သတင်း

စက်တင်ဘာ ၂၊ ၂၀၂၅။ သောင်ရင်းသတင်းလွှာ - မြစ်ကမ်းပါးရေလျှံ/ရေနစ်မြုပ်မှုဖြစ်ပွားနိုင်တဲ့နေရာတွေကတော်ဥတရာဒစ်၊ တာ့ခ် ပက်ချာဘွန်နဲ့ Loei ပြည်နယ်တွေဖြစ်ပါတယ်။ - လျှပ်တစ်ပြက်ရေကြီး/ရေတိုရေလျှံမှု- ထရတ် နဲ့ရနောင်းတို့ဖြစ်ပါတယ်။ -မြစ်ရေလျှံမှု/ ရေနစ်မြုပ်မှုဖြစ်ပွားနိုင်တဲ့နေရာတွေကတော့ ဆူခိုထိုင်း၊ ဖိစနုလို့၊ ဖီချစ်၊ ပက်ချာဘွန်၊ Loei၊ နောင်ဘွားလမ်ဖူ၊ ဥဒုံတာနီ၊နခွန်ဖနုမ်၊ ခွန်ကနိ၊ မဟာဆရကန်၊ မတ်ဒဟန်၊ရိုင်အက်၊အန်သောင်၊ ဖရာနခွန်ဆီ အယုဒ္ဓိယတို့ဖြစ်ပါတယ်။ - လှိုင်းကြီးပြီး လေပြင်းများနိုင်တဲ့နေရာတွေကတော့ ရနောင်း၊ ဖန်င၊ ဖူးခက်တို့ဖြစ်ပါတယ်။ (more…)

စက်တင်ဘာ ၂၊ ၂၀၂၅။ သောင်ရင်းသတင်းလွှာ တာ့ခ်ခရိုင် မဲဆောက်စစ်ဆေးရေးဂိတ်မှာ တင်းကျပ်တဲ့ သွင်းကုန်ထိန်းချုပ်မှုတွေကြောင့် ထိုင်းဆန်တင်ပို့သူတွေက ရနောင်းနဲ့ မယ်ဆိုင်စစ်ဆေးရေးဂိတ်တွေဆီ လမ်းကြောင်းပြောင်းတင်ပို့ဖို့ အကြံပြုထားတယ်လို့ ဘန်ကောက်ပို့စ်ကစက်တင်ဘာ ၂ရက်မှာဖော်ပြပါတယ်။ မြဝတီ-မဲဆောက်နယ်စပ်နဲ့ထိုင်း-မြန်မာ ချစ်ကြည်ရေးတံတား ၂ တို့ကို သြဂုတ် ၁၈ ရက်က ပိတ်လိုက်တာကြောင့် မြန်မာနိုင်ငံကိုထိုင်းဆန်တင်ပို့မှု ထိခိုက်ခဲ့ပါတယ်။ မြန်မာနိုင်ငံ သွင်းကုန်လိုင်စင်နဲ့ ပတ်သက်ပြီး အကောင်အထည်ဖော်မှု ဖြေလျှော့နိုင်ရေးအတွက် ထိုင်းနိုင်ငံဆိုင်ရာ မြန်မာသံအမတ်ကြီး ဦးဇော်ဇော်စိုးနဲ့ စီးပွားရေးနဲ့ကူးသန်းရောင်းဝယ်ရေး ဝန်ကြီးဌာနတို့ကကိုယ်စားလှယ်တွေတွေ့ဆုံဆွေးနွေးခဲ့တယ်လို့နိုင်ငံခြားကုန်သွယ်မှု ဦးစီးဌာန ညွှန်ကြားရေးမှူးချုပ် မစ္စအာရာဒါ ဖူတုံက ပြောပါတယ်။ ထိုင်း-မြန်မာ ချစ်ကြည်ရေးတံတား (၂) ကို အသုံးပြုရန် စီစဉ်နေတဲ့ ထိုင်းဆန်တင်ပို့သူတွေကို မြန်မာနိုင်ငံ အာဏာပိုင်တွေက ၎င်းတို့ရဲ့ကုန်ပစ္စည်းတွေကို ထိုင်းနိုင်ငံ ရနောင်းဆိပ်ကမ်းကနေ မြန်မာနိုင်ငံကော့သောင်းထိုင်းဆိပ်ကမ်းကိုသို့မဟုတ် မယ်ဆိုင်-တာချီလိတ် နယ်စပ်ဂိတ်ကနေတဆင့် တင်ပို့ကြဖိူ့အကြံပြုထားတယ်လို့သူကက ဆိုပါတယ်။ ပို့ကုန်ဝင်ငွေနည်းဥပဒေတွေကို ပြန်လည်အကဲဖြတ်ဖို့ ထိုင်းနိုင်ငံရဲ့ အဆိုပြုချက်ကို မြန်မာကိုယ်စားလှယ်က လက်ခံခဲ့ပြီး ဒီကိစ္စကို မြန်မာအစိုးရနဲ့ ဆွေးနွေးခဲ့တယ်လို့ဆိုပါတယ်။ (more…)

————————————————————————— စက်တင်ဘာ ၁၊ ၂၀၂၅။ သောင်ရင်းသတင်းလွှာ လူချွန်လူကောင်းသီချင်းကို NDF ပါတီက ၊ ပါတီသီချင်းအနေနဲ့ ယူသုံးမယ်ဆိုတာကို ကိုယ်တွေကတော့ လက်မခံ နိုင်ပါဘူး။ လက်မခံနိုင်တာက၊ဒီသီချင်းက ကိုယ်တွေ ငယ်ငယ်ကထဲက ရင်ဘတ်ထဲမှာ စွဲမြဲခဲ့ပြီး အရမ်းနှစ်သက်ခဲ့ရသလို၊အဲ့ဒီအချိန်တုန်းက လူတွေ အားလုံးရဲ့ပါးစပ်ဖျားမှာ ရေပန်းအစားဆုံး သီချင်းတပုဒ်လဲဖြစ်ခဲ့တာပါ။ တကယ်တော့ ဒီသီချင်းက ဦးနု ခေတ်၊၁၉၅၂ လောက်မှာ ပြည်တော်သာ စည်မံကိန်း အတွက် သီချင်းတွေ ရေးခိုင်းပြီး၊ပြည်‌တော်သာစီမံကိန်း Trademark တခုအဖြစ်သုံးမယ်ဆိုပြီး ပြိုင်ပွဲ လုပ်ခဲ့ရာမှာ ဝင်ရောက်ယှဉ်ပြိုင်ခဲ့ ပြီး အရွေးမခံရတဲ့ သီချင်းတပုဒ်ပါ။ ဦးနု ရဲ့ ကော်မတီက ရွေးချယ်လိုက်တဲ့သီချင်းက ဘယ်သီချင်းမှန်းတောင်မသိလိုက်၊မမှတ်မိ လိုက်ပေမဲ့၊ (လူချွန်လူကောင်းကတော့)အဲ့ဒီပြိုင်ပွဲကြောင့် ပေါ်လာတဲ့ သီချင်းဆိုတာကိုတော့ လူတိုင်းသိကြ သလို ဒီနေ့အထိ လူတိုင်းရဲ့ပါးစပ်ဖျားမှာ တည်ကျန်နေလျှက်ပါ။ ဒီလို အဓိပ္ပါယ်၊အနှစ်သာရ၊ပြည့်ပြီး၊Tune , Malody ကောင်းတဲ့ သီချင်းတပုဒ် က ပြည်သူတွေ အားလုံး ကြိုက်နှစ်သက် နေကြရင်၊ဒီသီချင်းက ပြည်သူပိုင် ပစ္စည်းပါ။သဘောက ပုဂွလိက ပိုင် ၊ အကျိုးစီးပွား တခုခု အတွက် တလွဲအသုံးပြုခွင့် မလုပ်သင့်ပါဘူး။ အဲ့လို အသုံးပြုခွင့်ပေး လိုက်ခြင်းဟာ၊ အောက်တန်းစား ဆန်ခြင်းသာဖြစ်ပါတယ်။ (more…)

ဩဂုတ်လ ၃၀၊ ၂၀၂၅။ သောင်ရင်းသတင်းလွှာ မိုးသည်းထန်စွာရွာသွန်းမှုကြောင့် လာအို၊ တရုတ်နှင့် ထိုင်းနိုင်ငံတို့ နဲ့နယ်နိမိတ်ချင်းထိစပ်နေတဲ့မြန်မာနိုင်ငံ ရှမ်းပြည်နယ်ရှိ နေရာအနှံ့အပြားတွမှာ မရေကြီးရေလျှံမှုတွေနဲ့ မြေပြိုမှုတွေကြောင့် အနည်းဆုံး လူနှစ်ဦးသေဆုံးပြီး တစ်ဒါဇင်ကျော် ဒဏ်ရာရရှိသလ်ု ရာနဲ့ချီပြီး နေရပ်စွန့်ခွာ ထွက်ပြေးခဲ့ရတယ်လို့ UCA News စာမျက်နှာကသြဂုတ် ၃၀ရက်မှာဖော်ပြပါတယ်။ ပင်လောင်းမြို့နယ် ဧဒင်ကျေးရွာမှာရေနစ်မြုပ်မှုကြောင့် အိမ်ခြေ ၁၀၀ ကျော် ပျက်စီးဆုံးရှုံးခဲ့တယ်လို့ကက်သလစ်အသင်းတော် တာဝန်ရှိသူတစ်ဦးရဲ့ပြောကြားချက်အရ သိရပါနယ်။ ဧဒင်မှာ နေထိုင်သူ ၈၀၀ ခန့်မှာ အများစုဟာ ဖယ်ခုန်မြို့ရှိ မြင့်မြတ်သော ယေရှုဘုရားရှိခိုးကျောင်းကခရစ်ယာန်ဘုန်းကြီးရဲ့အစောင့်ရှောက်ခံကက်သလစ်ဘာဝင်တွေဖြစ်ကြပါတယ်၊" ရွာက ဘုရားရှိခိုးကျောင်းငယ်လေးမှာ ဘုန်းကြီး မရှိဘူး"လို့ရွာသားတစ်ယောက်ကဆိုပါတယ်။ ရေဘေးဒုက္ခသည်တွေကို ကူညီဆောင်ရွက်ပေးနေတဲ့ ဖယ်ခွန်မြို့ကဘရာသာ ဇင်မင်း က သေဆုံးသူ နှစ်ဦးဟာ ကက်သလစ်ဘာသာဝင်တွေဖြစ်တယ်လို့ ပြောပါတယ်။ မြေပြိုမှုကြောင့် အသက် ၆၀ အရွယ် အမျိုးသမီးတစ်ဦးနဲ့အသက် ၂၀ အရွယ် အမျိုးသားတစ်ဦးတို့ သေဆုံးခဲ့ပြီး တစ်ဒါဇင်ကျော် ဒဏ်ရာရရှိခဲ့တယ်လ်ု့ ၎င်းက အတည်ပြုပြောကြားပါတယ်။ မိုးသည်းထန်စွာ ရွာသွန်းမှုကြောင့် တောင်တန်းတွေဆီကရေတွေ တဟုန်ထိုး တက်လာပြီး သြဂုတ် ၂၈ ရက်က ရုတ်တရက် မြေပြိုမှု ဖြစ်ပွားခဲ့တယ်လို့၎င်းက ပြောပါတယ်။ “ကျွန်တော်တို့ ဘုရားကျောင်းအတွင်းကိုရွာသူရွာသားတွေအတွက် နေစရာပေးထားပြီး တတ်နိုင်သလောက် ချက်ပြုတ်ကျွေးမွေးဖို့ ကျန်နေသေးတဲ့ အစားအစာတွေကို မျှဝေပြီး ချက်ပြုတ်ထားပါတယ်” လို့ ဘရာသာ ဇင်မင်းက UCA News ကိုပြောပါတယ်။ ပင်လောင်းမြို့နယ်ရှိ ဗုဒ္ဓဘာသာဘုန်းတော်ကြီးကျောင်းတစ်ခုက စေတနာ့ဝန်ထမ်းတွေနဲ့အလှူရှင်တွေက သြဂုတ် ၂၉ ရက်က ရေဘေးသင့်ပြည်သူတွေအတွက်…