စက်တင်ဘာ၂၊ ၂၀၂၅။ သောင်ရင်းသတင်းလွှာ
ဒီဇင်ဘာလမှာ စတင်ဖို့စီစဉ်ထားတဲ့စစ်ဘေးသင့် မြန်မာနိုင်ငံကအထွေထွေ ရွေးကောက်ပွဲကို စောင့်ကြည့်ဖို့ အိန္ဒိယက အဖွဲ့တွေစေလွှတ်မှာကို နယူးဒေလီရှိဝေဖန်သူတွေက အတုအယောင်လို့လှောင်ပြောင်နေကြတဲ့ရွေးကောက်ပွဲကို ထောက်ခံတယ်လို့အိန္ဒိယက စက်တင်ဘာ ၁ ရက်မှာပြောကြားတယ်လို့The Straits Times သတင်း ကဖော်ပြပါတယ်။အာဏာသိမ်းစစ်ခေါင်းဆောင် မင်းအောင်လှိုင်က၂၀၂၁ ခုနှစ်မှာအာဏာသိမ်းပြီးနောက်ပိုင်း နိုင်ငံခြားခေါင်းဆောင်တွေရဲ့ရှောင်ဖယ်ခြင်းကို ခံခဲ့ရတဲ့ ဗိုလ်ချုပ်ကြီးတွေအတွက် တရုတ်နိုင်ငံမှာကျင်းပတဲ့ ရှန်ဟိုင်း ပူးပေါင်းဆောင်ရွက်ရေးအဖွဲ့ ထိပ်သီးအစည်းအဝေးမှာ သြဂုတ် ၃၁ ရက်က အိန္ဒိယ၀န်ကြီးချုပ် Narendra Modi နဲ့တွေ့ဆုံခဲ့ပါတယ်။ “တွေ့ဆုံပွဲမှာ နှစ်နိုင်ငံ နယ်စပ်ဒေသ ငြိမ်းချမ်းရေးနဲ့ တည်ငြိမ်ရေး ဆောင်ရွက်ပေးရေး၊ ကုန်သွယ်မှုမြှင့်တင်ရေး၊ ချစ်ကြည်ရေးနဲ့ ပူးပေါင်းဆောင်ရွက်ရေး တိုးမြှင့်ရေးဆိုင်ရာ အမြင်ချင်းဖလှယ် ဆွေးနွေးခဲ့ကြတယ်လို့ အစိုးရပိုင် Global New Light of Myanmar သတင်းစာမှာ ဖော်ပြထားပါတယ်။ နိုဗယ်ဆုရှင် ဒေါ်အောင်ဆန်းစုကြည် ဦးဆောင်တဲ့ရွေးကောက်ခံ အစိုးရကို စစ်တပ်ကဖြုတ်ချတာဟာ ရွေးကောက်ပွဲ မသမာမှု အကြောင်းပြချက်ဖြနဲ့လွန်ခဲ့တဲ့ ၄ နှစ်ခွဲခန့်က ဖြုတ်ချခဲ့ပြီး ဆင်းရဲနွမ်းပါးတဲ့အရှေ့တောင်အာရှ နိုင်ငံရဲ့အစိတ်အပိုင်း အများအပြားကို ဖျက်ဆီးခဲ့တဲ့ပြည်တွင်းစစ်ကို ဖြစ်ပေါ်စေခဲ့ပါတယ်။
မြန်မာနိုင်ငံမှာ စစ်တပ်ကျောထောက်နောက်ခံပြု ကြားဖြတ်အစိုးရဟာ လက်ရှိထိန်းချုပ်နယ်မြေတွေအပါအဝင် အတိုက်အခံ လက်နက်ကိုင်အဖွဲ့တွေရဲ့နယ်မြေတွေအပါအဝင် တစ်နိုင်ငံလုံးအတိုင်းအတာနဲ့ မဲဆန္ဒနယ် ၃၀၀ ကျော်မှာကျင်းပဖို့ကြိုးပမ်းနေတဲ့ မဲပေးမှုတစ်စိတ်တစ်ပိုင်းအဖြစ် ဒီဇင်ဘာ ၂၈ ရက်မှာ အာဏာသိမ်းပြီးနောက်ပိုင်း ပထမအကြိမ်အထွေထွေရွေးကောက်ပွဲရဲ့ကနဦးအဆင့်ကို ကျင်းပဖို့စီစဉ်ထားပါတယ်။ သြဂုတ် ၃၁ ရက်က ထုတ်ပြန်တဲ့ကြေညာချက်မှာ အိန္ဒိယဝန်ကြီးချုပ် မိုဒီက မြန်မာနိုင်ငံမှာ မကြာခင်ကျင်းပမယ့်ရွေးကောက်ပွဲတွေကို တရားမျှတပြီး ပါဝင်ပတ်သက်သူတွေအားလုံးပါဝင်တဲ့နည်းလမ်းနဲ့ကျင်းပနိုင်မယ်လို့မျှော်လင့်တယ်လို့ ပြောပါတယ်။ သြဂုတ်လ ၃၀ ရက်နေ့မှာ မင်းအောင်လှိုင်ဟာတရုတ်သမ္မတရှိကျင့်ဖျင်နဲ့လည်း တွေ့ဆုံခဲ့ပြီး နှစ်နိုင်ငံခေါင်းဆောင်တွေဟာ ရွေးကောက်ပွဲအတွက် ပြင်ဆင်မှုတွေပြုလုပ်ဖို့ ပေကျင်းရဲ့ထောက်ခံမှုကို ဆွေးနွေးခဲ့ကြတယ်လို့ Global New Light of Myanmar ကနေ သိရပါတယ်။
