မတ်လ ၂၂၊၂၀၂၅။ သောင်ရင်းသတင်းလွှာ
အရွယ်မရောက်သေးသူအပါအဝင် မြန်မာနိုင်ငံသား ၂၇ ဦးကို အိန္ဒိယအာဏာပိုင်များက ပြည်နှင်ဒဏ်ပေးခဲ့သည်ဟု 8ndia Today သတင်းကမတ်လ ၂၂ရက်တွင်ဖေါ်ပြသည်။ အိန္ဒိယ-မြန်မာနယ်စပ်ရှိ မဏိပူရပြည်နယ် မိုးရေးမြို့ မိုရေးဂိတ်စစ်ဆေးရေးတံတားဂိတ်တွင် မတ်လ ၂၁ ရက်နေ့က နေရပ်ပြန်ပို့ခဲ့ခြင်းဖြစ်ကြောင်း တာဝန်ရှိသူများက ပြောသည်။ မြန်မာနိုင်ငံသားများကို မဏိပူရဗဟိုအကျဉ်းထောင်အနီးရှိအ၈်ဖာအရှေ့ခရိုင်ရှိ နိုင်ငံခြား ထိန်းသိမ်းရေး စခန်းတစ်ခုတွင် ထိန်းသိမ်းခံထားရပြီး ၎င်းတို့အား အကျဉ်းထောင်များအတွင်း ချုပ်နှောင်ထားသည်ကိုကန့်ကွက်မှုများကြုံတွေ့ခဲ့ရအပြီးပြောင်းခဲ့ခြင်းဖြစ်သည်။
၎င်းတို့အား မိုရေးမြို့ရှိ အင်ဒို-မြန်မာ ချစ်ကြည်ရေးတံတားတွင် မြန်မာလဝက အရာရှိများထံ လွှဲပြောင်းပေးအပ်ခဲ့သည်။ မတ်လ ၂၁ရက်နေ့ နံနက် ၁၁ နာရီခန့်တွင် အိန္ဒိယအစိုးရတာဝန်ရှိသူများက ၎င်းတို့အား အိန္ဒိယနိုင်ငံ၏ မဏိပူရပြည်နယ်၏နောက်ဆုံးနယ်စပ်မြို့ဖြစ်သော မိုရေးမြို့ရှိ အင်ဒို-မြန်မာ ချစ်ကြည်ရေးတံတားတွင် မြန်မာလူဝင်မှုကြီးကြပ်ရေး အရာရှိများထံ လွှဲပြောင်းပေးအပ်ခဲ့ကြောင်း” ရဲအရာရှိတစ်ဦးက ပြောသည်။
မိုရေးရဲစခန်း၊ အိန္ဒိယလူဝင်မှုကြီးကြပ်ရေးမှ အရာရှိများနှင့် အာသံရိုင်ဖယ်တပ်သား ၅ ဦးတို့က လုပ်ငန်းစဉ်ကို ကူညီဆောင်ရွက်ပေးခဲ့သည်။အာဏာပိုင်များသည် အင်ဖားအရှေ့ခရိုင်ရှိ Sajiwa အကျဉ်းထောင်မှ ထိန်းသိမ်းခံထားရသောအခြား မြန်မာနိုင်ငံသားများကို မတ်လ ၂၀ ရက်နေ့ကလည်း ပို့ဆောင်ပေးခဲ့သည်။
