သတင်း

မေလ ၂၄၊ ၂၀၂၅။ သောင်ရင်းသတင်းလွှာ ၂၀၂၅ ခုနှစ် ပထမသုံးလပတ်တွင်၊ အိမ်ခြံမြေသတင်းအချက်အလက်စင်တာ (REIC) မှ ထိုင်းနိုင်ငံတွင် နိုင်ငံခြားကွန်ဒိုလွှဲပြောင်းမှုများမှာ အနည်းငယ်နှေးကွေးခဲ့ကြောင်း တရုတ်ဝယ်လက်များက ဦးဆောင်နေဆဲဖြစ်သည်။ သို့သော် မြန်မာနိုင်ငံသည် ယူနစ်လွှဲပြောင်းမှု အနည်းငယ်ကျဆင်းနေသော်လည်း ရုရှားက ၎င်း၏ အရောင်းအဝယ်တန်ဖိုး တိုးလာချိန်တွင် သိသိသာသာ မြင့်တက်လာကာ ဒုတိယနေရာသို့ ခုန်တက်သွားခဲ့သည်ဟု The Nation သတင်းကမေလ ၂၄ရက်တွင်ဖော်ပြသည်။ ကမ္ဘာ့စီးပွားရေး မတည်ငြိမ်မှုများနှင့် သတိထားဝယ်လိုစိတ်များကြားတွင် ပြည်တွင်းရော ပြည်ပပါ ၂၀၂၅ခုနှစ် ပထမသုံးလပတ်တွင် နိုင်ငံခြားကွန်ဒိုအခန်း ၃၉၁၉ခန်းကို လွှဲပြောင်းခဲ့ပြီး စုစုပေါင်း ဘတ် ၁၆.၃၉ ဘီလီယံရှိကြောင်း REIC က ဖော်ပြခဲ့သည်။ (more…)

မေလ ၂၁၊ ၂၀၂၅။ သောင်ရင်းသတင်းလွှာ အိမ်နီးချင်း မြန်မာနိုင်ငံတွင် သတ္တုတူးဖော်ခြင်းလုပ်ငန်းမှ အန္တရာယ်ရှိသော ညစ်ညမ်းမှုများကို စစ်ထုတ်ရန်အတွက် မြောက်ပိုင်းမြစ်များပေါ်တွင် ရေစစ်ဆည်များတည်ဆောက်ရန် ထိုင်းအစိုးရက စီစဉ်နေကြောင်း ဒုတိယဝန်ကြီးချုပ် Phumtham Wechayachai က မေလ ၂၁ရ်နေ့တွင် ပြောကြားခဲ့သည်ဟု ဘန်ကောက်ပို့စ်ကဖော်ပြသည်။ ရေနမူနာများတွင်ချင်းမိုင်နှင့်ချင်းရိုင်ခရိုင်များရှိ Kok၊ Sai နှင့် မဲခေါင်မြစ်များတွင် အန္တရာယ်မကင်းသော သတ္တုအကြီးစားများ အထူးသဖြင့် အာဆင်းနစ်နှင့် ခဲတို့ကို တွေ့ရှိခဲ့သည်။  အဆိုပါ ညစ်ညမ်းမှုသည် မြန်မာနိုင်ငံရှိ မိုင်းတွင်းများမှ ထွက်လာသည်ဟု ကာကွယ်ရေးဝန်ကြီးလည်းဖြစ်သည့် Mr Phumtham က ပြောသည်။ (more…)

မေလ ၂၁၊ ၂၀၂၅။ သောင်ရင်းသတင်းလွှာ လှုပ်ခါခဲ့ပြီး ဖုန်မှုန့်များအဖြစ်သို့ပြိုကျနေသည့်ရာစုနှစ်ပေါင်းများစွာ သက်တမ်းရှိသောဘုရားတစ်ဆူရှေ့တွင် ရပ်နေသည်ကို မြင်ယောင်ကြည့်ပါ။ ထိုအချိန်တွင် မိသားစုများ အထိတ်တလန့်ဖြင့် လမ်းပေါ်ထွက်ပြေးလာသောအခါ သင်သိသော ကမ္ဘာသည် ကွယ်ပျောက်သွားသည်။ မတ်လ ၂၈ ရက် နေ့လယ် ၁၂း၅၀ နာရီက မန္တလေးမြို့၌ရစ်ခ်ျတာစကေး ၇ ဒသမ ၇ အဆင့်ရှိ ငလျင်တစ်ခု လှုပ်ခတ်ခဲ့ရာ လူပေါင်း ၅၀၀၀ ကျော် သေဆုံး၊ထောင်နှင့်ချီ ဒဏ်ရာရရှိကာ အိမ်ခြေ ၁၂၀၀၀၀ ကျော် ပြိုကျခဲ့သည်။ "7.7 MMERQK- မြန်မာလူထု၏ သည်းမခံနိုင်သော ငိုကြွေးသံကို ဖမ်းယူခြင်း" ပြပွဲသည် ထိုကြောက်မက်ဖွယ်ရာ အခိုက်အတန့်နှင့် ရဲစွမ်းသတ္တိတို့ကို ပြတ်ပြတ်သားသား အာရုံစိုက်လာစေသည်။ SEA Junction၊ CMB Foundation နှင့် Bangkok Tribune News တို့ ပူးပေါင်း၍ Platform 36 ဖြင့် ပုံဖော်ထားသည့် အဆိုပါ ပြပွဲတွင် မြန်မာနိုင်ငံအခြေစိုက် ဓာတ်ပုံဆရာ လေးဦး၊ ပညာရှင် နှစ်ဦးနှင့် နိုင်ငံသား သတင်းထောက် နှစ်ဦးတို့၏ ရုပ်ပုံများကိုပြသထားပြီး ပြပွဲတွင် ငလျင်လှုပ်ခတ်မှု၊ နိုင်ငံရေး လက်စားချေမှုများနှင့် စစ်အစိုးရ၏ ဆင်ဆာဖြတ်တောက်မှုတို့ကို ကြုံတွေ့ခဲ့ရပြီး မန္တလေး၊ စစ်ကိုင်းနှင့် နေပြည်တော်တို့တွင်ငလျင်လှုပ်ပြီးနောက် ပထမဆုံး သီတင်းပတ်အတွင်း မှတ်တမ်းတင် ရိုက်ကူးခဲ့ခြင်းဖြစ်သည်။ ၎င်းတို့၏တာဝန်မှာ ပညာပေးရန်နှင့်စည်းရုံးရန်ဖြစ်သည်။ (more…)

မေလ ၂၁၊ ၂၀၂၅။ သောင်ရင်းသတင်းလွှာ တောင်ဆူဒန်သို့ရွှေ့ပြောင်းနေထိုင်သူများကို ပို့ဆောင် အမိန့်ပေးခြင်းသည် ဥပဒေနှင့်မညီပါက အမေရိကန်တာဝန်ရှိသူများက ထိန်းချုပ်ထားရန် ဖက်ဒရယ်တရားသူကြီးတစ်ဦးက မေ ၂၀ရက်နေ့နှောင်းပိုင်းတွင် ဆုံးဖြတ်ခဲ့သည်။ အမေရိကန်ပြည်ထောင်စု မက်ဆာချူးဆက်ပြည်နယ် ခရိုင်တရားသူကြီး Brian E. Murphy သည် အရေးပေါ်ကြားနာပြီးနောက် ထရမ့်အစိုးရကပြည်တွင်းလာရောက်နေထိုင်သူများအား အခြားနိုင်ငံများသို့ ပို့ဆောင်ခြင်းကို တားမြစ်ထားသော်လည်းထရမ့်အစိုးရသည် မြန်မာနှင့် ဗီယက်နမ်မှ လူများကို တောင်ဆူဒန်သို့ ပို့လိုက်ပုံရသည်ဟု AP သတင်းကမေလ ၂၁ရက်တွင် ဖော်ပြသည်။ တရားရုံးမှ ယင်းပို့ဆောင်မှုသည် ဥပဒေနှင့်မညီကြောင်း တွေ့ရှိပါက လက်တွေ့ကျနိုင်ခြေကို သေချာစေရန် အစိုးရသည် "တောင်ဆူဒန်သို့ လက်ရှိပို့ဆောင်ခြင်းခံရသော သူများ သို့မဟုတ် အခြားတတိယနိုင်ငံသို့ ပိုဆောင်ခြင်းခံထားရသောသူများကို ထိန်းသိမ်းထားရမည်ဖြစ်ကြောင်း Murphy မှ ပြောကြားခဲ့သည်။ Murphy မှအသေးစိတ်အချက်အလက်များကိုအစိုးရ၏ဆုံးဖြတ်ပိုင်ခွင့်တွင်ထားခဲ့စဉ်တွင်သူသည်ရွှေ့ပြောင်းနေထိုင်သူများအား "လူသားဆန်စွာဆက်ဆံခံရလိမ့်မည်ဟုမျှော်လင့်သည်" ဟုပြောကြားခဲ့သည်။ လူဝင်မှုကြီးကြပ်ရေး အာဏာပိုင်များသည် နိုင်ငံအများအပြားမှလူများအား အာဖရိကသို့ လူတစ်ဒါဇင်အထိ စေလွှတ်နိုင်ဖွယ်ရှိကြောင်း ရွှေ့ပြောင်းနေထိုင်သူများအတွက် ရှေ့နေများက တရားရုံးအမိန့်ကို ချိုးဖောက်ကာ ၎င်းတို့အား မွေးရပ်ပြင်ပနိုင်ငံသို့ ပို့ဆောင်ခြင်းသည် ၎င်းတို့၏ လုံခြုံရေးကို ခြိမ်းခြောက်သည်ဟု ပြောဆိုနေကြောင်း တရားသူကြီးအား ပြောကြားခဲ့သည်။ တက္ကဆက်ရှိ လူဝင်မှုကြီးကြပ်ရေးအရာရှိတစ်ဦးထံမှ အီးမေးလ်တစ်စောင်တွင် မြန်မာနိုင်ငံမှ အမျိုးသားတစ်ဦးအားတောင်ဆူဒန်သို့ပို့ဆောင်ခဲ့ကြောင်း တရားရုံးမှတ်တမ်းများအရ သိရသည်။ (more…)

မေလ ၂၀၊ ၂၀၂၅။ သောင်ရင်းသတင်းလွှာ ၂၀၂၅ ခုနှစ် မေလ ၁၄ ရက်နေ့တွင် အိန္ဒိယ-မြန်မာနယ်စပ်အနီး မဏိပူရပြည်နယ် Chandel ခရိုင်တွင် ကွက်ကီးအမျိုးသားတပ်မတော်( မြန်မာ)နှင့်အိန္ဒယမှ အာသံရိုင်ဖယ်တပ်ရင်း တို့နှင့် ပစ်ခတ်မှုတွင် ၁၀ ဦးထက်မနည်း သေဆုံးခဲ့သည်။ စစ်ဆင်ရေးအတွင်း AK-47 ရိုင်ဖယ် ခုနစ်လက်၊ Rocket-Propelled Grenade (RPG) လောင်ချာတစ်လက်၊ M4 ရိုင်ဖယ်တစ်လက်နှင့် တစ်လုံးထိုးသေနတ်လေးလက်၊ ခဲယမ်းမီးကျောက်များနှင့် အခြားစစ်သုံးပစ္စည်းများကို သိမ်းဆည်းရမိခဲ့သည်။ ၂၀၂၅ ခုနှစ် ဧပြီလ ၂၅ရက်နေ့တွင် Oinam Kanglei Yaol Kanna Lup (KYKL) မှ Telheiba aka Landaba (၃၆) နှစ်နှင့်ကေဒါတစ်ဦး၊Kangleipak ​​ကွန်မြူနစ်ပါတီ (KCP)မှAhanthem Bishan aka Kanglei (၂၉)နှစ်တို့သည်မဏိပူရ-မြန်မာနယ်စပ်တလျှောက်ရှိနေရာတခုတွင်အိန္ဒိယလုံခြုံရေးတပ်ဖွဲ့ (SFs) ပေါင်းစပ်အဖွဲ့နှင့်ထိတွေ့စဉ် သေဆုံးခဲ့ကြသည်။ ၂၀၂၅ ခုနှစ် ဇန်နဝါရီလ ၂၉ ရက်နေ့တွင် နာဂလန်းအမျိုးသားဆိုရှယ်လစ်ကောင်စီ-Isak-Muivah (NSCN-IM) စစ်သွေးကြွ Jamthang Vaiphei (၆၀) နှစ်သည် မဏိပူရ-မြန်မာနယ်စပ်ရှိ Tengnoupal ခရိုင် မိုးရေးမြို့တွင် KNA-B မှကေဒါများဟု သံသယဖြစ်ဖွယ်ရှိသူတို့၏ လက်ချက်ဖြင့်သေဆုံးခဲ့သည်။ ဇန်နဝါရီ ၂၅ ရက်က ဆလမ်ပါတွန်ကျေးရွာမှ ဂျမ်ထန်ဝေဖေးကို KNA-B ကေဒါဟု သံသယရှိသူများက ပြန်ပေးဆွဲမှု ဖြစ်ပွားခဲ့ကြောင်း သတင်းရင်းမြစ်များက ပြောသည်။ KNA-B စစ်သွေးကြွများသည် သူ့မိသားစုထံမှ ပြန်ပေးငွေ ရူပီး ၅၀၀၀၀ တောင်းဆိုခဲ့သည်။ သို့သော်လည်း…

မေလ ၂၀၊ ၂၀၂၅။ သောင်ရင်းသတင်းလွှာ အာဏာသိမ်းစစ်ခေါင်းဆောင် မင်းအောင်လှိုင်က မြန်မာနိုင်ငံသည် အမေရိကန်နှင့် တရုတ်နိုင်ငံတို့အကြား အတတ်နိုင်ဆုံး အကောင်းဆုံး နည်းလမ်းဖြင့် ဆက်ဆံသွားမည်ဖြစ်ကြောင်း ပြောကြားခဲ့သည်။ ရုရှားနိုင်ငံ မော်စကိုမြို့ရှိ Ararat Park Hotel တွင် မေလ ၈ ရက်က ပြုလုပ်ခဲ့သော RT နှင့် တွေ့ဆုံမေးမြန်းခန်းတွင် ၎င်းက အထက်ပါအတိုင်း ပြောကြားခဲ့ခြင်းဖြစ်သည်ဟု The Nation သတင်းကမေလ ၂၀ရက်နေ့တွင်ဖော်ပြသည်။ "မြန်မာ့နိုင်ငံခြားရေးမူဝါဒဟာ လွတ်လပ်ပြီးတက်ကြွပါတယ်။ နိုင်ငံပေါင်းစုံနဲ့ ချစ်ကြည်ရင်းနှီးတဲ့ ဆက်ဆံရေးကို ထိန်းသိမ်းထားပါတယ်။ အမေရိကန်ပြည်ထောင်စုဟာ မြန်မာနိုင်ငံအတွက် ချစ်ကြည်ရင်းနှီးတဲ့နိုင်ငံပါ။ ဒါပေမယ့် တရုတ်နိုင်ငံဟာ ကျွန်တော်တို့ရဲ့ အိမ်နီးချင်းသာမက ဗျူဟာမြောက် ဆွေမျိုးရင်းချာလည်း ဖြစ်ပါတယ်။ တရုတ်နဲ့ ကျွန်တော်တို့ရဲ့ ဆက်ဆံရေးဟာ တခြားနိုင်ငံတွေနဲ့ ယှဉ်ရင် ထူးခြားပါတယ်။ ဒါကြောင့် နှစ်နိုင်ငံစလုံးနဲ့ အတတ်နိုင်ဆုံး အကောင်းဆုံး ဆက်ဆံနိုင်အောင် ကြိုးစားသွားမှာပါ" ဟု သူက ပြောကြားခဲ့သည်။ ယူကရိန်းပဋိပက္ခအပြီးတွင် အမေရိကန်သည် တရုတ်နှင့် ထိပ်တိုက်ရင်ဆိုင်မှုများ အရှိန်မြှင့်နိုင်မလား၊ စစ်ရေးပဋ္ဌိပက္ခများ မကြာမီ ဖြစ်ပေါ်လာနိုင်ချေ ရှိမရှိ မေးမြန်းသောအခါတွင် မင်းအောင်လှိုင်က ဖြစ်နိုင်ချေကို အသိအမှတ်ပြုခဲ့သည်။ (more…)