စက်တင်ဘာ ၁၂၊ ၂၀၂၅။ သောင်ရင်းသတင်းလွှာ
မြန်မာပြည်သူတွေနဲ့ အမေရိကန်ပြည်ထောင်စုရဲ့ ထိတွေ့ဆက်ဆံမှုတွေ မြှင့်တင်ဖို့အတွက် မြန်မာပြည်ကို ပြန်လည်ရောက်ရှိလာတဲ့ သံရုံးဒုတိယအကြီးအကဲ ဒေါက်ဂ်ဆောန်နစ်ခ်ကို ကြိုဆိုပါတယ်လို့ ရန်ကုန်မြို့ရှိအမေရိကန်သံရုံးက စက်တင်ဘာ ၁၁ ရက်မှာထုတ်ပြန်ပါတယ်။ အမေရိကန်အစိုးရရဲ့ အကြီးတန်း နိုင်ငံခြားရေးဝန်ထမ်းတစ်ဦးဖြစ်သူ ဒေါက်ဂ်ဆောန်နစ်ခ်ဟာ ရန်ကုန်မြို့ အမေရိကန်သံရုံးမှာ သံရုံးရဲ့ ဒုတိယအကြီးအကဲအဖြစ် ၂၀၂၅ စက်တင်ဘာ ၁၁ ကစတင်ပြီး တာဝန်ထမ်းဆောင်နေပြီလို့လည်း ထုတ်ပြန်ချက်မှာဆက်လက်ဖော်ပြပါတယ်။
အမေရိကန်-မြန်မာ နှစ်နိုင်ငံဆက်ဆံရေး အပြောင်းအလဲတွေ အရှိန်အဟုန်မြင့်ခဲ့တဲ့၂၀၁၁ ကနေ ၂၀၁၄ အထိ ကာလတွေမှာ သူဟာ ရန်ကုန်မြို့ရှိ အမေရိကန်သံရုံးရဲ့ နိုင်ငံရေးနဲ့စီးပွားရေးဌာနကို ဦးဆောင်ခဲ့သူလည်းဖြစ်ပါတယ်။
