သတင်း

ဖေဖော်ဝါရီ ၅၊ ၂၀၂၅ သောင်ရင်းသတင်းလွှာ ကာကွယ်ရေးဝန်ကြီး Phumtham Wechayachai က မြန်မာနယ်စပ်ဒေသသို့ ထိုင်းလျှပ်စစ်ဓာတ်အား ပေးဝေမှုကို ဖြတ်တောက္မည်ကိုအတည်ပြုပြောကြားကြောင်း ခရိုင်လျှပ်စစ်အာဏာပိုင်အဖွဲ့ (PEA) မှ တာဝန်ရှိသူများကပြောကြားသည်ဟု The Nation သတင်းက ဖေဖော်ဝါရီ ၄ ရက်ကဖော်ပြသည်။ အိမ်နီးချင်း မြန်မာနိုင်ငံ မြဝတီ နယ်စပ်မြို့နယ်တွင် လည်ပတ်နေသော တယ်လီကွန်း လိမ်လည်မှု စင်တာများကို နိုင်ငံစုံက ပူးပေါင်းနှိမ်နင်းမှုတွင် ထိုင်းနှင့် ပူးပေါင်းဆောင်ရွက်လျက်ရှိသည်ဟုသတင်းကဆိုသည်။ အမျိုးသားလုံခြုံရေးကောင်စီ (NSC) ဥက္ကဋ္ဌ Phumtham က အဆိုပါပြဿနာသည် ထိုင်းနိုင်ငံအတွက် ဆိုးရွားစွာ အကျိုးသက်ရောက္မှုရှိစေကြောင်း အလေးပေးပြောကြားခဲ့ပြီး ဇွန်လအတွင်း ထိုင်းလူမျိုး ၅၀၀,၀၀၀ ကျော်သည် call center လိမ်လည်မှု၏ သားကောင်များဖြစ်လာကြောင်း ပြောကြားခဲ့သည်။ Call Center လိမ်လည်မှုများသည် နိုင်ငံအတွက် ဘတ်ဘီလီယံ ၆၀ ကျော် နစ်နာဆုံးရှုံးမှု ဖြစ်စေခဲ့ကြောင်း Cyber ​​Crime Investigation Bureau မှ အချက်အလက္များကို ကိုးကား၍ ၎င်းက ပြောကြားခဲ့သည်။ နိုင်ငံ၏လုံခြုံရေးကို ထနခိုက်ပါကNSC သို့မဟုတ် အစိုးရအဖွဲ့ မှ အမိန့်မစောင့်ဆိုင်းဘဲ PEA မှ ဓာတ်အားဖြတ်တောက်ရန် အခွင့်အာဏာရှိကြောင်း ၎င်းက အတည်ပြုပြောကြားသည်။ "မြဝတီမြို့ကို ဓာတ်အား ဖြတ်တောက်သင့်သည်တယ်လို့ ဒီနေ့မှာNSC မှ PEA ကိုအကြောင်းကြားပြီး လိုက်နာရန် ပျက်ကွက်သူ ဘယ်သူမဆို ထိုင်းနိုင်ငံသို့ ဖုန်းခေါ်ဆိုလိမ်လည္သည့့် ဂိုဏ်းများကထိခိုက်စေမှုကိုခွင့်ပြုတာကြောင့် အရေးယူခံရမှာဖြစ်တယ်"၎င်းက သတိပေးပြောဆိုသည်။ အဂတိလိုက်စားမှုဟာ မြန်မာနိုင်ငံအတွက်…

ဖေဖော်ဝါရီ ၅၊ ၂၀၂၅ သောင်ရင်းသတင်းလွှာ မန္တလေးတိုင်း၊ တောင်သာမြို့နယ်၊ ရုံးစည်ကြီးရွာပေါ်ကို အကြမ်းဖက်စစ်အုပ်စုက လေကြောင်းကနေ ဗုံးကြဲချတိုက်ခိုက်ခဲ့ရာ သူတို့လူ စစ်တပ်အငြိမ်းစား ဗိုလ်မှူးကြီးနဲ့ ညီမဖြစ်သူအဂတိတိုက်ဖျက်ရေး (ညွှန်ချုပ်)တို့ပိုင်တဲ့ ကုန်စုံဆိုင်ပေါ် ဗုံးကျကွဲခဲ့သလို ဘုန်းကျောင်းပေါ်မှာပါ ဗုံးကြဲတိုက်ခိုက်ခံရတယ်လို့ လူထုလှုပ်ရှားမှု့ကော်မတီ တောင်သာက သတင်းထုတ်ပြန်ထားပါတယ်။ ပြီးခဲ့တဲ့ ဖေဖော်ဝါရီ ၃ရက်နေ့ညပိုင်းက ရုံးစည်ကြီးရွာကို ဗုံးကြဲတိုက်ခိုက်ခဲ့ရာ အုတ်ကျောင်းတိုက်အတွင်း ၂ထပ်ကျောင်းဆောင် တစ်ဆောင်နဲ့ဆရာတော်များစီးနင်းသည့် ကား ၂စီးပျက်ဆီး၊ မီးသတ်ရုံးအနီးရှိ "ဝေကြီး"ကုန်စုံဆိုင်ပေါ်သို့ ဗုံးသီးကျ ပေါက်ကွဲခဲ့တာလို့သိရပါတယ်။ "ဝေကြီးကုန်စုံဆိုင်က စစ်တပ်အငြိမ်းစား ကျော်ကျော်ဦး(ငြိမ်း) (ယခင် တနင်္သာရီတိုင်းမှူးလျာထားခံရသူ) နဲ့ညီမဖြစ်သူ ဒေါ်လွင်လွင် [အဂတိတိုက်ဖျက်ရေး (ညွှန်ချုပ်) နေပြည်တော်] တို့ပိုင် တဲ့ဆိုင်ပါ။ သူတို့လူအပေါ်သူတို့ပြန်ဗုံးချသလိုဖြစ်သွားတယ်။ရွာသစ်ကျေးရွာပြည်သူ့နေအိမ် ၂လုံး ရောကတ်ဖြင့်ပစ်ခတ်ခံရပြီး ပျက်ဆီး၊ အုတ်ကျောင်းတိုက်အတွင်းမှ ဆရာတော်တစ်ပါး နဲ့ဘူတာရပ်ကွက်မှ အမျိုးသားတစ်ဦး အစထိမှန်ဒဏ်ရာရခဲ့တယ်"လို့လူထုလှုပ်ရှားမှု့ကော်မတီ တောင်သာက ရေးသားထားပါတယ်။ လေကြောင်းကနေတိုက်ခိုက်ခံရပြီးနောက် မိတ္ထီလာ တပ်မ (၉၉)မှ စစ်သားအင်အား ၁၀၀ ကျော် ရောက်ရှိလာပြီး "ဝေကြီး" ကုန်စုံဆိုင်မှ လက်ကျန်ပစ္စည်းများအား နေရာရွှေ့ပြောင်းခြင်းကို လုံခြုံရေးယူကာလာရောက် လုပ်ဆောင်ခဲ့တယ်လို့သိရပါတယ်။ ဒီမိတ္ထီလာကလာတဲ့စစ်အုပ်စုဟာ လက်ရှိအချိန်အထိ ရွာရှေ့ကျောင်းအတွင်းတပ်စွဲထားပြီး ရုံးစည်ကြီးရွာ မြောက်ဘက်နဲ့အနောက်ဘက် တောရိုးတစ်ဝိုက် ကင်းပုန်းဝပ်နေတာကြောင့် ဒေသခံပြည်သူတွေအနေနဲ့ ဂရုစိုက် သွားလာကြဖို့ လူထုလှုပ်ရှားမှုကော်မတီတောင်သာက သတင်းထုတ်ပြန်ထားပါတယ်။ #သောင်ရင်းသတင်းလွှာ #တောင်သာ #ရုံးစည်ကြီး #စကစ #လေကြောင်းတိုက်ခိုက် #အငြိမ်းစားဗိုလ်မှူးကြီးကုန်စုံဆိုင်ပေါ်ကျကွဲ

------------------------------------------------- ဖေဖော်ဝါရီ ၅၊ ၂၀၂၅ သောင်ရင်းသတင်းလွှာ(ဆောင်းပါး) “အခြေခံဥပဒေဆိုတာ အောင်ပွဲရသူတို့ရဲ့  အောင်ပွဲရပြီးတဲနောက် သရဖူဆောင်းတဲ့ အလုပ်ဖြစ်တယ်”လို့ ရဲဘော်ဗိုလ်ကြင်မောင်က ဆိုခဲပါတယ်။လက်တွေ့နိုင်ငံရေးမှာလည်း အမေရိကန်အခြေခံဥပဒေကအစ သမိုင်းအချက်အလက်များစွာကပြဆိုနေပါတယ်။ လက်တွေ့နိုင်ငံရေးသဘောတရားနဲ့နေသူတို့ကတော့ အခြေခံဥပဒေနဲ့ နိုင်ငံရေးမကစားဖူး၊အစိုးရဖွဲ့တန်း မကစားဖူးလို့ ဝတ္တရားရှိ့ရှိ့ ပြောကြပါတယ်။ ၂၀၀၈ အခြေခံဥပဒေအောက်မှာ ၂၀၁၉ ခုနှစ်က အခြေခံဥပဒေပြင်ဆင်ရေးကော်မတီဖွဲ့ပြီး ပြင်ဆင်ဖို့ကြိုးစားခဲကြပါတယ်။ အခြေခံဥပဒေပြင်ဆင်ရေး ပူးပေါင်း ကော်မတီ ရဲ့ တွေ့ရှိ့ချက်များကို ထိုစဉ်က လွတ်တော်မှာ တင်သွင်းခဲ့ပါတယ်။တစ်ဖက်မှလည်း ၂၁ ရာစု ပင်လုံညီလာခံကို ကျင်းပပြီး ပြည်ထောင်စုအဆင့် သဘောတူစာချုပ်တွေချုပ်ဆိုခဲပါတယ်။ အခြေခံဥပဒေပြင်ဆင်ရေးပူးပေါင်းပြင်ဆင်ရေးကော်မတီရဲ့ တွေ့ရှိ့ချက်ကို တင်ပြထားတဲ့ မြန်မာနောင်းက သတင်းတစ်ပုတ်ဖော်ပြချက် ကို ကောက်နုတ်တင်ပြပါမယ်။ “၂၀၀၈ဖွဲ့စည်းပုံ အခြေခံဥပဒေပြင်ဆင်ရေး ပူးပေါင်းကော်မတီက ပြည်ထောင်စုလွှတ်တော်တွင် တင်သွင်းထားသည့် ဖွဲ့စည်းပုံပြင်ဆင်ရေး လေ့လာတွေ့ရှိချက် အစီရင်ခံစာကို ပြည်ထောင်စုလွှတ်တော်တွင် ယနေ့ မဲခွဲပြီးနောက် ထောက်ခံမဲများသည့်အတွက် အတည်ပြုလိုက်သည်။ ထောက်ခံမဲ ၄၀၁ မဲ ၊ကန့်ကွက်မဲ ၁၉၇ မဲ ၊ ကြားနေမဲမရှိ ဖြင့် အတည်ပြုခဲ့ခြင်းဖြစ်သည်။ ထို အစီရင်ခံစာတွင် အဆိုပြုချက်ပေါင်း ၃၇၆၆ ချက်ပါရှိပြီး ရှမ်းတိုင်းရင်းသားများဒီမိုကရေစီအဖွဲ့ချုပ် (SNLD)က ၁၁၁၂ ချက်၊ ရခိုင်အမျိုးသားပါတီ (ANP)က ၈၅၈ ချက်၊ မွန်အမျိုးသားပါတီက ၆၄၁ ချက်၊ အမျိုးသားညီညွတ်သော ဒီမိုကရက်တစ်ပါတီက ၄၆၂ချက်၊ တအောင်းပလောင်ပါတီက ၁၇၈ ချက်၊ အမျိုးသားဒီမိုကရေစီအဖွဲ့ချုပ် (NLD) ပါတီက ၁၁၄ချက် အကြံပြုထားသည်။ မဲခွဲအတည်ပြုပြီးနောက် အဆိုပြုချက် ၃၇၆၆…