အာရှအခြေစိုက်အွန်လိုင်းငွေလိမ်ဂိုဏ်းများအားနှိမ်နှင်းရာတွင် လူပေါင်း ၁၈၀၀ ကျော် ဖမ်းဆီးခံခဲ့ရ
ဇွန်လ ၅၊ ၂၀၂၅။ သောင်ရင်းသတင်းလွှာ အွန်လိုင်းငွေလိမ်လည်မှုကွန်ရက်များကို ပစ်မှတ်ထား၍ အာရှတစ်ဝှမ်း ပူးတွဲစစ်ဆင်ရေးတွင် လူပေါင်း ၁၈၀၀ ကျော်ကို ဖမ်းဆီးထားကြောင်း ဟောင်ကောင်ရဲတပ်ဖွဲ့က ဇွန်လ ၃ရက်နေ့တွင် ပြောကြားခဲ့သည်ဟု Khaisod သတင်းကဖော်ပြသည်။ အခြားတရားစီရင်ပိုင်ခွင့်ခြောက်ခုရှိ အာဏာပိုင်များပါဝင်သည့် နှိမ်နင်းမှုသည် အမေရိကန်ဒေါ်လာ သန်း ၂၀ ခန့်ပါဝင်သော လိမ်လည်ငွေများကို အောင်မြင်စွာ ကြားဖြတ်ဟန့်တားနိုင်ခဲ့ကြောင်း မြို့တော်ရဲ၏ ကူးသန်းရောင်းဝယ်ရေး ရာဇဝတ်မှုဗျူရို၏ အကြီးအကဲ ဝေါင်ချွန်းယွဲက ပြောကြားခဲ့သည်။ တောင်ကိုရီးယား၊ ထိုင်း၊ စင်္ကာပူနှင့် အိမ်နီးချင်းတရုတ်လောင်းကစားစင်တာ မကာအိုတို့ ပူးပေါင်းလုပ်ဆောင်သည့် လည်ပတ်မှုအတွင်း လိမ်လည်ကွန်ရက်များ ပိတ်သွားခဲ့ကြောင်း ၎င်းက ပြောသည်။ မလေးရှားနှင့် မော်လ်ဒိုက်မှ အာဏာပိုင်များလည်း ပါဝင်သည့် အဆိုပါ စစ်ဆင်ရေးသည် အွန်လိုင်းစျေးဝယ်မှုနှင့် တယ်လီဖုန်း လိမ်လည်မှုများအပြင် ရင်းနှီးမြှုပ်နှံမှုနှင့် အလုပ်အကိုင် လိမ်လည်မှုများကိုပါ ပစ်မှတ်ထားခဲ့သည်။ မေလ ၂၈ ရက်အထိ တစ်လအတွင်း အကောင့်ပေါင်း ၃၃၀၀၀ နီးပါးကို ပိတ်ထားကြောင်း ဝေါင်က ပြောသည်။ ဖမ်းဆီးခံရသူများမှာ အသက် ၁၄ နှစ်မှ ၈၁ နှစ်ကြားဖြစ်ကြသည်။ (more…)