မြန်မာဒုက္ခသည်တွေ

မြန်မာပြည်မှာဘဝတွေဟာ ဘယ်တုန်းကမှ မလွယ်ကူခဲ့ပေမဲ့ မကြာသေးမီနှစ်တွေအတွင်းမှာ ပိုလို့တောင် မရေရာမှုတွေဖြစ်လာခဲ့ပါတယ်။၂၀၂၁ ခုနှစ်မှာ စစ်တပ်က အာဏာသိမ်းခဲ့ပြီး ပြည်တွင်းစစ်ကို ဖြစ်ပေါ်စေခဲ့ပါတယ်။ စစ်ခေါင်းဆောင်တွေက နယ်မြေတွေကိုထိန်းချုပ်ခွဲပြီး ပြည်သူတွေကတောထဲကနေ ပြန်လည်တိုက်ခိုက်ဖို့ကြိုးစားနေချိန်မှာ လူငယ်တွေဟာ စစ်တပ်ထဲကို ဝင်ရောက်ဖို့အတင်းအကျပ် ခိုင်းစေခံနေရပါတယ်။ "ဒီနေရာအချို့မှာ အခြေအနေတွေ သိပ်ကြာကြာမတိုးတက်နိုင်တာကြောင့် စောင့်ကြည့်ရတာ စိန်ခေါ်မှုနဲ့ စိတ်ပျက်စရာပါပဲ" လို့ New American Resettlement West Michigan က Cavanaugh က ပြောကြားပါတယ်။ Huizenga ဟာ Battle Creek ရှိ ၎င်းရဲ့ မြန်မာနိုင်ငံသားတွေရဲ့စိုးရိမ်ပူပန်မှုတွေကို ပိုမိုကောင်းမွန်စွာ နားလည်သဘောပေါက်စေဖို့ နှစ်ဘက်ပါတီဝင်တွေပါဝင်တဲ့ကွန်ဂရက်လွှတ်တော် မှာမြန်မာကော်မတီကို ဖွဲ့စည်းခဲ့ပါတယ်။ “မြန်မာ့အရပ်သားလူထုအပေါ် ရက်စက်ကြမ်းကြုတ်တဲ့ အကြမ်းဖက်မှုတွေ ကျူးလွန်ဖို့ စစ်အာဏာရှင်တွေကို အသုံးပြုတဲ့ ၀င်ငွေရင်းမြစ်ကနေ ဖြတ်တောက်မယ့် BRAVE Burma Act ကို ပြန်လည်မိတ်ဆက်နေပါတယ်” လ်ု့ လွှတ်တော်အမတ်က သတင်း ထုတ်ပြန်ချက်မှာဖော်ပြထားပါတယ်။ 2023 ခုနှစ်အရောက်မှာ မြန်မာနိုင်ငံသား ၃၂၂,၁၇၃ ဦးဟာအမေရိကန်မှာ နေထိုင်လျက်ရှိကြပြီး မြန်မာနိုင်ငံကနေလူထောင်နဲ့ချီပြီး ထွက်ပြေးသွားခဲ့တယ်လို့Burmese American Community Institute ကနေသိရပါတယ်။ ယခင်နှစ်စာရင်းအရ မစ်ရှီဂန်မှာနေထိုင်သူ ၃၇၀၀ ခန့်ရှိတယ်လို့ Battle Creek ရှိ မြန်မာစင်တာကနေသိရပါတယ်။ Samaritas အဖွဲ့က၂၀၀၄ ခုနှစ်မှာ မြန်မာဒုက္ခသည်တွေကို စတင်လက်ခံချိန်ကစပြီး လူပေါင်း ၁၆၄၁ ဦးကို ဝန်ဆောင်မှုပေးခဲ့ပါတယ်။ မစ်ရှီဂန်ပြည်နယ်မှာ နေထိုင်သူအများစုဟာ Battle Creek မှာ နေထိုင်ကြပါတယ်။ စက်တင်ဘာ…