ဘာသာပြန်သတင်း

ဩဂုတ်လ ၂၁၊ ၂၀၂၅။ သောင်ရင်းသတင်းလွှာ သြဂုတ်လ ၂၁ ရက်နံနက် ၁၀ နာရီ ၃၀ မိနစ်မှာယဉ်ကျေးမှုဝန်ကြီးအဖြစ်လည်း တာဝန်ထမ်းဆောင်နေတဲ့ Paetongtarn Shinawatra ရဲ့ ဝန်ကြီးချုပ်ရာထူးကို ရပ်စဲမလား။ ထိုင်းဝန်ကြီးချုပ်အဖြစ်ကယာယီရပ်စဲခံထားရတဲ့ Paetongtarn နဲ့ ကမ္ဘောဒီးယား အထက်လွှတ်တော် သမ္မတ ဟွန်ဆန်တို့ကြား စကားပြောဆိုမှု အသံဖိုင်ကို ထုတ်ပြန်ပြီးနောက် ကြီးလေးတဲ့ ကျင့်ဝတ်ဖောက်ဖျက်မှု စွပ်စွဲချက်ထွက်ပေါ်လာတာဖြစ်ပါတယ်လို့ The Nation ကဖော်ပြပါတယ်။ ကြားနာပွဲမစမီမှာ ဖွဲ့စည်းပုံအခြေခံဥပဒေခုံရုံးဥက္ကဋ္ဌ Nakharin Mektrairat က နိုင်ငံတော်လုံခြုံရေးအတွက် အမှုကို သက်ရောက်မှုရှိစေပေမယ့်လည်းတရားရုံးက သက်သေထွက်ဆိုနေစဉ်အတွင်း ရုပ်ပုံနဲ့အသံထုတ်လွှင့်ခြင်းကို တားမြစ်မှာဖြစ်ကြောင်း ကြေညာခဲ့ပါတယ်။ (more…)

ဩဂုတ်လ ၂၀၊ ၂၀၂၅။ သောင်ရင်းသတင်းလွှာ မြဝတီ-မဲဆောက်နယ်စပ်ဂိတ်နဲ့ထိုင်း-မြန်မာ ချစ်ကြည်ရေးတံတား ၂ တို့ကို ဩဂုတ် ၁၈ ရမှာမြန်မာဘက်က ကြိုတင်အသိမပေးဘဲ ပိတ်လိုက်တာကြောင့် ဂိတ်မှာ ထိုင်းကုန်ပစ္စည်းများ သိသိသာသာ စုပုံခဲ့တယ်လို့ The Nation သတင်းကသြဂုတ် ၂၀ရက်မှာဖော်ပြပါတယ်။ မြန်မာနိုင်ငံ အလယ်ပိုင်းကတာဝန်ရှိသူတွေက ကုန်ပစ္စည်း တင်သွင်းမှုတွေကို စစ်ဆေးမှုတွေပြုလုပ်နေပြီး မှောင်ခို မှောင်ခို နှိမ်နင်းရေး အရှိန်အဟုန် ပြင်းပြင်း ထန်ထန် လုပ်ဆောင်နေတာကြောင့် မြန်မာနိုင်ငံက နယ်စပ်ဂိတ်တွေကို ယာယီ ပိတ်ထားတယ်လို့ ထိုင်းနိုင်ငံ ကူးသန်းရောင်းဝယ်ရေး ဝန်ကြီး Jatuporn Buruspat က သြဂုတ် ၂၀ရက်နေ့ကပြောကြားခဲ့ပါတယ်။ဒါ့ကြောင့် မော်တော်ယာဉ်တွေနဲ့ ကုန်စည်အများအပြားဟာ စစ်ဆေးရေးဂိတ်မှာ ပိတ်မိနေပါတယ်။ ပြည်တွင်းပုဂ္ဂလိကစီးပွားရေးလုပ်ငန်းတွေ၊ထောက်ပံ့ပို့ဆောင်ရေးကုမ္ပဏီတွေနဲ့တိုင်ပင်ထားတဲ့ရန်ကုန်ရှိ ထိုင်းကုန်သွယ်မှုဗဟိုဌာနကနေစုံစမ်းမေးမြန်းမှုတွေပြုလုပ်ပြီးနောက် နယ်စပ်ဂိတ်တွေ ပြန်လည်ဖွင့်လှစ်နိုင်မယ်လို့မျှော်လင့်ထားတယ်လို့သိရပါတယ်။ ဒါ့အပြင် သွင်းကုန်လိုင်စင်တွေကို ပိုမိုတင်းကြပ်စွာ စစ်ဆေးမှုတွေအပါအဝင် မြန်မာနိုင်ငံကနေ လူမှောင်ခိုကူးသန်းမှုဆိုင်ရာ အစီအမံတွေကိုလည်း တင်းကျပ်မှာဖြစ်ပါတယ်။ “နယ်စပ်မှာ ကြန့်ကြာနေတဲ့ ထိုင်းကုန်ပစ္စည်းတွေကို ချက်ချင်းဖြေရှင်းဖို့ နိုင်ငံခြားကုန်သွယ်မှုဌာနကို ထိုင်းနိုင်ငံက မြန်မာရဲ့ စီးပွားရေးသံမှူးနဲ့ တွေ့ဆုံဖို့ ညွှန်ကြားထားပါတယ်” လို့ Jatuporn က ပြောပါတယ်။ “ဒါ့အပြင် မြန်မာနိုင်ငံကို ဝင်ရောက်လာတဲ့ ထိုင်းကုန်ပစ္စည်းအားလုံးကို မြန်မာနိုင်ငံက စည်းမျဉ်းစည်းကမ်းတွေနဲ့အညီ တင်သွင်းခွင့်လိုင်စင် လိုအပ်မှာ ဖြစ်ပါတယ်”လို့လည်းသူကဆိုပါတယ်။ (more…)

ဩဂုတ်လ ၂၀၊ ၂၀၂၅။ သောင်ရင်းသတင်းလွှာ ထိုင်းနိုင်ငံက ပုဂ္ဂလိက ဆေးရုံအချို့ဟာ ရွှေ့ပြောင်းအလုပ်သမားတွေကိုကျန်းမာရေး လက်မှတ်အတုတွေထုတ်ပေးနေတယ်လို့စွပ်စွဲခံနေရတယ်လို့ ဒုတိယပြည်သူ့ကျန်းမာရေးဝန်ကြီး Chaichana Dechdecho က ပြောတယ်လို့ဘန်ကောက်ပို့စ်သတင်းကသြဂုတ် ၁၉မှာဖော်ပြပါတယ်။ ကျန်းမာရေးစစ်ဆေးမှုတွေမပြုလုပ်ဘဲ လက်မှတ်အတုတွေ ရောင်းချနေတယ်ဆိုတဲ့ပုဂ္ဂလိကဆေးရုံ နှစ်ခု သို့မဟုတ် သုံးခုကိုစုံစမ်းစစ်ဆေးနေတယ်လို့၎င်းက ပြောပါတယ်။ “အသုံးပြုတဲ့ လုပ်ထုံးလုပ်နည်းတွေနဲ့ နည်းလမ်းတွေအပါအဝင် အချက်အလက်တွေကို ကျွန်တော်တို့ စုံစမ်းစစ်ဆေးနေပါတယ်” လို့ ၎င်းက သြဂုတ် ၁၉ရက်နေ့ကပြောကြားခဲ့ပါတယ်။ “အပြစ်ရှိကြောင်း တွေ့ရှိရင်လက်မှတ် ရေးထိုးထားတဲ့ဆရာဝန်တွေရဲ့ဆေးကုသခွင့်လိုင်စင်တွေနဲ့အတူ သက်ဆိုင်တဲ့ဆေးရုံတွေဟာ ၎င်းတို့ရဲ့ လိုင်စင်တွေကို ရုတ်သိမ်းမှာဖြစ်ပါတယ်”လို့သူကဆက်ပြောပါတယ်။ (more…)

ဩဂုတ်လ ၁၉၊ ၂၀၂၅။ သောင်ရင်းသတင်းလွှာ တာ့ခ်ခရိုင် မဲဆောက်မြို့က ထိုင်း-မြန်မာ ချစ်ကြည်ရေး တံတား ၂ ကမဲဆောက်-မြဝတီ နယ်စပ်ဂိတ်ကို မြန်မာစစ်အစိုးရက ကြိုတင်အသိမပေးဘဲ ပိတ်ထားလိုက်တယ်လို့ Thsi Enquire သတင်းကသြဂုတ် ၁၈ရက်နှောင်းပိုင်းကဖော်ပြပါတယ်။ မော်တော်ယာဉ်နဲ့ကုန်စည်တွေအားလုံးကို ပိတ်ဆို့ထားပြီးနေပြည်တော်ကလာတဲ့အမိန့်ကြောင့်လို့ဆိုပါတယ်။ အဓိက ကုန်သွယ်မှုလမ်းကြောင်းတွေနဲ့မြဝတီကို ထိုင်းကုန်စည်တွေတင်ပို့မှုကို အနှောင့်အယှက် ဖြစ်စေပါတယ်။ (more…)

ဩဂုတ်လ ၁၉၊ ၂၀၂၅။ သောင်ရင်းသတင်းလွှာ ထိုင်း-မြန်မာ ချစ်ကြည်ရေးတံတားမှာ မဲဆောက်-မြဝတီ နယ်စပ်ဂိတ်ကို ပြန်ဖွင့်ဖို့ မြန်မာနဲ့ ဆွေးနွေးဖို့ စစ်အုပ်စုစီးပွားရေးနဲ့ ကူးသန်းရောင်းဝယ်ရေး ဝန်ကြီးဌာနကို အသနားခံစာ တင်သွင်းဖို့ တာ့ခ်ခရိုင် သယ်ယူပို့ဆောင်ရေးအသင်းက စီစဉ်နေပါတယ်လို့ Thai Enwuire သတင်းကသြဂုတ် ၁၉ရက်မှာဖော်ပြပါတယ်။ နေပြည်တော်ကအမိန့်နဲ့မြန်မာအာဏာပိုင်တွေက သြဂုတ် ၁၈ ရက်နေ့က စစ်ဆေးရေးဂိတ်ကို ပိတ်ခဲ့ပြီး ထိုင်းကုန်တင်ယာဉ်တွေ နယ်စပ်မှာ သောင်တင်နေကြပါတယ်။ (more…)

ဩဂုတ်လ ၁၉၊ ၂၀၂၅။ သောင်ရင်းသတင်းလွှာ တိုကျိုမြို့ Shinjuku စီရင်စုရှိ နိုက်ကလပ်အပြင်ဘက်မှာ မြန်မာနိုင်ငံသားတစ်ဦးကို သတ်ဖြတ်မှုသံသယနဲ့ မြန်မာနိုင်ငံက အမျိုးသားသုံးဦးကို ဇူလိုင်လက ဖမ်းဆီးခဲ့တယ်လို့မြို့တော်ရဲဌာနက သြဂုတ် ၁၈ ရက်ကပြောကြားခဲ့တယ်လို့ အဆာဟိရှင်ဘွန်းသတင်းက​​​​ဖော်ပြပါတယ်။ မြို့တော်ရှိ ကုန်သွယ်ရေးကျောင်းက အသက် ၂၂ နှစ်အရွယ် ကျောင်းသူ ချစ်ဖော်ဟာဇူလိုင် ၇ ရက် အစောပိုင်းက လမ်းပေါ်မှာ ရိုက်နှက်သတ်ဖြတ်ခံခဲ့ရနယ်လို့ သိရပါတယ်။ သံသယရှိသူတွေထဲက တဦးဖြစ်တဲ့ ဇော်မျိုးထက် (၂၄)နှစ် က ရိုက်နှက်ခံရသူကို သတ်ဖို့ ရည်ရွယ်ချက်မရှိဘူးလို့ ရဲတပ်ဖွဲ့ကစုံစမ်းသိရှိရပါတယ်။ (more…)