွဲ့များသည် အကာအကွယ်ပေးရေး အစီအမံများကို လျင်မြန်စွာ အကောင်အထည် ဖော်ရန်နှင့် နေရပ်ပြန်နိုင်ရေး စီစဉ်ဆောင်ရွက်ရန် ဒေသဆိုင်ရာ အာဏာပိုင်များနှင့် ဆက်လက် ပူးပေါင်းဆောင်ရွက်သွားရန် ညွှန်ကြားထားကြောင်း Hang က ဆိုသည်။