မေလ ၉၊၂၀၂၅။ သောင်ရင်းသတင်းလွှာ ဂျပန်နိုင်ငံမီယာဂီစီရင်စု ရဲတပ်ဖွဲ့သည် စီရင်စုမှ အသက် ၁၇ နှစ်အရွယ်အထက်တန်းကျောင်းသားတစ်ဦးပျောက်ဆုံးမှုနှင့် ပတ်သက်၍ မြန်မာနိုင်ငံတွင်နိုင်ငံတကာသို့ အွန်လိုင်းလိမ်လည်မှုလုပ်ငန်းတစ်ခုအတွက် လူကုန်ကူးသူဟု သံသယရှိသူ တစ်ဦးကို မေလ ၇ ရက်က ဖမ်းဆီးခဲ့သည်ဟု အဆာဟိရှင်ဘွန်းသတင်းက မေလ ၈ရက်တွင်ဖော်ပြသည်။ ရဲတပ်ဖွဲ့၏ အဆိုအရ Tomu Fujinuma သည် အသက် (၂၉ နှစ်)သည် ဆယ်ကျော်သက် လူငယ်တစ်ဦးအား ဇန်နဝါရီ ၁၀ ရက်က ထိုင်းနိုင်ငံ လေဆိပ်တစ်ခုတွင် တွေ့ဆုံခဲ့ပြီး နိုင်ငံတကာ ငွေလိမ်လည်မှုစင်တာတွင် အလုပ်ခိုင်းစေရန်အတွက်မြန်မာနိုင်ငံသို့သွားရောက်ရန်လိမ်လည်စည်းရုံး ဆွဲဆောင်ခဲ့ကြောင်း သိရသည်။ အဆိုပါ ဆယ်ကျော်သက်ကို ဖူဂျီနူမာအွန်လိုင်းဂိမ်းမှတဆင့်ထိုင်းတွင် ရိုးရှင်းစွာဖြင့်ငွေရလွယ်သောအလုပ်ရရှိမည်ကတိပေးသည့် တွဲဖက်တစ်ဦးကအွန်လိုင်းဆက်သွယ်ခဲ့ကြောင်း ရဲတပ်ဖွဲ့က ပြောကြားခဲ့သည်။ (more…)

မေလ ၉၊ ၂၀၂၅။ သောင်ရင်းသတင်းလွှာ ဝန်ကြီးချုပ်ဟောင်း သက်ဆင်ရှင်နာဝပ်ထရာသည် ပြစ်ဒဏ်ကျခံနေရချိန်တွင်ဆေးရုံတက်ခဲ့သည့် အကြောင်းရင်းကိုကြားနာစစ်ဆေးခဲ့အပြီးဝန်ကြီးချုပ်ဟောင်း သက်ဆင်ရှင်နာဝပ်ထရာသည် ဆေးရုံတက်နေချိန်တွင်ပြင်းထန်စွာနာမကျန်းမဖြစ်ခဲ့ကြောင်း ဆုံးဖြတ်နိဂုံးချုပ်ပြီးနောက်တွင် ဆရာဝန်နှစ်ဦးကို ရာထူးဆိုင်းငံ့ထားရန် တတိယဆရာဝန်အားသတိပေးစာထုတ်ပြန်ရန်ထိုင်းဆေးကောင်စီက ဆုံးဖြတ်လိုက်သည်ဟု ဘန်ကောက်ပို့စ်သတင်းကဖော်ပြသည်။ ထိုင်းနိုင်ငံဆေးကောင်စီဒုဥက္ကဋ္ဌ ပါမောက္ခ ဒေါက်တာ Prasit Watanapa က မေလ ၈ရက်နေ့မွန်းလွဲပိုင်းတွင် ပြုလုပ်သည့် သတင်းစာရှင်းလင်းပွဲတွင် ဆုံးဖြတ်ချက်အားအများစုမဲဖြင့် အတည်ပြုခဲ့ပြီး ယင်းဆုံးဖြတ်ချက်ကို မဆောင်ရွက်မီ ပြည်သူ့ကျန်းမာရေးဝန်ကြီး၏ အတည်ပြုချက် လိုအပ်မည်ဖြစ်ကြောင်း ပြောကြားခဲ့သည်။ (more…)

မေလ ၉၊ ၂၀၂၅။ သောင်ရင်းသတင်းလွှာ ထိုင်းအစိုးရကမြန်မာနိုင်ငံမှအွန်လိုင်းငွေလိမ်ဂိုဏ်းများကိုနှိမ်နှင်းရန် ၎င်း၏ “၃ဖြတ်” ဗျူဟာကို အကောင်အထည်ဖော်ပြီး သုံးလအကြာတွင် အောင်မြင်မှုတစ်ခုအဖြစ် ကြေညာခဲ့သည်ဟု ဘန်ကောက်ပို့စ်သတင်းက မေလ ၉ရက်တွင်ဖော်ပြသည်။ လျှပ်စစ်၊ လောင်စာဆီနှင့် အင်တာနက် ဖြတ်တောက်ခြင်း ပါဝင်သည့် ဖေဖော်ဝါရီ ၅ ရက်မှစပြီး ချမှတ်ခဲ့သည့် မဟာဗျူဟာသည် မြန်မာနိုင်ငံ နယ်စပ်မြို့များတွင် အွန်လိုင်းငွေလိမ်လည်မှု စင်တာများ အများအပြား တည်ရှိရာ နေရာငါးခုသို့ ဖြတ်တောက်လိုက်ခြင်းကြောင့်အဓိက နယ်စပ်ဒေသများဖြစ်သည့် ချင်းရိုင်ခရိုင်မှ မယ်ဆိုင်မြို့နှင့်တာ့ခ်ခရိုင်မှ မဲဆောက်မြို့တို့တွင် ခေါ်ဆိုရေးစင်တာ လုပ်ငန်းများ သိသိသာသာ လျော့ကျသွားကြောင်းဒုတိယ ဝန်ကြီးချုပ်နှင့်ကာကွယ်ရေးဝန်ကြီး Mr Phumthaကမေလ ၈ရက်နေ့တွင် ပြောကြားခဲ့သည်။ အဆိုပါနေရာငါးခုမှာ မြဝတီမြို့ရှိ ဒုတိယ ထိုင်း-မြန်မာ ချစ်ကြည်ရေး တံတားနှင့် ဘန်ဟွေမောင်၊ ဘုရားသုံးဆူမြို့ရှိ ဘုရားသုံဆူတံတား၊ရှမ်းပြည်နယ်တာချီလိတ်မြို့ရှိ ဘန်မမောင်းဒေါင် နှင့် ပထမ ထိုင်း-မြန်မာ ချစ်ကြည်ရေး အမှတ် (၁)တံတားတို့ဖြစ်ကြသည်။ “ဒီအစီအမံတွေက ဒီရာဇ၀တ်မှုကွန်ရက်တွေကို ထိန်းထားပေးတဲ့ အခြေခံအဆောက်အအုံတွေကို အနှောင့်အယှက်ဖြစ်စေပါတယ်” ဟု ၎င်းက ဆိုသည်။ "ဖိအားကြောင့် အဆိုပါ လုပ်ငန်းအများအပြားကို နေရာရွှေ့ပြောင်းရန် သို့မဟုတ် ပိတ်ပစ်ရန် တွန်းအားပေးခဲ့သည်" ဟုလည်း ကာကွယ်ရေးဝန်ကြီး Mr Phumtham က ပြောကြားခဲ့သည်။ အာဏာပိုင်များသည် ဤမူဝါဒ၏အကျိုးသက်ရောက်မှုကို ဇွန်လတွင် အပြီးသတ်အကဲဖြတ်ရန် ပြင်ဆင်နေပြီး၊ အခြားဒေသများသို့ လိမ်လည်လှည့်ဖြားမှုလုပ်ငန်းအချို့ကို နေရာရွှေ့ပြောင်းမှုများ ဖြစ်ပွားခဲ့သော်လည်း ရာဇ၀တ်မှုဆိုင်ရာ လုပ်ဆောင်ချက် အလုံးစုံ ကျဆင်းသွားကြောင်း Mr Phumtham က ဖော်ပြခဲ့သည်။…

မေလ ၈၊ ၂၀၂၅။ သောင်ရင်းသတင်းလွှာ အမေရိကန်နှင့် ၎င်း၏မဟာမိတ်များသည် မြန်မာနိုင်ငံတွင် “လက်ဝေခံစစ်ပွဲ” တစ်ခုဆင်နွှဲရန် ပြင်ဆင်နေသည်ဟု ဆိုထားသော တောင်အာရှ(ဘင်္ဂလားဒေ့ရှ်နိုင်ငံ)တွင် အဓိကအားဖြင့် တွေ့ရသော တွေးခေါ်မှုတစ်ခုရှိသည်။ အဆိုပါ စစ်ဆင်ရေးသည် မြန်မာစစ်တပ် (တပ်မတော်) ကို ချေမှုန်းရန်နှင့် အိန္ဒိယ သမုဒ္ဒရာအတွင်းသို့ တရုတ်နိုင်ငံမှ ဝင်ရောက်ခွင့်ကို ငြင်းပယ်ရန် ရည်ရွယ်ခြင်း ဖြစ်သည်။  လွန်ခဲ့သည့်နှစ်အနည်းငယ်အတွင်း၊ ထိုသို့သော အရေးဆိုမှုများကို ပြည်တွင်းသတင်းများနှင့် အချို့သောဝဘ်ဆိုဒ်များတွင် ဆောင်းပါးများနှင့် အယ်ဒီတာ့အာဘော်မှတ်ချက်များက ဖော်ပြခဲ့ကြသည်။ ဇာတ်ကြောင်း၏ အခြေခံအကျဉ်းများမှာ အောက်ပါအတိုင်းဖြစ်သည်။ (more…)

မေလ ၈၊ ၂၀၂၅။ သောင်ရင်းသတင်းလွှာ ငလျင်လှုပ်ခတ်ပြီးနောက်ပိုင်း အပစ်အခတ်ရပ်စဲရေး သက်တမ်းတိုးပြီး ရက်ပိုင်းအကြာတွင် မြန်မာစစ်တပ်မှထိုးစစ်ဆင်မှုကြောင့် လူပေါင်း ၃၀၀ ကျော် ထိုင်းနိုင်ငံဘက်သို့ ထွက်ပြေးတိမ်းရှောင်လာကြောင်း ထိုင်းစစ်တပ်ကပြောကြားခဲ့သည်ဟု မေလ ၈ရက်တွင် AFP သတင်းကဖော်ပြသည်။ မြန်မာနိုင်ငံသည် ၂၀၂၁ ခုနှစ် စစ်တပ်က အာဏာသိမ်းပြီးနောက် ပြည်တွင်း ပဋိပက္ခတွင် နစ်မြုပ်နေခဲ့ပြီး စစ်အစိုးရသည် တိုင်းရင်းသား လက်နက်ကိုင် အဖွဲ့အစည်းများနှင့် ဒီမိုကရေစီ လိုလားသော တော်လှန်ရေး အင်အားစုများနှင့် တိုက်ပွဲများ ဖြစ်ပွားနေပါသည်။ (more…)

မေလ ၈၊ ၂၀၂၅။ သောင်ရင်းသတင်းလွှာ ထိုင်ဝမ်သည် မြန်မာနိုင်ငံ KK Parkအဆောက်အ​ဦးရှိ လိမ်လည်လှည့်စားသည့် အလုပ်ရုံများမှ နိုင်ငံသား ၅၅ ဦးကို ကယ်တင်ခဲ့ပြီး ၎င်း၏ ပထမဆုံးသော နေရပ်ပြန်ပို့ရေး ကြိုးပမ်းမှုဖြစ်သည်။ မြန်မာနိုင်ငံက လူကုန်ကူးခံရသူ ၇,၀၀၀ ကျော်ကို အိမ်နီးချင်းနိုင်ငံများထံ ပြန်လွှတ်ပေးပြီးနောက် ယခုလို ဖြိုခွင်းလိုက်ခြင်းဖြစ်သည်ဟု RTI သတင်းကမေလ ၈ရက်တွင်ဖော်ပြသည်။ မကြာသေးမီနှစ်များအတွင်း မြန်မာနိုင်ငံ၊ မြဝတီမြို့နယ်ရှိ KK Park တွင် လိမ်လည်လှည့်ဖြားသည့် အလုပ်ရုံများတွင် ထိုင်ဝမ်လူမျိုးအများအပြားမှာ လိမ်လည်လှည့်ဖြားခြင်းခံခဲ့ရသည်။ ဒေသတွင်း အစိုးရက မကြာသေးမီက နှိမ်နင်းမှု စတင်ခဲ့ပြီး လူကုန်ကူးခံရသူ အများအပြားကို ထိုင်းနိုင်ငံသို့ ပြန်လွှတ်ပေးခဲ့သည်။ ထိုင်ဝမ်အာဏာပိုင်များသည်မေလ ၇ရက် ယနေ့ နံနက်အစောပိုင်းတွင် နိုင်ငံသား ၅၅ ဦးကို ထိုင်ဝမ်သို့ ပြန်လည်ခေါ်ဆောင်ခဲ့ပြီး၊ မြန်မာနိုင်ငံမှ ထိုင်ဝမ်သားကောင်များကို ပထမဆုံးအကြိမ်အကြီးစား ကယ်ဆယ်မှုအဖြစ် မှတ်တမ်းဝင်ခဲ့သည်။ ပြန်လည်ရောက်ရှိလာသူများထဲတွင် အသက်အကြီးဆုံးမှာ ၆၂ နှစ်ဖြစ်ပြီး အငယ်ဆုံးမှာ ၁၉ နှစ်ဖြစ်သည်။ ၎င်းတို့ထဲမှ နှစ်ဆယ့်ငါးဦးသည် မှုခင်းမှတ်တမ်းများနှင့်အတူ တရားခံပြေးများဖြစ်ပြီး နိုင်ငံတစ်ဝှမ်းရှိ တရားလိုရှေ့နေများထံ လွှဲပြောင်းပေးမည်ဖြစ်သည်။ (more…)

မေလ ၈၊ ၂၀၂၅။ သောင်ရင်းသတင်းလွှာ ကန်ချနပူရီပြည်နယ် နယ်စပ်အနီးတွင် မေလ ၆ရက်နေ့တွင် ပျံသန်းနေသည့် မြန်မာတိုက်လေယာဉ်တစ်စင်း ထိုင်းလေပိုင်နက်အတွင်းသို့ ဝင်ရောက်ခဲ့ခြင်းမရှိကြောင်း ဒုတိယဝန်ကြီးချုပ်နှင့် ကာကွယ်ရေးဝန်ကြီး Phumtham Wechayachai က အတည်ပြုပြောကြားခဲ့သည်ဟု ဘန်ကောက်ပို့စ်က မေလ ၈ရက်တွင်ဖော်ပြသည်။ Mr Phumtham က လေယာဉ်သည် နယ်စပ်အနီးသို့ ပျံသန်းသွားခြင်းမျှသာဖြစ်ကြောင်းမေလ ၇ရက်နေ့က ပြောကြားခဲ့သည်။ (more…)