သတင်း

အင်အားပြင်းငလျင်လှုပ်ခတ်မှုဘေးသင့်နေချိန် အကြမ်းဖက်စစ်အုပ်စုက အရပ်သားပြည်သူများအပေါ် လေကြောင်းနှင့် လက်နက်ကြီးများဖြင့်တိုက်ခိုက်မှုအခြေအနေ ———————————————————————— ၂၀၂၅ ခုနှစ် ၊ မတ်လ (၂၈) ရက်နေ့တွင် ဖြစ်ပွားခဲ့သော အင်အားအလွန်ပြင်းထန်သည့် မြေငလျင်ဘေးဒဏ်ကို ကြုံတွေ့နေရပြီးနောက်ပိုင်း တပတ်အတွင်း အကြမ်းဖက်စစ်အုပ်စု သည် လေကြောင်း နှင့် လက်နက်ကြီးဖြင့် တိုက်ခိုက်မှုစုစုပေါင်း (၉၂)ကြိမ် ပြုလုပ်ခဲ့ရာ အသက် ၁၈ နှစ်အောက်ကလေးငယ် (၆) ဦး၊ အမျိုးသမီး အယောက်(၃၀)အပါအဝင် အရပ်သားပြည်သူ (၇၂) ဦး အသက်ဆုံးရှုံးခဲ့ရသည်။ (more…)

ဧပြီလ ၉၊ ၂၀၂၅။ သောင်ရင်းသတင်းလွှာ ချင်းပြည်နယ်၊ ဒုတိယမြို့တော်ဖြစ်တဲ့ ဖလမ်းမြို့ကို အလုံးစုံထိုးစစ်ဆင်တိုက်ခိုက်ပြီး မြို့ကိုအပြီးသတ်သိမ်းပိုက်ကာ စစ်ကောင်စီကင်းစင်နယ်မြေဖြစ်သွားပြီလို့ ချင်းညီနောင်စစ်ဆင်ရေးအဖွဲ့က တရားဝင်ထုတ်ပြန်လိုက်ပြီဖြစ်ပါတယ်။ (more…)

ဧပြီလ ၈၊ ၂၀၂၅။ သောင်ရင်းသတင်းလွှာ အမေရိကန်၏စည်းကြပ်ခွန်များသည်သေဆုံးသူ ၃၆၀၀ အထိ တိုးလာ သည့်ငလျင်လှုပ်ခတ်မှုကြောင့် နိုင်ငံ၏ ပြန်လည်နာလန်ထူလာရေးကိုခြိမ်းခြေက်နေသည်ဟုမြန်မာ့အထည်ချုပ်လုပ်ငန်းရှင်များက သတိပေးထားသည်ဟု AFP သတင်းကဧပြီ ၈ရက်တွင်ဖော်ပြသည်။ သမ္မတဒေါ်နယ်ထရန့်၏ စည်းကြပ်ခွန်ကောက်ခံမှုသည် ပြီးခဲ့သောလက လှုပ်ခတ်ခဲ့သောငလျင်ကြောင့် အိမ်များ၊ စာသင်ကျောင်းများနှင့် ဘုန်းတော်ကြီးကျောင်း ထောင်ပေါင်းများစွာကို ပြိုကျပျက်စီးခဲ့ရပြီး မြန်မာနိုင်ငံမှသွင်းကုန်များအပေါ်အမေရိကန်ကအခွန် ၄၄ ရာခိုင်နှုန်း ကောက်ခံမည်ဖြစ်သည်။ မတ်လ ၂၈ ရက်နေ့ညနေပိုင်းက လှုပ်ခတ်ခဲ့တဲ့ ငလျင်ကြောင့် သေဆုံးသူ ၃၆၀၀ ရှိပြီး လူပေါင်း ၅၀၁၇ ဦး ဒဏ်ရာရရှိခဲ့ပြီး ၁၆၀ ဦး ပျောက်ဆုံးနေသည်ဟုစစ်အစိုးရ ပြောရေးဆိုခွင့်ရှိသူ ဇော်မင်းထွန်းက ပြောသည်။ မြန်မာနိုင်ငံအထည်ချုပ်လုပ်ငန်းရှင်များအသင်း (MGMA) မှ ဧပြီ၉ရက်နေ့မှ စတင်အသက်ဝင်မည့် အခွန်အကောက်များသည် လူပေါင်း ၅၀၀,၀၀၀ ကျော်ကို အလုပ်ခန့်ထားသည့် လုပ်ငန်းများတွင် “အလွန်စိုးရိမ်စရာများ” ဖြစ်စေသည်ဟု ဆိုသည်။ “မြန်မာနိုင်ငံ၏ လက်ရှိစိန်ခေါ်မှုအခြေအနေများကြားတွင် အခွန်စည်းကြပ်မှုအသစ်များသည် ရုန်းရင်းဆန်ခတ်ဖြစ်နေသော မြန်မာစီးပွားရေးလုပ်ငန်းများ၏ အားနည်းချက်ကို တိုးမြင့်လာစေလိမ့်မည်” ဟု အဆိုပါအဖွဲ့မှ ဧပြီ ၇ရက်နေ့ညနေပိုင်းတွင် ထုတ်ပြန်ခဲ့သည်။ မကြာသေးမီက လှုပ်ခတ်ခဲ့သော ငလျင်သည် မြန်မာစီးပွားရေးလုပ်ငန်းများနှင့် လူမှုအသိုက်အဝန်းများနှင့် ရင်ဆိုင်ရသည့် စိန်ခေါ်မှုများစွာကို ပိုမိုဆိုးရွားစေလိမ့်မည်” ဟု ၎င်းကဆိုသည်။ (more…)

ဧပြီလ ၈၊ ၂၀၂၅။ သောင်ရင်းသတင်းလွှာ ထိုင်းနိုင်ငံ မြောက်ပိုင်း မယ်ဟောင်ဆောင်ခရိုင်ရှိ ရွာငယ်တစ်ရွာတွင် မတ်လ ၂၈ ရက်က မြန်မာနိုင်ငံတွင်လှုပ်ခတ်ခဲ့သော ငလျင်ကြီးကြောင့် တွင်း ၆ တွင်း ထွက်ပေါ်လာခဲ့သည်ဟု The Strait Times သတင်းက ဧပြီ ၈ရက်တွင်ဖော်ပြသည်။ ခွန်ယွမ်မြို့ဘန်မဲဆူရင်ကျေးရွာတွင် တွေ့ရှိရသည့်တွင်းများသည် အချင်း ၂ မီတာမှ ၃၀ မီတာအထိ ရှိသည်။ ၎င်းတို့သည် လှုပ်ရှားနေသော မယ်ဟောင်ဆောင်ပြတ်ရွေ့ကြောတစ်လျှောက် မြောက်-တောင်ဘက်သို့ အစုလိုက်အပြုံလိုက်ဖြစ်နေကြောင်း အာဏာပိုင်များက သတင်းထုတ်ပြန်ခဲ့သည်။ (more…)

ဧပြီလ ၈၊ ၂၀၂၅။ သောင်ရင်းသတင်းလွှာ မတ် ၂၈ ရက်က မြန်မာနိုင်ငံတွင် ရစ်ခ်ျတာစကေး ၇ ဒသမ ၇ အဆင့်ရှိ ငလျင်လှုပ်ခတ်ခဲ့ပြီး မြန်မာနိုင်ငံတွင် အပြင်းထန်ဆုံးအဖြစ် မှတ်တမ်းဝင်ခဲ့သည်။ လူပေါင်း ၃၀၀၀ ကျော် အသက်ဆုံးရှုံးခဲ့ပြီး ထောင်ပေါင်းများစွာ ဒဏ်ရာရ၊ ပျောက်ဆုံး သို့မဟုတ် အိုးမဲ့အိမ်မဲ့ ဖြစ်ခဲ့ရသည်။ အိမ်ခြေ ၈၅ ရာခိုင်နှုန်းခန့် ပျက်စီးဆုံးရှုံးခဲ့သည်။မုတ်သုန်ရာသီ နီးကပ်လာသည်နှင့်အမျှ အရေးပေါ်အခြေအနေသည် ပို၍ကြီးမားလာကာ ပျက်သုဉ်းနေပြီဖြစ်သော အသက်ရှင်ကျန်ရစ်သူများဒုက္ခပိုမိုရောက်ရှိရန် ခြိမ်းခြောက်နေသည်။ ဤမျှကြီးမားသော ပျက်စီးဆုံးရှုံးမှုကို ရင်ဆိုင်ရသောအခါတွင် လူသားချင်းစာနာထောက်ထားမှုဆိုင်ရာ ပေါင်းစပ်ညှိနှိုင်းမှုဖြင့် တုံ့ပြန်မှုကို မျှော်လင့်နိုင်မည်ဖြစ်သည်။ သို့သော်လည်း မြန်မာစစ်အစိုးရသည် ဤသဘာဝဘေးအန္တရာယ်ကို ဖိနှိပ်ချုပ်ချယ်မှုတွင် အခြားမျက်နှာစာအဖြစ် ပြောင်းလဲပေးခဲ့သည်။ ငလျင်ဒဏ်ခံရသော ဇုန်များတွင်ပင် စစ်အစိုးရက ကယ်ဆယ်ရေးလုပ်ငန်းများကို အဟန့်အတားဖြစ်စေသည့် ညမထွက်ရအမိန့်များ ချမှတ်ထားကြောင်း အစီရင်ခံစာများက ဖော်ပြသည်။ နိုင်ငံခြားအစိုးရများသည် အရေးပေါ်ရန်ပုံငွေ၊ ကယ်ဆယ်ရေးအဖွဲ့များနှင့် အသက်ကယ်ထောက်ပံ့ရေးပစ္စည်းများမှတစ်ဆင့် ပံ့ပိုးကူညီမှုများ တိုးမြှင့်ဆောင်ရွက်နေသော်လည်း အဆိုပါ ကြိုးပမ်းမှုများကိုမြန်မာစစ်တပ်က တင်းကျပ်စွာ ချုပ်ကိုင်ထားသည်။ မြန်မာနိုင်ငံ၏ အမှောင်မိုက်ဆုံးအချိန်များတွင် ၎င်းသည် ၂၀၀၈ ခုနှစ် နာဂစ်ဆိုင်ကလုန်းမုန်တိုင်း၊COVID-19 ကပ်ရောဂါ နှင့် ၂၀၂၀ နှင့် ၂၀၂၃ ခုနှစ်ကြားတွင် မြင်တွေ့ခဲ့ရသည့်အတိုင်း ပြည်တွင်း အရပ်ဘက်လူမှုအဖွဲ့အစည်းများ၊ တိုင်းရင်းသား အဖွဲ့အစည်းများနှင့် ဘာသာရေးအဖွဲ့အစည်းများ မကြာခဏ ပါဝင်ကူညီခဲ့ကြသည်။ ယနေ့တွင်၊ ၎င်းတို့သည် စိတ်ပျက်အားငယ်နေသော လူမှုအသိုင်းအဝိုင်းများအတွက် ယုံကြည်စိတ်ချရသော ကယ်ဆယ်ရေးအရင်းအမြစ်အနည်းငယ်ထဲမှ တစ်ဖန်ဖြစ်လာပါသည်။ (more…)

ဧပြီလ ၈၊ ၂၀၂၅။ သောင်ရင်းသတင်းလွှာ မြန်မာနိုင်ငံမှ ထိုင်းနိုင်ငံထဲသို့တရားမဝင် ခိုးဝင်လာသည့် အွန်လိုင်းငွေ လိမ်ဂိုဏ်းများတွင်လုပ်ကိုင်နေသောတရုတ်နိုင်ငံသား ၇ ဦးကိုမဲဆောက်မြို့တွင် ဖမ်းဆီးလိုက်ကြောင်း Khaosod သတင်းကမတ်လ ၈ရက်တွင်ဖော်ပြသည်။ လျှပ်စစ်မီးနှင့် လေအေးပေးစက်များ ပြတ်တောက်ပြီးနောက် သည်းမခံနိုင်သည့် အခြေအနေများ ဖြစ်ပေါ်လာချိန်တွင် ကရင်ပြည်နယ် မြဝတီမြို့ရှိ အသက် ၁၈ နှစ်မှ ၂၈ နှစ်ကြား အလုပ်သမားများသည် ၎င်းတို့၏ လုပ်ငန်းခွင်မှ ထွက်ပြေးခဲ့ကြသည်။ တာ့ခရိုင် မဲဆောက်မြို့ ဘန်ရိုင်ဒွန်ချိုင်းအနီး တောအုပ်တစ်ခုတွင် သံသယရှိသူများကို ရတ်ချမန်နု အထူးတပ်ဖွဲ့က ဧပြီ ၇ ရက်က ဖမ်းဆီးခဲ့သည်။ ပတ်စပို့ သို့မဟုတ် သက်သေခံစာရွက်စာတမ်းများ ကိုင်ဆောင်ထားခြင်းမရှိသဖြင့်ထိုင်းနိုင်ငံအတွင်းသို့ တရားမဝင် ဝင်ရောက်မှုဖြင့် အရေးယူနိုင်ရန် တာ့ခ်လူဝင်မှုကြီးကြပ်ရေး ရဲတပ်ဖွဲ့သို့ လွှဲပြောင်းပေးခဲ့သည်။

ဧပြီလ ၆၊ ၂၀၂၅။ သောင်ရင်းသတင်းလွှာ ဖက်ဒရယ်ဒီမိုကရေစီပြည်ထောင်စု ထူထောင်ရန် မြန်မာစစ်အစိုးရကို ဆန့်ကျင်နေသည့် မြန်မာပြည်သူများက ယူကရိန်းနိုင်ငံကို ရုရှားကျူးကျော်ဝင်ရောက်ချိန်မှစ၍ ယူကရိန်းပြည်သူများနှင့် စည်းလုံးညီညွတ်ကြောင်း ဖော်ပြခဲ့ကြသည်။ မြန်မာနိုင်ငံသည် ၁၉၆၂ ခုနှစ်ကတည်းက စစ်အာဏာရှင်စနစ်အောက်တွင် ရှိခဲ့ပြီး ၁၉၈၈ ခုနှစ်နောက်ပိုင်းတွင် တရုတ်လိုလားသော ရုရှားလိုလားသော မူဝါဒများ ပြင်းထန်လာကာ အနောက်တိုင်းနယ်ချဲ့ဆန့်ကျင်ရေး စံနှုန်းများဖြင့် တွန်းအားပေးခဲ့သည်။ ထို့ကြောင့် တရုတ်ကွန်မြူနစ်ပါတီနှင့် ရုရှားအစိုးရတို့သည် ၎င်းတို့၏ မျှဝေထားသော အာဏာရှင်လက္ခဏာများနှင့် တိုင်းရင်းသားလူနည်းစုများအပေါ် ဖိနှိပ်မှုသမိုင်းကြောင့် မြန်မာစစ်အစိုးရ၏ ဗျူဟာမြောက်မဟာမိတ်များအဖြစ် လူအများက ထင်မြင်ကြသည်။ (more…)