ဩဂုတ်လ ၂၃၊ ၂၀၂၅ ။ သောင်ရင်းသတင်းလွှာ ကုန်တင်ကားအစီးရေ ၄၀၀ ကျော် ပြတ်တောက်သွားရတဲ့ မဲဆောက်-မြဝတီနယ်စပ်မှာ ပိတ်သိမ်းမှုကိုဖြေလျှော့ပေးဖို့ ထိုင်းနိုင်ငံဆိုင်ရာ မြန်မာသံအမတ်ကြီးကို ဖိတ်ကြားဖို့ ထိုင်းနိုင်ငံ နိုင်ငံခြားကုန်သွယ်မှုဌာန (DFT) က ပြင်ဆင်နေတယ်လို့ The Nation သတင်းကသြဂုတ် ၂၂ရက်မှာဖော်ပြပါတယ်။ မြန်မာ-ထိုင်း ချစ်ကြည်ရေးတံတား အမှတ်(၂ ) မှာ သွင်းကုန်လိုင်စင်မရှိဘဲ တရားမ၀င် ကုန်ပစ္စည်းတွေတင်သွင်းမှု တားဆီးရေး ကြိုးပမ်းမှုအတွက် မဲဆောက်-မြဝတီ နယ်စပ်ကို ၂၀၂၅ ခုနှစ် သြဂုတ်လ ၁၈ ရက်နေ့က တင်ပြီးပိတ်ထားကြောင်း နိုင်ငံခြား ကုန်သွယ်မှု ဦးစီးဌာန ညွှန်ကြားရေးမှူးချုပ် အာရာဒါ ဖွမ်တုံက ပြောပါတယ်။ ဒီနောက် DFT နဲ့ အပြည်ပြည်ဆိုင်ရာကုန်သွယ်မှုမြှင့်တင်ရေးဦးစီးဌာနတို့ကထိုင်းနိုင်ငံဆိုင်ရာမြန်မာ့ကုန်သွယ်ရေးသံမှူးကို၂၀၂၅ ခုနှစ် သြဂုတ်လ ၁၉ ရက်နေ့က ကုန်သွယ်ရေးဝန်ကြီး Jatuporn Buruspat ရဲ့ ညွှန်ကြားချက်အရ အခြေအနေကို ဆွေးနွေးဖို့ ဖိတ်ကြားခဲ့ပါတယ်။ ဩဂုတ်လဆန်းပိုင်းကစပြီးလိုင်စင်မရှိဘဲ တရားမဝင် သွင်းကုန်တွေနဲ့ ကုန်ပစ္စည်းတွေ စစ်ဆေးရေး တင်းကျပ်ထားတယ်လို့မြန်မာနိုင်ငံဘက်က ရှင်းပြတယ်လို့သတင်းကဆိုပါတယ်။ ဝင်ငွေဆုံးရှုံးခြင်းနဲ့ ကုန်သွယ်မှုလိုငွေ တိုးလာတာ တို့ကြောင့် အာဏာပိုင်တွေက တင်းကျပ်တဲ့အစီအမံတွေချမှတ်ဖို့ တွန်းအားပေးခဲ့ပါတယ်။ ဒါ့ကြောင့် အခြားနိုင်ငံကကုန်ပစ္စည်းတွေတင်ဆောင်လာတဲ့ကုန်တင်ယာဉ် အများအပြားဟာ မြန်မာနိုင်ငံကို ဝင်ရောက်ဖို့ နယ်စပ်မှာစောင့်ဆိုင်းနေခဲ့ကြပါတယ်။ (more…)

ယခုစစ်အုပ်စု လုပ်မယ်ဆိုတဲ့ ရွေးကောက်ပွဲနဲ့ပက်သက်လို့- ၁၊ရွေးကောက်ပွဲလုပ်ဖြစ်လဲ နိုင်ငံတော်အာဏာက သူ့လက်ထဲမှာ ၂။ရွေးကောက်ပွဲမလုပ်ဖြစ်လဲ နိုင်ငံတော်အာဏာက သူ့လက်ထဲမှာ။ ၃။လုံခြုံရေးအကြောင်းပြပြီး ရွေးကောက်ပွဲပျက်လဲ နိုင်ငံတော်အာဏာသူ့လက်ထဲမှာ။ ၄။ရွေးကောက်ပွဲ အပိုင်းလိုက်ပဲလုပ်လုပ်၊PR စနစ်ပဲလုပ်လုပ်၊ဘာစနစ်ပဲလုပ်လုပ် နိုင်ငံတော်အာဏာက သူ့လက်ထဲမှာ ဆိုလိုရင်းက စစ်အုပ်စု ရွေးကောက်ပွဲကို အာဏာ ပြဿနာက ချဉ်းကပ် ရင် (အာဏာက စစ်အုပ်စုလက်ထဲမှာ) ဆက်ရှိနေမှာပဲလို့ ဆိုလိုတာဖြစ်ပါတယ်။ --------------------------------------------- ဩဂုတ်လ ၂၂၊ ၂၀၂၅။ သောင်ရင်းသတင်းလွှာ စစ်အစိုးရရွေးကောက်ပွဲနဲ့ပက်သက်လို့ ဝေဖန်သုံးသတ်မှုများကို ဖတ်ရှု့၊နားဆင်နေရပါတယ်။အပြန်အလှန်လည်းဆွေးနွေးဖြစ်ကြပါတယ်။ ဒီနေရာမှာ ရှု့ဒေါင့်တစ်ခုအနေနဲ့ ဆရာဦးခင်မောင်မြင့်(ပြည်သူ့တိုးတက်ရေးပါတီ)ရဲ့ ဟောပြောချက်တစ်ခုကို ကိုးကားစီစစ်ပါမယ်။ ၁၉၉၀ ရွေးကောက်ပွဲမတိုင်မီက နယ်ဟောပြောပွဲတစ်ခုမှာ ပရိပ်သတ်က နဝတ စစ်အစိုးရလုပ်မယ့်၁၉၉၀ ရွေးကောက်ပွဲနဲ့ပက်သက်လို့မေးမြန်းတာကို ဆရာဦးခင်မောင်မြင့်က- "စစ်တပ်ဟာ တစ်သက်လုံး ခံကတုတ်နှစ်ခုနဲ့ သူ့အာဏာကို ကာကွယ်လေ့ရှိတယ်။ခံကတုတ်တစ်ခုက အခြေခံဥပဒေခံကတုတ်ပဲ နောက်ခံကတုတ်တစ်ခုက စစ်တပ်ကိုယ်တိုင်ပဲ၆၂ ဗိုလ်နေဝင်းအာဏာသိမ်းပြီးတော့ ၇၄ အခြေခံဥပဒေခံကတုတ်ထဲမှာ ဝင်နေတယ်။ ၁၉၈၈ အရေးတော်ပုံကြီးက ၇၄ အခြေခံဥပဒေခံကတုတ်ကိုဖြိုချလိုက်တဲ့အခါစစ်တပ်ဟာသူ့တို့အာဏာကို ဆက်ကာကွယ်ဖို့ အာဏာသိမ်းပြီး စစ်တပ်ကိုယ်တိုင်ရှေ့ထွက်ကာကွယ်လာတယ်။ အခုလည်း အခြေခံဥပဒေခံကတုတ်နဲ့ကာကွယ်ဖို့ လုပ်နေတယ်။"ဆိုပြီးသတိပေးခဲ့ပါတယ်။ စစ်တပ်ဟာ ညောင်နှစ်ပင်ညီလာခံနဲ့အချိန်ဆွဲပြီး နိုင်ငံရေးအင်အားစုတွေချိနဲ့လာတဲ့အချိန်ကောင်းကိုစောင့်ပါတယ်။  နောက် ၂၀၀၈ အခြေခံဥပဒေခံကတုတ်နဲ့စစ်တပ်အာဏာပိုင်စိုးမှု့ကို ဆက်လက်ထိမ်းသိမ်းပါတယ်။ ၂၀၀၈ အခြေခံဥပဒေအောက်မှာပဲ စစ်တပ်ပါတီကြံ့ခိုင်ရေးနဲ့မဟာမိတ်ပါတီများ၊စစ်တပ်နောက်မြီးဆွဲတိုင်းရင်းသားပါတီများ ၂၀၁၅နဲ့ ၂၀၂၀ ရွေးကောက်ပွဲများမှာ ခွက်ခွက်လန် နိုင်ငံရေးကုန်းကောက်စရာမရှိအောင် အရေးနိမ့်ခဲ့ပါတယ်။ ၂၀၀၈ အခြေခံဥပဒေခံကတုတ်ဟာ စစ်တပ်အာဏာပိုင်စိုးမှုကို မကာကွယ်နိုင်တော့တဲ့အခြေအနေရောက်လာပါတယ်။ အဲဒီနောက် ၂၀၂၁ မှာ စစ်တပ်က ယုတ္တိမဲ့ အာဏာထပ်သိမ်းပြီး စစ်တပ်ကိုယ်တိုင်သူတို့အာဏာချုပ်ကိုင်မှုကိုထွက်ကာကွယ်ပြန်ပါတယ်။ သို့ပေမယ် ယခုတစ်ခါအာဏာသိမ်းမှုကို…

“အတုအယောင် ရွေးကောက်ပွဲ . . . လူထုအားနဲ့ ဆန့်ကျင်ကြ” “ဖက်ဆစ်ရွေးကောက် ခွေးထွက်ပေါက် . . . မဲမပေးနဲ့ သပိတ်မှောက်” “No Votes Under Guns - Reject the Junta’s Sham” “Say No, Just Trap Myanmar’s Sham Election Crap” ဩဂုတ်လ ၂၂၊ ၂၀၂၅။ သောင်ရင်းသတင်းလွှာ ══════════════ ၁။ အကြမ်းဖက် အာဏာသိမ်းစစ်အုပ်စုက ယခု ပြင်ဆင်ဆောင်ရွက်နေသော “ရွေးကောက်ပွဲ” ဆိုသည်မှာ လက်ရှိ မြန်မာ့နိုင်ငံရေး အကြပ်အတည်း၊ မြန်မာ့နိုင်ငံရေး ပြဿနာ၏ ထွက်ပေါက်၊ အဖြေ (လုံးဝ) မဟုတ်။ ၂။ အကြမ်းဖက် အာဏာသိမ်းစစ်အုပ်စုက ယခု ပြင်ဆင်ဆောင်ရွက်နေသော “ရွေးကောက်ပွဲ” ဆိုသည်မှာ မြန်မာ့နိုင်ငံရေးအကြပ်အတည်းရဲ့ အဖြေ မဟုတ်ရုံသာမက ပြဿနာကို ပိုမို ရှုတ်ထွေးစေမည့်၊ ပိုမို ခက်ခဲကြပ်တည်းစေမည့် လုပ်ရပ်သာ ဖြစ်သည်။ ၃။ စစ်အုပ်စု၏ “ရွေးကောက်ပွဲ” ဆိုသည်မှာ ဒင်းတို့အာဏာ သက်ဆိုးရှည်ရေး၊ ဒင်းတို့ ကျူးလွန်ခဲ့သမျှသော ရာဇဝတ်မှုမျိုးစုံကို ခဝါချနိုင်ရေး၊ ပြစ်ဒဏ်ကင်းလွတ်ခွင့်ရစေရေး၊ ဒင်းတို့ ရင်ဆိုင်နေရသော စစ်ရေး နိုင်ငံရေး အထွေထွေ အကြပ်အတည်းများကို လျော့ချနိုင်ရေးအတွက် ရည်ရွယ်‌ဆောင်ရွက်သည့် နိုင်ငံရေးလှည့်ကွက်၊ နိုင်ငံရေး ထောင်ချောက်သာ ဖြစ်သည်။ (more…)

ဩဂုတ်လ ၂၁၊ ၂၀၂၅။ သောင်ရင်းသတင်းလွှာ ထိုင်းဘတ်ငွေဈေးနှုန်းဟာ ဩဂုတ် ၂၀ ရက်ကစပြီး တဖြည်းဖြည်းချင်း ဈေးနှုန်းကျဆင်းပြီး မြန်မာငွေဈေး အနည်းငယ် မြင့်တက်လာတယ်လို့ ငွေကြေးလဲလှယ်သူ ကိုယ်စားလှယ်တွေက ပြောပတယ်လို့ BBC သတင်းက သြဂုတ် ၂၁ရက်မှာဖော်ပြပါတယ်။ ဩဂုတ် ၁၉ ရက်မှာ မြန်မာကျပ်ငွေ တစ်သိန်းဖိုးကို ထိုင်းငွေ ၇၃၂ ဘတ် ရှိတာကနေ ဩဂုတ် ၂၀ မှာတော့ ၇၃၄ ဘတ်၊ ၇၃၅ ဘတ်၊ ၇၃၇ ဘတ်ဆိုပြီး အချိန်နဲ့အမျှ ဘတ်ဈေး ကျလာတာ ဖြစ်ပါတယ်။ ဒီနေ့ ဩဂုတ် ၂၁ ရက်မှာလည်း ကျပ်တစ်သိန်းကို ဘတ်ဈေး ၇၃၈ နဲ့ စဖွင့် ရောင်းချတာကနေ နေ့လယ်ပိုင်းမှာ ၇၄၀ဘတ်နဲ့ ညနေပိုင်းမှာ ၇၄၂ ဘတ်အထိ ဘတ်ဈေးကျနေပါတယ်။ “အခုချိန်မှာ ငွေလဲတာတွေ သတိထားပြီး လုပ်နေရတယ်။ ငွေအများကြီး အ‌ရောင်းအဝယ် မလုပ်ရဲဘူး။ ဆုံးရှုံးတာတွေ များတတ်လို့။ ပြီးတော့ ဒီကာလငွေလဲတာကလည်း အလုပ်သမားတွေလက်ထဲ ငွေနည်းတဲ့ ကာလလေ။ (more…)

ဩဂုတ်လ ၂၁၊ ၂၀၂၅။ သောင်ရင်းသတင်းလွှာ သြဂုတ်လ ၂၁ ရက်နံနက် ၁၀ နာရီ ၃၀ မိနစ်မှာယဉ်ကျေးမှုဝန်ကြီးအဖြစ်လည်း တာဝန်ထမ်းဆောင်နေတဲ့ Paetongtarn Shinawatra ရဲ့ ဝန်ကြီးချုပ်ရာထူးကို ရပ်စဲမလား။ ထိုင်းဝန်ကြီးချုပ်အဖြစ်ကယာယီရပ်စဲခံထားရတဲ့ Paetongtarn နဲ့ ကမ္ဘောဒီးယား အထက်လွှတ်တော် သမ္မတ ဟွန်ဆန်တို့ကြား စကားပြောဆိုမှု အသံဖိုင်ကို ထုတ်ပြန်ပြီးနောက် ကြီးလေးတဲ့ ကျင့်ဝတ်ဖောက်ဖျက်မှု စွပ်စွဲချက်ထွက်ပေါ်လာတာဖြစ်ပါတယ်လို့ The Nation ကဖော်ပြပါတယ်။ ကြားနာပွဲမစမီမှာ ဖွဲ့စည်းပုံအခြေခံဥပဒေခုံရုံးဥက္ကဋ္ဌ Nakharin Mektrairat က နိုင်ငံတော်လုံခြုံရေးအတွက် အမှုကို သက်ရောက်မှုရှိစေပေမယ့်လည်းတရားရုံးက သက်သေထွက်ဆိုနေစဉ်အတွင်း ရုပ်ပုံနဲ့အသံထုတ်လွှင့်ခြင်းကို တားမြစ်မှာဖြစ်ကြောင်း ကြေညာခဲ့ပါတယ်။ (more…)

ဩဂုတ်လ ၂၁၊ ၂၀၂၅။ သောင်ရင်းသတင်းလွှာ နိုင်ငံရေး အကျဉ်းသားဟောင်းလည်းဖြစ် စာရေးဆရာ နောင်ကျော် (ခ) ဦးဌေးသိန်း ၆၉ နှစ်ဟာ သြဂုတ် ၂၁ ရက်နေ့မနက်က ရန်ကုန်မြို့ နေအိမ်မှာကွယ်လွန်သွားခဲ့ပြီလ်ု့စာပေအသိုင်းအဝန်းမှ သိရပါတယ်။ "ဟုတ်ပါတယ်၊မနက်လေးနာရီထိုးကြီးကုတင်ပေါ်ကပြုတ်ကျပြီးဆုံးတယ်ပြောတာပဲ၊သွေးတိုးပြီးဦးနှောက်သွေးကြောပြတ်တာတဲ့ သူကလည်းတယောက်ထဲနေတာလေ"လို့ရန်ကုန်မြို့ကသူနဲ့ရင်းနှီးတဲ့မိတ်ဆွေတစ်ဥ်းက သောင်ရင်းကိုပြောပါတယ်။ ဆရာဦးဌေးသိန်းဟာ ရန်ကုန်တက္ကသိုလ် မြန်မာစာဌာနတွင် ဆရာမောင်သာချို၊ ကဗျာဆရာ ဇောင်းထက်တို့နှင့် မဟာဝိဇ္ဇာတန်းတက်ရောက်ခဲ့ပြီး ၁၉၈၆ ခုနှစ်မှာ နည်းပြ တာဝန်ထမ်းဆောင်ခဲ့သူဖြစ်ပါတယ်။ တာဝန်ထမ်းနေစဉ် ၁၉၈၉ ခုနှစ်မှာ ဗမာပြည်ကွန်မြူနစ် ပါတီနှင့် ဆက်သွယ်တယ်ဆိုပြီးထောင် ၁၂ နှစ် ချခံခဲ့ရသူဖြစ်ပါတယ်။ (more…)

ဩဂုတ်လ ၂၁၊ ၂၀၂၅။ သောင်ရင်းသတင်းလွှာ မြေငလျင်စောင့်ကြည့်ရေးဌာနရဲ့ ထုတ်ပြန်ချက်အရ တာ့ခ်ခရိုင် မဲဆောက်မြို့အနောက်တောင်ဘက် ၂၁၁ ကီလိုမီတာခန့်အကွာ မြန်မာနိုင်ငံ တောင်ပိုင်းကမ်းရိုးတန်းမှာပြင်းအား ၅.၄ နဲ့အနက် ၁၀ ကီလိုမီတာမှာငလျင်တစ်ခု လှုပ်ခတ်ခဲ့တယ်လို့ Khaosod သတင်းကသြဂုတ် ၂၁ရက်မှာဖော်ပြပါတယ်။ အလုပ်သမားဝန်ကြီးဌာနတည်ရှိရာ Din Daeng ခရိုင်အပါအဝင် ထိုင်းနိုင်ငံရဲ့ နေရာအများအပြားမှာ ငလျင်လှုပ်ခတ်မှုကို ခံစားခဲ့ရတယ်လို့ဆိုပါတယ်။ အဆောက်အဦအတွင်း တုန်ခါမှုကို ခံစားခဲ့ရပြီး လူတွေကို အရေးပေါ် ရွှေ့ပြောင်းပေးခဲ့ရပါတယ်။နံနက် ၉ နာရီ ၅၈ မိနစ်ခန့်မှာ Khlong Toei Nuea မြို့နယ်ခွဲ, Vadhana ရပ်ကွက်မှာ ၁၀ စက္ကန့်ခန့် ကြာလှုပ်ယမ်းမှု အနည်းငယ် ခံစားခဲ့ရပါတယ်။ Ratchathewi မြို့ Banthathong လမ်းက ရုံးခန်းအဆောက်အအုံဟာ ယိမ်းနွဲ့နေတယ်လို့တစ်စုံတစ်ဦးကသတင်းပေးပို့ခဲ့ပါတယ်။ နွန်သဘူရီခရိုင်၊ မွမ်သာဘူရီမြို့၊ Bang Kraso မြို့နယ်ခွဲ၊ Khaerai ဧရိယာရှိ ၉ လွှာရှိ အထပ်မြင့်အဆောက်အအုံတစ်ခုဟာယိမ်းနွဲ့သွားတာကို ခံစားခဲ့ရပြီး လူတွေမူးဝေသွားခဲ့ကြပါတယ်။ (more…)