ဇွန်လ ၁၆၊ ၂၀၂၅။သောင်ရင်းသတင်းလွှာ
ထိုင်းအစိုးရသည် နိုင်ငံခြားအလုပ်သမားများကို နိုင်ငံတွင်းမှ နှင်ထုတ်ရန် မည်သည့်မူဝါဒမှ မရှိကြောင်း ဝန်ကြီးချုပ် Paetongtarn Shinawatra က ပြောကြားခဲ့သည်ဟု Thai Enquirer သတင်းက ဇွန်လ ၁၅ရက်နေ့တွင်ပြောကြားသည်။ ကမ္ဘောဒီးယား ဝန်ကြီးချုပ် ဟွန်မာနက်ကကမ္ဘောဒီးယား အလုပ်သမား အများအပြား ထိုင်းနိုင်ငံမှ ပြန်လာပါက ကမ္ဘောဒီးယား အဆင်သင့် ဖြစ်နေပြီဟု ပြောကြားချက် အပြီးတွင်သူက မှတ်ချက်ပေးခဲ့ခြင်းဖြစ်သည်။ အလုပ်သမားဝန်ကြီး Phiphat Ratchakitprakarn က ကမ္ဘောဒီးယား အလုပ်သမား ၅၀၀,၀၀၀ ခန့်သည် ထိုင်းနိုင်ငံတွင် ပုံမှန်အတိုင်း အလုပ်လုပ်ကိုင်နေကြဆဲဖြစ်သည်ဟုဆိုသည်။ Paetongtarn က မည်သည့်နိုင်ငံမှမဆို၎င်း၏ အလုပ်သမားများကို ပြန်လည်ခေါ်ယူပြီး အလုပ်များ ကမ်းလှမ်းပါက အလုပ်သမားများ၏ ဆုံးဖြတ်ပိုင်ခွင့်နှင့် ထိုနိုင်ငံ၏ အစိုးရ၏ တာဝန်သာဖြစ်ကြောင်း ဆက်လက်ပြောသည်။ နိုင်ငံတကာ လုပ်ဆောင်ချက်များသည် အမျိုးသား အကျိုးစီးပွားကို ဦးစားပေးပြီး အခြေအနေကို ပိုမိုဆိုးရွားစေခြင်းမှ ရှောင်ကြဉ်ရန်လည်းသူက တိုက်တွန်းခဲ့သည်။
ထိုင်းကန်ထရိုက်တာများအသင်း ဒုတိယဥက္ကဋ္ဌ Kritsada Janjamratsaeng က ပြန်လာသည့် ကမ္ဘောဒီးယားအလုပ်သမားအများစုသည် နယ်စပ်အနီး နေ့စဉ်ခရီးသည်များ ပါဝင်ကြောင်း၊ အမြဲတမ်းထွက်ခွာခြင်းမဟုတ်ဘဲ ကမ္ဘောဒီးယားနိုင်ငံသို့ ပြန်လည်ရောက်ရှိလာခြင်းဖြစ်သည်ဟု ဆိုသည်။ ဆောက်လုပ်ရေးလုပ်ငန်းများတွင် ကြီးကြီးမားမား ပြန်လာမှုကို မတွေ့ခဲ့ရပေ။ ထိုင်းတွင်လုပ်ခလစာ တိုးမြင့်နေသောကြောင့် တရားဝင်ပါမစ် ကိုင်ဆောင်ထားသည့် အလုပ်သမားများ သည်အခြေအနေ ပိုဆိုးမလာပါက ဆက်လက်နေထိုင်မည်ဖြစ်သည်။ Kritsada က ကမ္ဘောဒီးယား အလုပ်သမား ၂၀၀,၀၀၀ ခန့်သည် ဆောက်လုပ်ရေး လုပ်ငန်းများတွင် တရားဝင်နှင့် အလွတ်သဘော နှစ်မျိုးလုံး အလုပ်ခန့်ထားကြောင်း ဆိုသည်။ နေ့စဥ်လုပ်အားခမှာ ဘတ် ၃၆၀ မှ ၄၀၀ ကြားရှိပြီး ပြည်နယ်အလိုက် ကွဲပြားသည်။ ကျွမ်းကျင်လုပ်သားများသည် တစ်ရက်လျှင် ဘတ် ၅၀၀ မှ ၆၀၀ အထိ ရရှိကြသည်ဟုသတင်းကဆက်လက်ဖော်ပြသည်။
