ဧပြီလ ၂၊ ၂၀၂၅။ သောင်ရင်းသတင်းလွှာ
ထိုင်းနိုင်ငံ ဘန်ကောက်မြို့တွင် ယခုသီတင်းပတ်အတွင်း ကျင်းပမည့် Bimstec ( ဘင်္ဂလားပင်လယ်အော်နိုင်ငံများ ကဏ္ဍပေါင်းစုံနည်းပညာနှင့် စီးပွားရေး ပူးပေါင်းဆောင်ရွက်မှုအတွက် ကနဥ◌ီး) အစည်းအဝေးတွင် မြန်မာစစ်အစိုးရခေါင်းဆောင်၏ ပါဝင်မှုသည် မရေမရာဖြစ်နေကြောင်း အိမ်ရှင်ထိုင်းနိုင်ငံတာဝန်ရှိသူတွေထံကနေ သိရသည်ဟု Bangkok Post သတင်းကဖော်ပြသည်။
သို့သော်လည်း အဖွဲ့ဝင်နိုင်ငံများ၏ ခေါင်းဆောင်များအားလုံး တက်ရောက်ရန် မျှော်လင့်ထားကြောင်း ထိုင်း နိုင်ငံခြားရေး ဝန်ကြီးဌာန ပြောရေးဆိုခွင့်ရှိသူကဧပြီ ၁ရက် အနေ့ ပုံမှန် သတင်းစာ ရှင်းလင်းပွဲတွင် ပြောကြားခဲ့သည်။ စစ်အစိုးရ အကြီးအကဲ မင်းအောင်လှိုင်က အဝေးမှတက်ရောက်နိုင်သည်ဟုပြောရေးဆိုခွင့်ရှိသူက ပြောပါသည်။ ထိုင်းနိုင်ငံတွင် မတ်လ ၂၈ ရက်က အင်အားပြင်းငလျင် လှုပ်ခတ်ခဲ့ပြီး ပျက်စီးဆုံးရှုံးမှုများ ကြီးမားခဲ့သည်။ Bimstec ထိပ်သီးအစည်းအဝေးကို ဧပြီ ၂ရက် နေ့မှ ၅ရက်နေ့အထိ ကျင်းပမည်ဖြစ်သည်။ အဖွဲ့တွင် ထိုင်း၊ မြန်မာ၊ အိန္ဒိယ၊ ဘင်္ဂလားဒေ့ရှ်၊ နီပေါ၊ သီရိလင်္ကာနှင့် ဘူတန်တို့ ပါဝင်သည်။
