မေလ ၁၂၊ ၂၀၂၅။ သောင်ရင်းသတင်းလွှာ မြန်မာပညာရှင် ဆိုဖီယာထွေးသည် မတ်လနှောင်းပိုင်းတွင် ရစ်ခ်ျတာစကေး ၇.၇ ရှိ ငလျင်လှုပ်ခတ်ပြီးနောက် ဩစတေးလျနိုင်ငံရှိ၎င်း၏နေအိမ်သို့ဖုန်ခေါ်ရန် နာရီပေါင်းများစွာ ကြိုးစားခဲ့ရပြီး ငယ်သူငယ်ချင်းတစ်ဦးမှာ အပျက်အစီးများထဲတွင် ပိတ်မိနေကြောင်း သိရှိရသည်။ မန္တလေးမြို့အနောက်မြောက်ဘက်စစ်ကိုင်းမြို့မှ သူငယ်ချင်းဖြစ်သူက သူ့ကိုပြောပြသည်မှာ အဆိုပါသူငါ်ချင်းမှာလွတ်မြောက်လာသော်လည်း ဆေးကုသမှုမခံယူဘဲ ဒဏ်ရာများဖြင့် သေဆုံးသွားခဲ့ရသည်ဟုဆိုသည်။ “ဒါက တကယ်ပဲကျမကို ကြေကွဲစေတယ်… ဒါက စစ်အာဏာရှင်တွေနဲ့စစ်တပ်က အာဏာသိမ်းမှုရဲ့ရှုံးနိမ့်မှုပဲ” ဟု ၂၀၂၁ ခုနှစ် ဖေဖော်ဝါရီလတွင် အာဏာသိမ်းပြီးနောက် စစ်အစိုးရ၏ ကျန်းမာရေးစောင့်ရှောက်မှုလုပ်ငန်းများအပေါ် တိုက်ခိုက်မှုများကို ရည်ညွှန်းပြီး သူမက ပြောကြားခဲ့သည်။ လူပေါင်း ၃၇၀၀ ကျော် သေဆုံးပြီး ၅၀၀၀ ဒဏ်ရာရခဲ့သည့် ငလျင်သည် စစ်အုပ်ချုပ်ရေးအောက်တွင် ဆရာဝန်နှင့် သူနာပြုများ ပြင်းထန်စွာနှင့်သိသိသာသာ ကျဆင်းသွားသည့်ကျန်းမာရေးစနစ်အား လျင်မြန်စွာ လွှမ်းခြုံသွားခဲ့သည်ဟု ကမ္ဘာ့ကျန်းမာရေးအဖွဲ့ (WHO) ၏ ကိန်းဂဏန်းများက ဖော်ပြသည်။ စစ်တပ်က အာဏာသိမ်းပြီးနောက် ပေါ်ပေါက်လာသည့် စစ်အာဏာရှင်ဆန့်ကျင်ရေး လှုပ်ရှားမှုတွင် ဆရာဝန်နှင့်ဆေးဘက်ဆိုင်ရာကျွမ်းကျင်သူများက အရေးပါသော အခန်းကဏ္ဍမှ ပါဝင်ခဲ့ပြီးနောက် စစ်တပ်က ၎င်း၏အုပ်ချုပ်မှုကို ဆန့်ကျင်ဘက်များကို ဖယ်ရှားရန် ကြိုးပမ်းနေသောကြောင့် ကျန်းမာရေးစောင့်ရှောက်မှု အဆောက်အအုံများကို တိုက်ခိုက်မှုအပေါ် လူအများက အပြစ်တင်ကြသည်။ (more…)

နေပြည်တော်အနီးတွင် ငလျင်တစ်ကြိမ် လှုပ်ခတ် ၂၀၂၅ ခုနှစ် မေလ ၁၂ ရက်၊ တနင်္လာနေ့ ဒေသစံတော်ချိန် နံနက် ၆ နာရီ ၁၂ မိနစ် (GMT +6:30) တွင် နေပြည်တော်မှ ၃၆ ကီလိုမီတာ (၂၂ မိုင်) ကွာဝေးသောနေရာတွင်ပြင်းအား ၄.၀အဆင့်ရှိ ငလျင်တစ်ခု လှုပ်ခတ်ခဲ့ပါသည်။ ငလျင်၏ အတိမ်အနက်ကို မဆုံးဖြတ်နိုင်သော်လည်း တိမ်သည်ဟု ယူဆရသည်။ ငလျင်ဗဟိုချက်အနီးရှိ လူအချို့က လှုပ်ခတ်သည်ကိုသိရှိခဲ့သည်ဟု Volcano Discovery စာမျက်နှာက​​ဖော်ပြသည်။ (more…)

မေလ ၁၂၊ ၂၀၂၅။ သောင်ရင်းသတင်းလွှာ ကန်ချနပူရီခရိုင်တွင် ကုန်တင်ကားနှင့် မော်တော်ဆိုင်ကယ်တို့ ယာဉ်တိုက်မှု ဖြစ်ပွားရာ မြန်မာအမျိုးသမီးနှစ်ဦး သေဆုံးပြီး အခြားတစ်ဦး ဒဏ်ရာအပြင်းအထန်ရခဲ့သည်။ အဆိုပါ ဖြစ်စဉ်မှာ မေလ ၁၁ ရက်နေ့ ညနေ ၄ နာရီ ၃၀ နာရီခန့်က ကန်ချနပူရီခရိုင် သာမကာမြို့နယ် မောင်းစီမူးမြို့နယ်ခွဲ ထိုင်းစားသောက်ကုန် ကြက်သားစက်ရုံ အဝင်ပေါက်အနီးတွင်ဖြစ်ပွားခဲ့သည်ဟု The Thaiger သတင်းကမေလ ၁၂ရက်တွင်ဖော်ပြသည်။ အခင်းဖြစ်ရာနေရာ၌ အသက် ၂၀ နှင့် ၃၀ ကြားရှိ မြန်မာနိုင်ငံသား အမျိုးသမီး နှစ်ဦး၏ အလောင်းအား လမ်းဘေးတွင် လက် နှင့်ခြေထောက်များကျိုးနေသောဒဏ်ရာများနဲ့ တွေ့ရှိရကြောင်း သိရသည်။ (more…)

မေလ ၁၁၊ ၂၀၂၅။ သောင်ရင်းသတင်းလွှာ မြန်မာနိုင်ငံမှ အသက် ၂၃ နှစ်အရွယ် အမျိုးသားတစ်ဦးသည် ၎င်း၏ ကိုယ်ဝန်ဆောင်ဇနီးသည်ရှိရာလုပ်ငန်းခွင်သို့ ဝင်ခွင့် ငြင်းပယ်ခံရပြီးနောက် အသက် ၇၀ အရွယ် အမျိုးသားတစ်ဦးကို သေနတ်ဖြင့် ပစ်ခတ်ခဲ့သည်ဟု The Thaiger သတင်းက မေလ ၁၁ရက်တွင်ဖော်ပြသည်။ ဖြစ်စဉ်မှာ ထိုင်းနိုင်ငံ ဘန်ကောက်မြို့၊ လပ်ဆောင်းမြိုနယ်ခွဲ၊ရွမ်ဆိုင်း ၁၂ လမ်းကြားတွင် မေလ ၁၀ ရက်နေ့ ည ၇ နာရီက ဖြစ်ပွားခဲ့ပြီး အခင်းဖြစ်ပွားရာသို့Phetkasem ရဲစခန်းမှ စုံစမ်းရေးမှူး ဒုတိယရဲမှူး Ekachai Yimnimitt နှင့်ရဲမှူး Pramot Chanboonkaew နှင့် တပ်စွယ်၉ မှ ရဲမှူး Thitipong Siya၊မှုခင်းဆေးပညာ အရာရှိ၊ Siriraj ဆေးရုံမှ မှုခင်းဆရာဝန်၊Ruamkatan ဖောင်ဒေးရှင်းမှ စေတနာ့ဝန်ထမ်း များနှင့်အတူ အခင်းဖြစ်ပွားရာသို့ ရောက်ရှိခဲ့ပါသည်။ (more…)

မေလ ၁၁၊ ၂၀၂၅။ သောင်ရင်းသတင်းလွှာ ကရင်ပြည်နယ်တွင် တိုက်ပွဲများ ပြေလျော့သွားပြီးနောက် ထိုင်းနိုင်ငံမှနေရပ်သို့ ပြန်လည်ရောက်ရှိလာသည့် မြန်မာနိုင်ငံသား ၁၂၁ ဦးရှိကြောင်း The Nation သတင်းက မေလ ၁၁ရက်နေ့တွင်ဖော်ပြသည်။ ကယားပြည်နယ်တွင် တိုက်ပွဲများ ဆက်လက်ဖြစ်ပွားနေပြီး အသေအပျောက်များကြောင်း သိရသည်။ ကရင်ပြည်နယ်တွင် တိုက်ပွဲများငြိမ်သက်သွားပြီးနောက် ကရင်ပြည်နယ်ရှိ မြန်မာနိုင်ငံသား စုစုပေါင်း ၁၂၁ ဦးသည် ၎င်းတို့ဆန္ဒအလျောက် နေရပ်သို့ ပြန်လည်ရောက်ရှိလာကြောင်း ထိုင်းစစ်တပ် တာဝန်ရှိသူများကမေလ ၁၁ရက်နေ့တွင် အတည်ပြုခဲ့သည်။ သို့သော်လည်း အိမ်နီးချင်း ကယားပြည်နယ်တွင် တိုက်ပွဲများ ပြင်းထန်စွာ ဖြစ်ပွားခဲ့သည်။ နေရပ်မပြန်မီ ၎င်းတို့သည်ထိုင်းနိုင်ငံတွင် ခိုလှုံခဲ့သည်။ (more…)

မေလ ၁၁၊ ၂၀၂၅။ သောင်ရင်းသတင်းလွှာ မတ်လ ၂၈ ရက်က မြန်မာနိုင်ငံအလယ်ပိုင်းတွင် ရစ်ခ်ျတာစကေး ၇ ဒသမ ၇ အဆင့်ရှိ ငလျင်လှုပ်ခတ်ခဲ့ပြီး ပျက်စီးဆုံးရှုံးမှုများ ကျယ်ကျယ်ပြန့်ပြန့် ဖြစ်ပွားခဲ့သည်။ ဆန်းဒါးလန်းတက္ကသိုလ်မှ မြန်မာလူ့အဖွဲ့အစည်းသည် ကယ်ဆယ်ရေးလုပ်ငန်းများကို ပံ့ပိုးကူညီရန်အတွက် ကမ္ဘာလုံးဆိုင်ရာ ယဉ်ကျေးမှုနေ့တွင် ရန်ပုံငွေပွဲတစ်ခု ပြုလုပ်ခဲ့သည်ဟု The Northern Echo စာမျက်နှာက မေလ ၁၀ရက်တွင် ဖော်ပြသည်။ ကျောင်းသားများနှင့် ဝန်ထမ်းများသည် မြန်မာသင်္ကြန်နှစ်သစ်ကူးပွဲတော်ကို ဆင်နွှဲကြပြီး ရန်ပုံငွေပွဲအတွက် အလှူငွေထည့်ဝင်ကြရန် တက္ကသိုလ်ကျောင်းဝင်းအတွင်း ကျောင်းသားများနှင့် ဝန်ထမ်းများလည်း စုရုံးခဲ့ကြသည်။ (more…)