ဆောင်းပါး

ဝတ်စ်ဖေးလီးယားစနစ်က ကျောင်းတော်နိုင်ငံရေးဖြစ်တဲ့ကမ္ဘာကြီးကို "မြင့်မြတ်သော်အာဏာ"နဲ့ဘုရားပေးတဲ့ "တော်ဝင်အာဏာနှစ်ရပ်"က အုပ်ချုပ်ထားတယ်ဆိုတဲ့ အယူအဆကနေ လမ်းခွဲသွားလိုက်တာပဲဖြစ်ပါတယ်။ကျောင်းတော်ရဲ့ သာသနာစောင့်အင်ပါယာအတွက်မက်လုံးဖြစ်တဲ့ ရောမဆီဇာ ဆက်ခံရေးပြိုင်ပွဲကို အဆုံးသတ်သွားစေပါတယ်။ ဒါပေမယ့် ဥရောပကလည်း အခွင့်သာတဲ့အချိန် သာသနာစောင့်အင်ပါယာအိမ်မက်မက်ကြပါတယ်။ဇာဘုရင်တွေ၊ကိုင်ဇာတွေ၊ရှားလမိန်းအမွေခံတွေအတွက်ကြိုးပမ်းကြလေ့ရှိ့ကြပါတယ်။ ဂျာမဏီမှာကိုင်ဇာနန်းဆက်ပြုတ်သွားပြီး ဝိုင်မာသမ္မတ စနစ်ကနေ အာဏာရလာတဲ့ ဟစ်တလာနဲ့နာဇီပါတီဟာ ရောမအလေးပြုပုံနဲ့ရောမအင်ပါယာအငွေ့အသက်အပြည့်ယူထားပြီး စစ်အတွင်း ဆီဇာ လုပ်ခဲ့ပါတယ်။ အလားတူ နပိုလီယံကလည်း ဧကရာဇ်ဘွဲ့ခံယူပြီး ရှားလမိန်းဆက်ခံသူ ခေတ္တလုပ်ဖို့အားထုတ်တာပါပဲ။ရုရှား ဇာက သူရဲ့ဇာကိုခြိမ်းခြောက်လာလို့ ဥရောပစစ်ပွဲထဲခုန်ဝင်လေ့ရှိ့ပါတယ်။ ပြီးခဲ့တဲ့ပုတ်ရဟန်းမင်းကြီးကွယ်လွန်ပြီး ပုတ်ရဟန်းမင်းသစ်ရွေးချယ်ပွဲကာလတွေမှာ ထရမ့်က ပုတ်ရဟန်းမင်းပုံနဲ့သူတွီ့တာမှာတင်ခဲ့ပါတယ်။လက်ရှိပုတ်အသစ်ကလည်း အမေရိကတိုက်အခြေခံကိုရွေးချယ်တင်မြောက်ထားပါတယ်။ ထရမ့်ရဲ့ မိတ်အမေရိကန်ဂရိပ်အဂိမ်းအတွက် အမေရိကားဟာ သာသနာစောင့်ရောမအင်ပါယာ အမွေခံဆိုတဲ့ ပါဝါပျော့ကို အပိုင်စီးဖို့ပုံရိပ်လိုဖြစ်ခဲ့ပါတယ်။ ရောမအင်ပါယာနဲ့ရောမသာသနာ နှစ်ခြမ်းကွဲပြီးကထဲက အရှေ့ရောမသာသနာနဲ့အနောက်ရောမသာသနာတို့ ကွဲပြားလာပါတယ်။အရှေ့ရောမသာသနာရဲ့ဗဟိုဖြစ်တဲ့ ကွန်စတင်တီနိုပိုကို တူရကီတို့သိမ်းပိုက်လိုက်ကထဲက အရှေ့သာသနာဟာ ဘော်လကန်ဒေသ၊ရုရှားနဲ့အရှေ့ဥရောပ ပထဝ‌ဝီရဲ့ အဓိကကိုးကွယ်ရာဖြစ်ခဲ့ပါတယ်။ အရှေ့ရောမသာသနာကို တာတာတို့ ဖြိုခွဲရာမှာ ထိုစဉ်က အနောက်ရောမသာသနာနဲ့သာသနာစောင့် ပြင်သစ်က ချားလမိန်းအင်ပါယာရဲ့ ပူးပေါင်းကြံစည်မှု့ ပါဝင်ခဲ့ပါတယ်။ ရုရှားဇာဟာ အရှေ့ရောမသာသနာ (အော်တိုဒေါ့)ရဲ့ သာသနာစောင့်အင်ပါယာအရှင်ကိုခံယူထားပါတယ်။ အလာစကားဆွေးနွေးပွဲမှသည် ------------------------------------------ ဩဂုတ်လ ၁၈၊ ၂၀၂၅ သောင်ရင်းသတင်းလွှာ ကမ္ဘာကြီးတည်ငြိမ်မှု့နဲ့လုံခြုံရေးကိုထိမ်းသိမ်းဖို့ ဆိုတာ ကမ္ဘာ့အစီအစဉ် World Order လို့ပြောတာဆိုတဲ့အဓိပ္ပါယ်ကို ဖတ်မှတ်ဖူးပါတယ်။ အဲ့ဒီကမ္ဘာ့အစီအစဉ်ဆိုတာကို ဘယ်သူတွေကချမှတ်ပါသလဲ။ ရဲဘော်ဗိုလ်ကြင်မောင်ကတော့ "ကမ္ဘာ့အစီအစဉ်ကို စစ်နိုင်တဲ့သူတွေက ချမှတ်တာပါ"လို့ ပြည်ချစ်ဝါဒစာတမ်းမှာဆွေးနွေးခဲ့ပါတယ်။ ဒုတိယကမ္ဘာစစ်ပြီးတော့ UN ကုလသမဂ္ဂစနစ်ပေါ်လာပါတယ်။ကမ္ဘာ့ငြိမ်းချမ်းရေးကို ထိမ်းသိမ်းဖို့ လုံခြုံရေးကောင်စီ UNSC စနစ်ပေါ်လာပါတယ်။UNSC မှာ စစ်နိုင် ကြီးငါးကြီးက အခရာဖြစ်ပြီး တစ်ချက်လွတ် ဗီတိုအာဏာကိုင်စွဲထားကြပါတယ်။…

ဩဂုတ်လ ၁၈၊ ၂၀၂၅။ သောင်ရင်းသတင်းလွှာ အမျိုးသားညီညွတ်ရေးအစိုးရဆိုတာ ၂၀၂၁ မှာ စစ်တပ်က အာဏာသိမ်းပိုက်လိုက်တဲ့အတွက် ထွက်ပေါ်လာတဲ့ နိုင်ငံရေးအင်အားစုတွေထဲက တခုသာလျှင်ဖြစ်တယ်လို့ ဦးစွာပထမ ပြောရပါလိမ့်မယ်။ ၂၀၂၁ စစ်တပ်ကသာ အာဏာမသိမ်းရင် အဆိုပါအစိုးရအဖွဲ့ဝင်အများစုဟာ စစ်အုပ်စုနဲ့အတူ နေပြည်တော်မှာ အစိုးရဖြစ်နေဦးမယ့်လူတွေဖြစ်ကြပါတယ်။ဆိုလိုတာ ၂၀၀၈ ဖွဲ့စည်းပုံအခြေခံဥပဒေကို ထိန်းသိမ်းကာကွယ်စောင့်ရှောက်ပါမယ်လို့ သစ္စာဆိုထားတဲ့ ရွေးကောက်ပွဲဝင်ပါတီများက အမတ်တွေဆက်ဖြစ်နေကြမယ့်လူတွေပဲလို့ တိတိကျကျပြောရမှာဖြစ်ပါတယ်။ ၂၀၂၁ ခုနှစ် အာဏာသိမ်းတဲ့အခါ စစ်အုပ်စုကို တော်လှန်ကြဖို့ ရည်ရွယ်ချက်ရှိတဲ့ လူငယ်တွေ၊ နိုင်ငံရေးအင်အားစုတွေအားလုံးနီးပါး လမ်းပေါ်ထွက်ပြီး ဆန္ဒပြကြပါတယ်။လမ်းပေါ်မှာ အသက်တွေပေးသွားကြရပါတယ်။နောက်ဆုံးတော့ လက်နက်ကို လက်နက်နဲ့တုံ့ပြန်တာ တရားတယ်ဆိုတဲ့ အယူအဆကိုကိုင်ပြီး တောခိုကြပါတယ်။ တောထဲရောက်တဲ့အချိန်မှာ လူမျိုးစုတော်လှန်ရေးတပ်တွေ ( EROs) တွေဆီမှာ စစ်သင်တန်းတက်ကြပါတယ်။ လက်နက် ရအောင် ရှာကြရပါတယ်။တပ်သားတွေစုဖွဲ့ပြီး တပ် တည်ဆောက်တဲ့အခါမှာ မိမိတို့ကိုယ်တိုင် အလှူခံပြီး တပ်ကိုကျွေးတာတွေ၊လက်နက်ခဲယမ်း ဝယ်ယူစုဆောင်းတာတွေ လုပ်ကြရပါတယ်။ တောထဲတောင်ထဲမှာ လူငယ်တွေ အပင်ပန်းခံ စစ်ပညာသင်ယူပြီး တပ်တည်ထောင်ဖို့ ကြိုးပမ်းနေတဲ့အချိန်မှာ NUG အစိုးရကို ဖွဲ့တာဖြစ်ပါတယ်။ဒီလိုဖွဲ့လို့လည်း တောထဲက လူငယ်တွေက အပြစ်မတင်ပါဘူး။နိုင်ငံရေးအင်အားစုတွေကလည်း မငြိုငြင်ပါဘူး။ အစိုးရအဖွဲ့ဖွဲ့ပြီး နိုင်ငံရေးခေါင်းဆောင်မှု၊စစ်ရေးခေါင်းဆောင်မှုတွေကို NUG က ယူခဲ့ပါတယ်။သူတို့ရဲ့ ကာကွယ်ရေးဝန်ကြီးဌာနနဲ့ ပြည်ထဲရေးဝန်ကြီးဌာနရဲ့အောက်ကို နဂိုစုဖွဲ့ပြီးသားတပ်တွေအတော်များများ လွှဲပြောင်းရယူခဲ့ပါတယ် ဒီနေရာမှာစပြီး သူတို့ရဲ့စဥ်းစားချက်ကို သေသေချာချာသုံးသပ်ဖို့လိုအပ်လာပါပြီ။ (၁) ငါတို့သည် အစိုးရဖြစ်သည်။ (၂) ငါတို့မှာ တရားဝင်မှုရှိသည်။ (၃) ငါတို့ကိုသာလျှင် နိုင်ငံတကာက တရားဝင်အစိုးရအဖြစ် အသိအမှတ်ပြုရမည်။ (၄) လက်နက်ကိုင်တပ်မှန်သမျှ ငါတို့၏ COC…

ဒါကြောင့် တော်လှန်စစ်ရဲ့အဟန့်အတားတွေဖြစ်တဲ့ "ရပ်တည်ရေးသက်သက်အမြင်"နဲ့ သူကတဆင့်ပေါက်ဖွားလာတဲ့ "ဒေသန္တရစစ်ဘုရင်ဝါဒ"ကိုပါ တိုက်သွားရမှာဖြစ်တယ်။ ရန်သူ့ဘက်က အတုအယောင် ရွေးကောက်ပွဲ၊ အတုအယောင် ဆွေးနွေးပွဲ၊အတုအယောင် ဒီမိုကရေစီ၊အတုအယောင် ငြိမ်းချမ်းရေးကမ်းလှမ်းမှုတွေလုပ်ချိန်မှာ ရန်သူနဲ့စေ့စပ်မယ်ဆိုတဲ့ နိုင်ငံရေး စစ်ရေးခေါင်းဆောင်ဆိုသူများဟာ လူတန်းစားဇာစ်မြစ်အရ သန္ဓေမမှန်တဲ့သူတွေပဲလို့ ဆိုရပါလိမ့်မယ်။ လူတွင်ပါလို့ နွားကျားကိုက်တဲ့သဘောမျိုး နဂိုကတည်းက ရပ်တည်ချက်မခိုင်မာ ခြေထောက်မမြဲတဲ့ ခေါင်းဆောင်ဆိုသူများဟာ ဖောက်ပြန်ဖို့ လွယ်ကူကြပါတယ်။ ဒါကြောင့် အယူအဆအမှားတွေကို ရှင်းပစ်ပြီး စစ်အနိုင်တိုက်ရေးအတွက် တော်လှန်တဲ့တပ်မတော်ကို အခိုင်အမာတည်ဆောက်ကြဖို့ လိုပါတယ်။ရေရှည်မှာ ဘယ်သူတွေက တော်လှန်တဲ့တပ်မတော်ဖြစ်ပြီး ဘယ်သူတွေက လက်နက်ချတဲ့သူတွေဖြစ်လာမလဲဆိုတာ သိပ်အကြာကြီး စောင့်ကြည့်စရာမလိုတော့ပါဘူး။ ရှင်းရှင်းလင်းလင်း ထွက်ပေါ်လာပါတော့မယ်။ ရန်သူ့အောက်ကို ခေါင်းလျှိုမဝင်တဲ့ လက်နက်ကိုင်တော်လှန်ရေးလည်း လိုအပ်သလို စစ်ရေးထိုးနှက်ချက်တွေကို အထောက်အကူဖြစ်စေတဲ့ ငြိမ်းချမ်းရေးတိုက်ပွဲတွေလည်း လိုအပ်ကြောင်း သခင်သန်းထွန်းက ဆွေးနွေးထားပါတယ်။ လက်နက်ချငြိမ်းချမ်းရေး အန္တရာယ် ------------------------------------------- ဩဂုတ်လ ၁၇၊ ၂၀၂၅။ သောင်ရင်းသတင်းလွှာ ဒီရက်ပိုင်းမှာ ဗိုလ်နဂါးပြောတယ်ဆိုတဲ့ ဗွီဒီယိုဖိုင် တခုပြန့်နှံ့လာပါတယ်။ ဒီဖိုင်ထဲမှာ ပြောထားတာကတော့ "ဒီ မေတ္တာဆန်တဲ့စကားကို ပြောကြမယ်ဆိုရင် ကျနော်တို့ လက်နက်တွေချရမယ်"ဆိုတာနဲ့ စဖွင့်ထားပါတယ်။ ဆက်ပြီး လက်နက်ကိုင်တယ်ဆိုတာတော့ တိုင်းပြည်ရဲ့ စီးပွားရေးတွေ၊လူနေမှုအဆောက်အအုံတွေ၊လူသားအရင်းအမြစ်တွေကို ထိခိုက်ပျက်စီးစေတဲ့နည်းလို့ ဆိုထားပါတယ်။ဒီနည်းလမ်းကို အခြားရွေးချယ်စရာမရှိလို့ လုပ်နေရတာလို့ ဆက်ပြောပါတယ်။ ဒီအကျပ်အတည်းတွေက တိုင်းပြည်နဲ့လူထုဆီကို ဦးတည်နေတယ်။ဒါကို ငါတို့ပြင်မှရမယ်ဆိုတဲ့ နောင်တမျိုးနဲ့ ကျနော်တို့ပြင်မှရမယ်။ကျနော်တို့ ကျုးလွန်ခဲ့တဲ့ အပြစ်ဒဏ်တွေကိုလည်း ကျနော်တို့ခံယူမယ်။အဲ့လိုဆိုရင် ​ဖြစ်နိုင်ချေရှိတယ် စသဖြင့် ဗိုလ်နဂါးပြောထားတယ်ဆိုတဲ့ ဗွီဒီယိုဖိုင်တခု ပြန့်နှံ့နေတာဖြစ်ပါတယ်။ ဒီဗွီဒီယိုဖိုင်ကို စတင်ဖြန့်ဖြူးခဲ့တာကတော့ စစ်ကောင်စီလော်ဘီချန်နယ်တခုဖြစ်တဲ့ Truth Waves Media-…

တော်လှန်ရေးကို အိပ်မက်မက်လို့တောင်မရဘူး။ယောင်ပြီး ပြောလို့တောင်မရဘူး။လက်ရှိစနစ်ကို ဆန့်ကျင်ဖက်တွေးပြီဆိုတာနဲ့၊မကျေမနပ်ဖြစ်ပြီဆိုတာနဲ့ ရာဇဝတ်မှုကျုးလွန်ရာရောက်တယ်။ဘာရာဇဝတ်မှုလဲဆိုတော့ အကိုကြီးတို့ကို စိတ်နဲ့ပြစ်မှားတဲ့ပြစ်မှု။ပြစ်မှုနောက်မှာ ပြစ်ဒဏ်တွေပါလာတယ်။ ချစ်ခြင်းမေတ္တာဝန်ကြီးဌာနကိုပို့ပြီး စနစ်တကျ ဦးနှောက်ဆေးပစ်တာဟာ ပြစ်ဒဏ်ပဲ။ချစ်ခြင်းမေတ္တာဝန်ကြီးဌာနရဲ့ ပေါ်လစီအရ နိုင်ငံတော်က လက်ခံထားတဲ့ တခုတည်းသော ချစ်ခြင်းမေတ္တာဟာ အကိုကြီးအပေါ်မှာထားရမယ့် ပြည်သူတွေရဲ့ ချစ်ခြင်းမေတ္တာပဲဖြစ်ရမယ်။အခြား ချစ်ခြင်းမေတ္တာဆိုတာကို နိုင်ငံတော်က လက်သင့်မခံဘူး။ စိတ်နှစ်ခွသမားတွေကို နှိပ်ကွပ်ပစ်တယ်။ဒီဟာလည်း အမှန်၊ဟိုဟာလည်း မမှားဘူးလို့ တွေးနေတဲ့ နှစ်ထပ်ကွမ်းအတွေးရှိနေသူတွေကို နိုင်ငံတော်က ဖိအားပေးပြီး ပြုပြင်ပြောင်းလဲပစ်တယ်။ ဒီနေရာမှာ ကျနော်တို့ထောက်ပြချင်တာ အတွေးနဲ့တင် အကိုကြီးကို မချစ်လို့မရဘူး၊ မုန်းလို့မရဘူး၊ဆိုလိုတာ အုပ်စိုးသူလူတန်းစားကို ဆန့်ကျင်လို့မရဘူး၊ကဏ္ဋကောစလုပ်လို့မရဘူးဆိုတဲ့ မက်ဆေ့ချ်ကို ပေးနေတယ်။ ဗမာပြည်နိုင်ငံရေးမှာလည်း အကိုကြီးကို ပုဂ္ဂိုလ်ရေးအရ ကိုးကွယ်ရမယ်ဆိုတဲ့အုပ်စုက သက်သက်ကိုရှိတယ်။ဗိုလ်နေဝင်းခေတ်က မဆလပါတီဝင်အတော်များများ၊စစ်ဗိုလ်စစ်သား အတော်များများဟာ နေဝင်းရှေ့ရောက်ရင် အီးတောင်ကျယ်ကျယ်ပေါက်ရဲတဲ့သူတွေမဟုတ်ကြဘူး။နေဝင်းကို အိမ်က အဖေ အမေထက်ပိုပြီး ရိုသေလေးစားပြကြတယ်။ မနောကံဖြင့် ပြစ်မှားကျုးလွန်မိသည်ရှိသော် ----------------------------------------------- ဩဂုတ်လ ၁၅၊ ၂၀၂၅။ သောင်ရင်းသတင်းလွှာ ခေတ်ကြီးက ပြောင်းလဲတိုးတက်လာပြီး နည်းပညာတွေ ပိုပိုအဆင့်မြင့်လာတဲ့အခါ ကျနော်တို့ ဘာတွေ စိတ်ကူးနေသလဲဆိုတာကအစ AI က သိနိုင်လာမှာလားလို့ စိုးရိမ်စရာဖြစ်လာနေပါတယ်။ တခါတလေ ကျနော်တို့စိတ်ထဲမှာ အကင်ကောင်းကောင်းလေးရတဲ့ ဟော့ပေါ့ဆိုင်မှာ ထိုင်ရရင်ကောင်းမယ်လို့ တွေးမိနေတုန်းပဲရှိသေး ကျနော်တို့အသုံးပြုနေတဲ့ ဆိုရှယ်မီဒီယာမှာ ဟော့ပေါ့ဆိုင်နဲ့အကင်ဆိုင်ကြော်ငြာပေ့ချ်တွေ တက်လာမျိုးကို သတိထားမိမှာပါ။ လက်ရှိကိုယ်နေတဲ့အိမ်က ဌားရမ်းခကြီးမြင့်ပြီး အပိုင်မဟုတ်တဲ့အတွက် ဘဝမှာ အိမ်ပိုင်ယာပိုင်လေး လိုချင်တဲ့အကြောင်း ငြီးငြူမိရင်တောင် အိမ်ခြံမြေအရောင်းပို့စ်တွေ တက်လာတာမျိုးလေ။ ဒါကို တိုက်တိုက်ဆိုင်ဆိုင်ဖြစ်ရပ်တွေလို့ ယူဆလို့မရပါဘူး။ကျနော်တို့သုံးစွဲတဲ့ မိုဘိုင်းဖုန်းတွေမှာ တပ်ဆင်ထားတဲ့ စပိုင်ဝဲလ်တွေကြောင့် ကျနော်တို့ဟာ…

စစ်အာဏာရှင်စနစ် ရှိနေသေးသရွေ့ လူမျိုးစုတွေအပေါ် မှန်မှန်ကန်ကန် ဆက်ဆံမှာမဟုတ်သလို လူမျိုးစုဖြစ်ခြင်းကိစ္စအပေါ် အကြောင်းပြုပြီး ပုံစံမျိုးစုံနဲ့ နှိပ်ကွပ်မှုတွေရှိလာမှာပဲဖြစ်တယ်။ ရခိုင်ကမ်းလွန်က ထွက်ရှိတဲ့ သဘာဝဓာတ်ငွေ့အတွက် တလ တလကို ဒေါ်လာသန်းချီပြီးဝင်ငွေရနေပေမယ့် ရခိုင်ရွာတွေကို လျှပ်စစ်မီးတောင် မပေးထားတာကို တွေ့ရပါတယ်။ ကျနော်တို့ ကျောက်ဖြူ မဒေးကျွန်းရောက်တုန်းကလည်း တရုတ်ပိုင် ရေနံနဲ့သဘာဝဓာတ်ငွေ့စက်ရုံဘေးက ရွာကလေးမှာ ပညာသင်ရတဲ့ ကလေးတွေအတွက် မူလတန်းကျောင်းတောင် ခိုင်ခိုင်မာမာ မတည်ဆောက်ပေးထားတာကို မျက်စိနဲ့တပ်အပ်မြင်ခဲ့ရပါတယ်။ တောထဲက ယာစောင့်တဲကမှ အဲ့ဒီစာသင်ကျောင်းထက်ပိုပြီး လုံခြုံတောင့်တင်းနေသေးတယ်လို့ ပြောရမှာပါ။ စီးပွားရေးအရင်းအမြစ်မှန်သမျှကို စစ်အုပ်စုက လက်ဝါးကြီးအုပ်ထားတဲ့အတွက် ပြည်သူတွေ ဆင်းရဲမွဲတေနေတယ်လို သေသေချာချာ အခိုင်အမာ နားလည်သဘောပေါက်ရင် ရခိုင်အပါအဝင် နေရာတိုင်းမှာ လူမျိုးစုပြဿနာတင်မကဘဲ လူတန်းစားပြဿနာပါရှိနေတယ်ဆိုတာ သိနိုင်ပါလိမ့်မယ်။ စစ်အုပ်စုကိုဖြုတ်ချတဲ့နေရာမှာ လူမျိုးစုတော်လှန်ရေးအဖွဲ့တွေက လူမျိုးစုအလံလွှင့်ပြီး တော်လှန်နေတာဟာ တစိတ်တဒေသအားဖြင့် မှန်ကန်တယ်၊တရားမျှတတယ်၊လက်တွေကျတယ်။ဘာလို့လည်းဆိုရင် ဒီစစ်တပ်ဟာ လူမျိုးကြီးဝါဒလက္ခဏာဆောင်နေလို့ပဲဖြစ်တယ်။ ဩဂုတ်လ ၁၆၊ ၂၀၂၅ သောင်ရင်းသတင်းလွှာ --------------------------------- စစ်တွေဆန်အရေးအခင်းမှသည် တပြည်လုံးအတိုင်းအတာ တော်လှန်ရေးအလှည့်အပြောင်းဆီသို့ ၁၃ သြဂတ်စ် မမေ့အပ် ဒီကနေ့ဟာ စစ်တွေဆန်အရေးအခင်းဖြစ်ပွားခဲ့တဲ့ နှစ်ပတ်လည်နေ့ဖြစ်ပါတယ်။ ၁၉၆၇ သြဂတ်စ် ၁၃ ရက်နေ့မှာ ဗိုလ်နေဝင်းစစ်အုပ်စုက စစ်တွေမြို့မှာ အေးချမ်းစွာ ဆန္ဒပြနေတဲ့ ရခိုင်လူမျိုး ပြည်သူ(၂၀၀)ကျော်ကို ရက်ရက်စက်စက် ပစ်ခတ်နှိမ်နင်းခဲ့တဲ့နေ့ဖြစ်တယ်။ ရာသီဥတုဆိုးဝါးတဲ့နှစ်တနှစ်ဖြစ်လို့ ရခိုင်တပြည်လုံးမှာ ဆန်စပါးအထွက်နည်းပြီး စားနပ်ရိက္ခာရှားပါးခဲ့ပါတယ်။ ထွက်သမျှ ဆန်တွေကို ဗိုလ်နေဝင်းက နိုင်ငံခြားတင်ပို့ဖို့ အတင်းသိမ်းဆည်းပြီး စစ်တွေက ဆန်ဂိုဒေါင်တွေမှာ သိုလှောင်ထားပါတယ်။ ထမင်းမစားရတဲ့ရခိုင်ပြည်သူတွေက "ပြုတ်ဆန်မစား ရခိုင်သား" " ဆန်ကွဲမစား…

၁၉၉၂ ခုနှစ်တွင် အာဏာရခဲ့သော ဗိုလ်ချုပ်မှူးကြီး သန်းရွှေနှင့် ၎င်း၏ ရှေ့မှနောင်တော် ဗိုလ်ချုပ်ကြီး စောမောင်တို့ လက်ထက်တွင် မြန်မာနိုင်ငံသည် လူ့အခွင့်အရေး မှတ်တမ်းဆိုးများကြောင့် နိုင်ငံတကာ အသိုက်အဝန်းနှင့် အထီးကျန် ဖြစ်ခဲ့ရသည်။ ၁၉၈၈ ခုနှစ် နဝတ ဖွဲ့စည်းပြီး နိုင်ငံတော်အာဏာကို လွှဲပြောင်းရယူချိန်တွင် ထောင်နှင့်ချီတဲ့ ဒီမိုကရေစီလိုလားသော ဆန္ဒပြသူများ ပစ်သတ်ခံခဲ့ရသည်။၎င်း၏အမည်သစ်ရှိသော်လည်း၊ အနောက်နိုင်ငံများက ပိတ်ဆို့အရေးယူမှုများနှင့် သပိတ်မှောက်မှုများ စတင်ပြုလုပ်နေချိန်တွင် တရုတ်နိုင်ငံသည် ၎င်း၏တစ်ခုတည်းသော နိုင်ငံခြားမိတ်ဆွေဖြစ်ခဲ့ပြီး စစ်အစိုးရက ယခင်အတိုင်းပင်ဖိနှိပ်ချုပ်ချယ်ထားဆဲဖြစ်သည်။ သို့သော် တရုတ်အပေါ် မှီခိုအားထားမှုကြောင့်တရုတ်ကအလွန်အမင်းသြဇာ လွှမ်းမိုးလာကာ ၎င်းနှင့် ပတ်သက်၍ တစ်စုံတစ်ရာ လုပ်ဆောင်ရမည်ဟု ဗိုလ်ချုပ်မှူးကြီးသန်းရွှေက သဘောပေါက်ခဲ့သည်။ ပြင်ပကမ္ဘာက အတုအယောင်မသမာမှုအဖြစ် ပယ်ချခဲ့သော ပြည်လုံးကျွတ်ဆန္ဒခံယူပွဲအပြီး ၂၀၀၈ ခုနှစ်တွင် ရေးဆွဲခဲ့သော ဖွဲ့စည်းပုံ အခြေခံဥပဒေသစ်ကို အတည်ပြုခဲ့သည်။ ၂၀၁၀ ခုနှစ် နိုဝင်ဘာလတွင် အထွေထွေ ရွေးကောက်ပွဲ ကျင်းပခဲ့ပြီး စစ်တပ်၏ ကိုယ်ပိုင် ပါတီဖြစ်သည့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (USDP) က အပြတ်အသတ် အနိုင်ရခဲ့သည်။ ထိုအချိန်က အသက် ၇၈ နှစ်ရှိပြီဖြစ်သောသန်းရွှေသည် အငြိမ်းစားယူဖို့ အဆင်သင့်ဖြစ်နေပြီဖြစ်သော်လည်းဗိုလ်ချုပ်ကြီးနေဝင်းနှင့်ဗိုလ်ချုပ်မှူးကြီးစောမောင်တို့ကဲ့သို့အရှက်တကွဲအဖြစ်မျိုးကိုသူကမကြုံစေချင်ပါ၊ဦးနေဝင်းသည် ၁၉၆၂ ခုနှစ်မှ ၁၉၈၈ ခုနှစ်အထိ အုပ်ချုပ်ခဲ့ပြီး ၂၀၀၂ ဒီဇင်ဘာတွင် ကွယ်လွန်ခဲ့သည်။ ဇွန်လ ၈၊ ၂၀၂၅။ သောင်ရင်းသတင်းလွှာ ဒီမိုကရေစီလိုလားသော အင်အားစုများအတွက် သူသည် ၎င်း၏ ၂၀၂၁ ခုနှစ် ဖေဖော်ဝါရီလ အာဏာသိမ်းမှုကို ဆန့်ကျင်သူများကို ဖမ်းဆီးထောင်ချသည့်…

သူ့တို့ကို သတ်မှတ်ချက်ခွဲတမ်းမပြည့်မီပါက အစာရေစာ သို့မဟုတ် ရေသန့်အနည်းငယ်သာ ပေးခဲ့ပြီး ရိုက်နှက်ခြင်း သို့မဟုတ် သေဆုံးခြင်းအထိနှိပ်စက် ခြိမ်းခြောက်ခံရသည်ဟု ထွက်ပြေးလွတ်မြောက်လာသည့် အလုပ်သမားများက ပြောသည်။ ထိုင်းနိုင်ငံမြောက်ပိုင်းမှ အထည်ဆိုင်ပိုင်ရှင်ဖြစ်သူ အသက် ၄၂ နှစ်အရွယ် Palit အတွက်တော့ ငွေလိမ်အလုပ်ရုံတစ်ခုအတွင်းခြောက်လကြာ ထိန်းသိမ်းထားစဉ်မှာလျှပ်စစ်ကျဥ်စက်ဖြင့်မကြာခဏနှိပ်စက်ခြင်းခံခဲ့ရသည်။ သူသည် တောင်ကိုရီးယားတွင် လစာမြင့်မားသော စီမံခန့်ခွဲရေးအလုပ်တစ်ခုလုပ်ရမည်ဟုကတိပြုထားခဲ့သော်လည်း တကယ်တော့မြန်မာနိုင်ငံမြဝတီမြို့သို့ပို့ဆောင်ခြင်းခံခဲ့ရသည်။ သူ့ကိုယ်တွင်းအင်္ဂါများအတွက်လူကုန်ကူးခံရမည်ကို ကြောက်နေခဲ့ရပြီး ယင်းတို့ကို ထိန်းထားနိုင်သည်ဆိုသည်ကို သိလိုက်ရသဖြင့် သက်သာရာရခဲ့သည်ဟုသူက ပြောသည်။ ယင်းအစား အွန်လိုင်းလိမ်လည်မှုအတွက် လူအများဆက်ဆံရေးအတွက်အနည်းဆုံး လူငါးဦးနှင့် ထိတွေ့ရန် အတုအယောင် ပရိုဖိုင်များ ဖန်တီးရာ၌ အချိန်ကုန်ခဲ့ရသည်။ "Baby ကျေးဇူးပြုပြီး ဒီမှာ ရင်းနှီးမြုပ်နှံလိုက်ပါ၊ မင်းအမြတ်အစွန်းကောင်းတွေ ရလိမ့်မယ်လို့ကျနော်ကပစ်မှတ်တွေကိုပြောဆိုသိမ်းသွင်းခဲ့ရပါတယ်"ဟုသူ့ပထမအမည်ကို ထုတ်ဖော်မပြောကြားလိုသောMr Palit ကဆက်လက်ပြောဆိုသည်။ အဓမ္မစေခိုင်းခြင်းခံကြရသူများကြားတွင် လူသိများသော Mr Jaruwat ၏ ကိုယ်ရေးကိုယ်တာ Facebook သို့ မက်ဆေ့ချ်များဖြင့် နေ့စဉ် လူသစ်လေးဦးသည် MrPalit ၏ အကူအညီတောင်းခံသကဲ့သို့ ယင်းတို့၏ဇာတ်လမ်းများကို မျှဝေကြသည်။ နယ်စပ်ဖြတ်ကျော်လူကုန်ကူးမှု ကယ်ဆယ်ရေး၏ သဘောသဘာဝအရနေရပ်ပြန်ပို့ရေး လုပ်ငန်းစဉ်သည်ခက်ခဲ နှေးကွေးစေသည်ဟု အသက်ရှင်ကျန်ရစ်သူများကို ပံ့ပိုးပေးသည့် Acts of Mercy International မှ အရှေ့တောင်အာရှ ဒေသဆိုင်ရာ ဒါရိုက်တာ Amy Milket က ပြောကြားသည်။ “သူတို့က စောင့်ဆိုင်းနေရချိန်နဲ့ ပတ်သက်ပြီး ညည်းညူနေကြတယ်” ဟု သူက ဆိုသည်။ “ဆေးမကုရဘဲ နေမကောင်းဖြစ်နေတဲ့သူတွေ ရှိတယ်"ဟုသူကဆက်ပြောသည်။ "မီးတောင်ကပေါက်ကွဲဖို့ အဆင်သင့်ဖြစ်နေပြီ"ဟုလည်းသူကဆက်ပြောသည်။ ဒုက္ခသည်များစွာအတွက်…

တာ့ခ်ခရိုင်ရှိ လူမှုဖွံ့ဖြိုးတိုးတက်ရေးနှင့် လူသားလုံခြုံရေး ဝန်ကြီးဌာနမှ စိစစ်ပြီးနောက် လူကုန်ကူးခံရသူ ၂၅၈ ဦးကို တရားဝင် ဖော်ထုတ်နိုင်ခဲ့သည်။ ယင်းနောက် ၂၀၂၅ ခုနှစ် ဖေဖော်ဝါရီလ ၁၉ ရက်နေ့တွင် ထိုင်းအစိုးရသည် မြန်မာနှင့် တရုတ်နိုင်ငံတို့ ပူးပေါင်းဆောင်ရွက်သည့် သုံးနိုင်ငံမူဝါဒသစ်ကို မိတ်ဆက်ခဲ့သည်။ ဤမူဘောင်အရ မြန်မာနိုင်ငံသို့ တရားမဝင် လုပ်ငန်းများတွင် အလုပ်လုပ်ကိုင်ရန် လူကုန်ကူးခံရသည့် နိုင်ငံခြားသားများကို တရားဝင် မြန်မာလမ်းကြောင်းများမှ တဆင့် ပြန်လည်ပို့ဆောင်ရမည်ဖြစ်သည်။ ၎င်းတို့၏ သက်ဆိုင်ရာ သံရုံးများသည် ထိုင်းနှင့် မြန်မာ အာဏာပိုင်များနှင့် ပူးပေါင်း၍ နေရပ်ပြန်နိုင်ရေး စီစဉ်ပေးရမည်။ အဆိုပါ ပုဂ္ဂိုလ်များသည် ထိုင်းနိုင်ငံသို့ ရောက်ရှိလာသည်နှင့် ၎င်းတို့သည် ၂၄ နာရီအတွင်း နိုင်ငံတွင်းမှ ထွက်ခွာရန် လိုအပ်သည်။ အထူးသဖြင့် ထိုင်းနိုင်ငံရှိ သံတမန်တာဝန်များကို ထမ်းဆောင်ခြင်းမရှိသော နိုင်ငံများ၏ သံရုံးများနှင့် ဆက်ဆံရာတွင် ထိုင်းနိုင်ငံခြားရေး ဝန်ကြီးဌာနနှင့် မြန်မာအာဏာပိုင်များအကြား ထိရောက်သော ညှိနှိုင်းဆောင်ရွက်မှု အားနည်းခြင်းကြောင့် ပြည်ပလူကုန်ကူးခံရသူများ နေရပ်ပြန်ရေးတွင် နှောင့်နှေးမှုနှင့် မရေရာမှုများ ဖြစ်ပေါ်စေခဲ့သည်။ မေလ ၂၈၊ ၂၀၂၅။ သောင်ရင်းသတင်းလွှာ လူကုန်ကူးခံရသူများအား ကူညီဆောင်ရွက်ပေးနေသည့် အရပ်ဘက်လူမှုအဖွဲ့အစည်းများကွန်ရက်မှ ညှိနှိုင်းရေးမှူး ခရစ်တီယာ က ၂၀၂၅ ခုနှစ် မေလ ၂၄ ရက်နေ့တွင် ထိုင်းနိုင်ငံ အမျိုးသားလူ့အခွင့်အရေးကော်မရှင်ထံ စာတင်ခဲ့ကြောင်း ထုတ်ဖော်ပြောကြားခဲ့သည်။ မြန်မာနိုင်ငံ မြဝတီ ဒေသရှိ ဒီမိုကရေစီ အကျိုးပြု ကရင် တပ်မတော် (DKBA) ထိန်းချုပ်ရာ နယ်မြေများတွင် လက်ရှိ…