မြန်မာနိုင်ငံ

ဇွန်လ ၁၁၊ ၂၀၂၅။ သောင်ရင်းသတင်းလွှာ ထိုင်းနိုင်ငံအပါအဝင် အိမ်နီးချင်းနိုင်ငံအချို့မှတစ်ဆင့်ဖြစ်စေ နယ်စပ်လမ်းကြောင်းမှတစ်ဆင့် ဖြစ်စေမြန်မာနိုင်ငံသို့ တရားမဝင် ဝင်ရောက်လာသည့် တောင်ကိုရီးယားနိုင်ငံသား (၃)ဦးအား ကရင်ပြည်နယ် မြဝတီမြို့နယ် ကျောက်တော်ရှိ မြန်မာ-ထိုင်း ချစ်ကြည်ရေးတံတား အမှတ် (၂) တွင် ယနေ့(ဇွန်လ ၁ ရက်) က တရားဥပဒေနှင့်အညီ လွှဲပြောင်းပေးခဲ့ကြောင်း သိရသည်ဟု Asia News Newwork သတင်းစာမျက်နှာက ဇွန်လ ၁၁ရက်တွင်ဖော်ပြသည်။ ယင်းတို့သည် ကရင်ပြည်နယ်မြဝတီမြို့နယ် ရွှေကုက္ကို၊ မယ့်ထော်သလေး (KK Park) နှင့် ကေျာက်ခက်ကျေးရွာတို့မှအွန်လိုင်းငွေလိမ်ဂိုဏ်းများတွင်အလုပ်လုပ်ခဲ့ကြသူများဖြစ်ကြသည်ဟုဆိုသည်။ (more…)

ဇွန်လ ၁၁၊ ၂၀၂၅။ သောင်ရင်းသတင်းလွှာ မြန်မာနိုင်ငံတွင် ကပ်ဘေးငလျင်လှုပ်ခတ်ပြီး သုံးလနီးပါးအကြာတွင် နိုင်ငံသည် ရက်စက်ကြမ်းကြုတ်သောပြည်တွင်းစစ်နှင့်အတူ ၂၀၂၁ ခုနှစ် ဖေဖော်ဝါရီလတွင် စစ်အာဏာသိမ်းပြီးနောက် တိုင်းပြည်ကို ပျက်စီးစေခဲ့သော ရက်စက်ကြမ်းကြုတ်သော ပြည်တွင်းစစ်နောက်ဆက်တွဲနှင့် ဆက်လက်ရုန်းကန်နေရသည်ဟု ကုလသမဂ္ဂက ဇွန်လ ၁၀ရက်တွင်သတင်းထုတ်ပြန်သည်။ ထိုအချိန်မှစ၍ “လူထောင်ပေါင်းများစွာ သေဆုံးပြီး ထောင်နှင့်ချီ ဒဏ်ရာရသော်လည်း အကြမ်းဖက်မှုမှာ အဆုံးသတ်ခြင်းမရှိ” ဟု မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ် ဂျူလီဘစ်ရှော့က ဇွန်လ ၁၀ရက်နေ့က အထွေထွေညီလာခံတွင် အကျဉ်းချုံး ပြောကြားခဲ့သည်။ “အပစ်အခတ်ရပ်စဲရေး၊ အကြမ်းဖက်မှုတွေ အရှိန်လျော့ချရေးနဲ့ ပြည်သူတွေရဲ့ လိုအပ်ချက်တွေကို အာရုံစူးစိုက်မှုမရှိဘဲနဲ့ အားလုံးပါဝင်နိုင်တဲ့ ထာဝရငြိမ်းချမ်းရေးဆိုတာ မရှိနိုင်ဘူးလို့ ကျမတစိုက်မတ်မတ် အလေးပေးပြောကြားခဲ့ပါတယ်"ဟုသူကဆက်ပြောသည်။ နေအိမ်များ၊ ဆေးရုံများနှင့် စာသင်ကျောင်းများ အပျက်အစီးများကြားမှ လွတ်မြောက်လာသူများနှင့် စကားပြောဆိုပြီးနောက် မစ္စ ဘစ်ရှော့က ၎င်းတို့သည် “ငြိမ်းချမ်းစွာ နေထိုင်နိုင်စေရန်အတွက် တိုက်ပွဲများ ရပ်တန့်သွားစေလိုသည်” ဟု ပြောဆိုခဲ့သည်။ အပစ်အခတ်ရပ်စဲရေးဆိုင်ရာကိစ္စရပနှင့်ပတ်သက်ပြီးအဖွဲ့အစည်းအချို့က အပစ်အခတ်ရပ်စဲကြောင်း ကြေညာထားသော်လည်း “သူတို့ ကအရမ်းကြီးအလေးမထားပါဘူး” ဟု သူက ဆိုသည်။ (more…)

မေလ ၃၀၊ ၂၀၂၅။ သောင်ရင်းသတင်းလွှာ အိမ်နီးချင်း မြန်မာစစ်အစိုးရကို တိုက်ခိုက်နေသည့် AAတပ်တော်နှင့် ဆက်သွယ်ရေးလိုင်း ဖွင့်လှစ်ထားကြောင်း ဘင်္ဂလားဒေ့ရှ် နိုင်ငံခြားရေး ဝန်ကြီးဌာနမှ တာဝန်ရှိသူ တစ်ဦးက မေလ ၂၃ရက်နေ့တွင် ပြောကြားပြီးနောက် ဘင်္ဂလားဒေ့ရှ် နိုင်ငံမှ ၎င်း၏ သံအမတ်ကို ပြန်လည် ခေါ်ယူလိုက်ပြီ ဖြစ်သည်ဟု The Straits Times သတင်းကမေလ ၂၉ရက်တွင်ဖော်ပြသည်။ မြန်မာနိုင်ငံမြို့တော်နေပြည်တော်တွင် ၂၀၂၃ ခုနှစ် နှစ်လယ်ကတည်းက အမှုထမ်းခဲ့သည့် Monowar Hossain သည် ဒါကာသို့ ချက်ခြင်းပြန်သွားရန် အမိန့်ပေးထားကြောင်း အဆိုပါတာဝန်ရှိသူက အကြောင်းပြချက်မပေးဘဲ “အုပ်ချုပ်ရေးဆိုင်ရာ ဆုံးဖြတ်ချက်” အဖြစ် ဖော်ပြထားကြောင်း ပြောကြားခဲ့သည်။ ရိုဟင်ဂျာဒုက္ခသည်အကျပ်အတည်းနှင့်နယ်စပ်လုံခြုံရေးစိုးရိမ်မှုတွေကြောင့် ဘင်္ဂလားဒေ့ရှ်နှင့်မြန်မာကြား ဆက်ဆံရေး တင်းမာနေခဲ့သည်။မြန်မာစစ်အစိုးရ ပြောရေးဆိုခွင့်ရှိသူက မှတ်ချက်ပေးခြင်းမရှိပါ။ (more…)

မေလ ၂၀၊ ၂၀၂၅။ သောင်ရင်းသတင်းလွှာ အာဏာသိမ်းစစ်ခေါင်းဆောင် မင်းအောင်လှိုင်က မြန်မာနိုင်ငံသည် အမေရိကန်နှင့် တရုတ်နိုင်ငံတို့အကြား အတတ်နိုင်ဆုံး အကောင်းဆုံး နည်းလမ်းဖြင့် ဆက်ဆံသွားမည်ဖြစ်ကြောင်း ပြောကြားခဲ့သည်။ ရုရှားနိုင်ငံ မော်စကိုမြို့ရှိ Ararat Park Hotel တွင် မေလ ၈ ရက်က ပြုလုပ်ခဲ့သော RT နှင့် တွေ့ဆုံမေးမြန်းခန်းတွင် ၎င်းက အထက်ပါအတိုင်း ပြောကြားခဲ့ခြင်းဖြစ်သည်ဟု The Nation သတင်းကမေလ ၂၀ရက်နေ့တွင်ဖော်ပြသည်။ "မြန်မာ့နိုင်ငံခြားရေးမူဝါဒဟာ လွတ်လပ်ပြီးတက်ကြွပါတယ်။ နိုင်ငံပေါင်းစုံနဲ့ ချစ်ကြည်ရင်းနှီးတဲ့ ဆက်ဆံရေးကို ထိန်းသိမ်းထားပါတယ်။ အမေရိကန်ပြည်ထောင်စုဟာ မြန်မာနိုင်ငံအတွက် ချစ်ကြည်ရင်းနှီးတဲ့နိုင်ငံပါ။ ဒါပေမယ့် တရုတ်နိုင်ငံဟာ ကျွန်တော်တို့ရဲ့ အိမ်နီးချင်းသာမက ဗျူဟာမြောက် ဆွေမျိုးရင်းချာလည်း ဖြစ်ပါတယ်။ တရုတ်နဲ့ ကျွန်တော်တို့ရဲ့ ဆက်ဆံရေးဟာ တခြားနိုင်ငံတွေနဲ့ ယှဉ်ရင် ထူးခြားပါတယ်။ ဒါကြောင့် နှစ်နိုင်ငံစလုံးနဲ့ အတတ်နိုင်ဆုံး အကောင်းဆုံး ဆက်ဆံနိုင်အောင် ကြိုးစားသွားမှာပါ" ဟု သူက ပြောကြားခဲ့သည်။ ယူကရိန်းပဋိပက္ခအပြီးတွင် အမေရိကန်သည် တရုတ်နှင့် ထိပ်တိုက်ရင်ဆိုင်မှုများ အရှိန်မြှင့်နိုင်မလား၊ စစ်ရေးပဋ္ဌိပက္ခများ မကြာမီ ဖြစ်ပေါ်လာနိုင်ချေ ရှိမရှိ မေးမြန်းသောအခါတွင် မင်းအောင်လှိုင်က ဖြစ်နိုင်ချေကို အသိအမှတ်ပြုခဲ့သည်။ (more…)

မေလ ၁၉၊ ၂၀၂၅။ သောင်ရင်းသတင်းလွှာ မြန်မာနိုင်ငံမှ ဗီယက်နမ်နိုင်ငံသား စုစုပေါင်း (၄၇၁) ဦးကို ဧပြီ၈ရက်၊ဧပြီ၂၈ရက်နှင့်မေလ ၁၄ရက်တို့တွင်သုံးကြိမ်နေရပ်သို့ဘေးကင်းစွာ ပို့ဆောင်နိုင်ခဲ့ကြောင်း နိုင်ငံခြားရေဝန်ကြီးဌာန(MOFA)မှ သိရသည်ဟု Vietnam News သတင်းကမေလ ၁၈ရက်တွင်ဖော်ပြသည်။ ဤသည်မှာ သက်ဆိုင်ရာ ဝန်ကြီးဌာနများနှင့် အေဂျင်စီများနှင့် ညှိနှိုင်းပြီး MoFA ဦးဆောင်သော အကြီးစား ဖြန့်ကျက်မှု၏ ကနဦး အောင်မြင်သော ရလဒ်ဖြစ်သည်။ နေရပ်ပြန်ပို့ရေးသတင်းနှင့်အတူ MoFA လက်အောက်ရှိ ကောင်စစ်ဝန်ဦးစီးဌာန လက်ထောက်ညွှန်ကြားရေးမှူး Lương Thanh Quang က မကြာသေးမီက မြန်မာနိုင်ငံ မြဝတီမြို့ရှိ နိုင်ငံသားများ ကာကွယ်ရေးနှင့် ပတ်သက်သည့် အကြောင်းအရာများစွာကို ရှင်းလင်းပြောကြားခဲ့ပါသည်။ မြဝတီမြို့သည် မြန်မာနိုင်ငံ အရှေ့တောင်ပိုင်းတွင် တည်ရှိပြီး ထိုင်းနိုင်ငံ မဲဆောက်မြို့မှ သောင်ရင်းမြစ်ဖြင့် ပိုင်းခြားထားသော ကရင်ပြည်နယ်တွင် ရှိကြောင်း Quang က ရှင်းပြသည်။ (more…)

မေလ ၁၂၊ ၂၀၂၅။ သောင်ရင်းသတင်းလွှာ မြန်မာပညာရှင် ဆိုဖီယာထွေးသည် မတ်လနှောင်းပိုင်းတွင် ရစ်ခ်ျတာစကေး ၇.၇ ရှိ ငလျင်လှုပ်ခတ်ပြီးနောက် ဩစတေးလျနိုင်ငံရှိ၎င်း၏နေအိမ်သို့ဖုန်ခေါ်ရန် နာရီပေါင်းများစွာ ကြိုးစားခဲ့ရပြီး ငယ်သူငယ်ချင်းတစ်ဦးမှာ အပျက်အစီးများထဲတွင် ပိတ်မိနေကြောင်း သိရှိရသည်။ မန္တလေးမြို့အနောက်မြောက်ဘက်စစ်ကိုင်းမြို့မှ သူငယ်ချင်းဖြစ်သူက သူ့ကိုပြောပြသည်မှာ အဆိုပါသူငါ်ချင်းမှာလွတ်မြောက်လာသော်လည်း ဆေးကုသမှုမခံယူဘဲ ဒဏ်ရာများဖြင့် သေဆုံးသွားခဲ့ရသည်ဟုဆိုသည်။ “ဒါက တကယ်ပဲကျမကို ကြေကွဲစေတယ်… ဒါက စစ်အာဏာရှင်တွေနဲ့စစ်တပ်က အာဏာသိမ်းမှုရဲ့ရှုံးနိမ့်မှုပဲ” ဟု ၂၀၂၁ ခုနှစ် ဖေဖော်ဝါရီလတွင် အာဏာသိမ်းပြီးနောက် စစ်အစိုးရ၏ ကျန်းမာရေးစောင့်ရှောက်မှုလုပ်ငန်းများအပေါ် တိုက်ခိုက်မှုများကို ရည်ညွှန်းပြီး သူမက ပြောကြားခဲ့သည်။ လူပေါင်း ၃၇၀၀ ကျော် သေဆုံးပြီး ၅၀၀၀ ဒဏ်ရာရခဲ့သည့် ငလျင်သည် စစ်အုပ်ချုပ်ရေးအောက်တွင် ဆရာဝန်နှင့် သူနာပြုများ ပြင်းထန်စွာနှင့်သိသိသာသာ ကျဆင်းသွားသည့်ကျန်းမာရေးစနစ်အား လျင်မြန်စွာ လွှမ်းခြုံသွားခဲ့သည်ဟု ကမ္ဘာ့ကျန်းမာရေးအဖွဲ့ (WHO) ၏ ကိန်းဂဏန်းများက ဖော်ပြသည်။ စစ်တပ်က အာဏာသိမ်းပြီးနောက် ပေါ်ပေါက်လာသည့် စစ်အာဏာရှင်ဆန့်ကျင်ရေး လှုပ်ရှားမှုတွင် ဆရာဝန်နှင့်ဆေးဘက်ဆိုင်ရာကျွမ်းကျင်သူများက အရေးပါသော အခန်းကဏ္ဍမှ ပါဝင်ခဲ့ပြီးနောက် စစ်တပ်က ၎င်း၏အုပ်ချုပ်မှုကို ဆန့်ကျင်ဘက်များကို ဖယ်ရှားရန် ကြိုးပမ်းနေသောကြောင့် ကျန်းမာရေးစောင့်ရှောက်မှု အဆောက်အအုံများကို တိုက်ခိုက်မှုအပေါ် လူအများက အပြစ်တင်ကြသည်။ (more…)

မေလ ၁၁၊ ၂၀၂၅။ သောင်ရင်းသတင်းလွှာ မတ်လ ၂၈ ရက်က မြန်မာနိုင်ငံအလယ်ပိုင်းတွင် ရစ်ခ်ျတာစကေး ၇ ဒသမ ၇ အဆင့်ရှိ ငလျင်လှုပ်ခတ်ခဲ့ပြီး ပျက်စီးဆုံးရှုံးမှုများ ကျယ်ကျယ်ပြန့်ပြန့် ဖြစ်ပွားခဲ့သည်။ ဆန်းဒါးလန်းတက္ကသိုလ်မှ မြန်မာလူ့အဖွဲ့အစည်းသည် ကယ်ဆယ်ရေးလုပ်ငန်းများကို ပံ့ပိုးကူညီရန်အတွက် ကမ္ဘာလုံးဆိုင်ရာ ယဉ်ကျေးမှုနေ့တွင် ရန်ပုံငွေပွဲတစ်ခု ပြုလုပ်ခဲ့သည်ဟု The Northern Echo စာမျက်နှာက မေလ ၁၀ရက်တွင် ဖော်ပြသည်။ ကျောင်းသားများနှင့် ဝန်ထမ်းများသည် မြန်မာသင်္ကြန်နှစ်သစ်ကူးပွဲတော်ကို ဆင်နွှဲကြပြီး ရန်ပုံငွေပွဲအတွက် အလှူငွေထည့်ဝင်ကြရန် တက္ကသိုလ်ကျောင်းဝင်းအတွင်း ကျောင်းသားများနှင့် ဝန်ထမ်းများလည်း စုရုံးခဲ့ကြသည်။ (more…)

မေလ ၉၊၂၀၂၅။ သောင်ရင်းသတင်းလွှာ ဂျပန်နိုင်ငံမီယာဂီစီရင်စု ရဲတပ်ဖွဲ့သည် စီရင်စုမှ အသက် ၁၇ နှစ်အရွယ်အထက်တန်းကျောင်းသားတစ်ဦးပျောက်ဆုံးမှုနှင့် ပတ်သက်၍ မြန်မာနိုင်ငံတွင်နိုင်ငံတကာသို့ အွန်လိုင်းလိမ်လည်မှုလုပ်ငန်းတစ်ခုအတွက် လူကုန်ကူးသူဟု သံသယရှိသူ တစ်ဦးကို မေလ ၇ ရက်က ဖမ်းဆီးခဲ့သည်ဟု အဆာဟိရှင်ဘွန်းသတင်းက မေလ ၈ရက်တွင်ဖော်ပြသည်။ ရဲတပ်ဖွဲ့၏ အဆိုအရ Tomu Fujinuma သည် အသက် (၂၉ နှစ်)သည် ဆယ်ကျော်သက် လူငယ်တစ်ဦးအား ဇန်နဝါရီ ၁၀ ရက်က ထိုင်းနိုင်ငံ လေဆိပ်တစ်ခုတွင် တွေ့ဆုံခဲ့ပြီး နိုင်ငံတကာ ငွေလိမ်လည်မှုစင်တာတွင် အလုပ်ခိုင်းစေရန်အတွက်မြန်မာနိုင်ငံသို့သွားရောက်ရန်လိမ်လည်စည်းရုံး ဆွဲဆောင်ခဲ့ကြောင်း သိရသည်။ အဆိုပါ ဆယ်ကျော်သက်ကို ဖူဂျီနူမာအွန်လိုင်းဂိမ်းမှတဆင့်ထိုင်းတွင် ရိုးရှင်းစွာဖြင့်ငွေရလွယ်သောအလုပ်ရရှိမည်ကတိပေးသည့် တွဲဖက်တစ်ဦးကအွန်လိုင်းဆက်သွယ်ခဲ့ကြောင်း ရဲတပ်ဖွဲ့က ပြောကြားခဲ့သည်။ (more…)

မေလ ၈၊ ၂၀၂၅။ သောင်ရင်းသတင်းလွှာ အမေရိကန်နှင့် ၎င်း၏မဟာမိတ်များသည် မြန်မာနိုင်ငံတွင် “လက်ဝေခံစစ်ပွဲ” တစ်ခုဆင်နွှဲရန် ပြင်ဆင်နေသည်ဟု ဆိုထားသော တောင်အာရှ(ဘင်္ဂလားဒေ့ရှ်နိုင်ငံ)တွင် အဓိကအားဖြင့် တွေ့ရသော တွေးခေါ်မှုတစ်ခုရှိသည်။ အဆိုပါ စစ်ဆင်ရေးသည် မြန်မာစစ်တပ် (တပ်မတော်) ကို ချေမှုန်းရန်နှင့် အိန္ဒိယ သမုဒ္ဒရာအတွင်းသို့ တရုတ်နိုင်ငံမှ ဝင်ရောက်ခွင့်ကို ငြင်းပယ်ရန် ရည်ရွယ်ခြင်း ဖြစ်သည်။  လွန်ခဲ့သည့်နှစ်အနည်းငယ်အတွင်း၊ ထိုသို့သော အရေးဆိုမှုများကို ပြည်တွင်းသတင်းများနှင့် အချို့သောဝဘ်ဆိုဒ်များတွင် ဆောင်းပါးများနှင့် အယ်ဒီတာ့အာဘော်မှတ်ချက်များက ဖော်ပြခဲ့ကြသည်။ ဇာတ်ကြောင်း၏ အခြေခံအကျဉ်းများမှာ အောက်ပါအတိုင်းဖြစ်သည်။ (more…)