ငလျင်အကဲဖြတ်ရေးမစ်ရှင်

ဇွန်လ ၁၂၊ ၂၀၂၅။ သောင်ရင်းသတင်းလွှာ မြန်မာနိုင်ငံအလယ်ပိုင်းတွင် ၂၀၂၅ ခုနှစ် မတ်လ ၂၈ ရက်က လှုပ်ခတ်ခဲ့သော ရစ်ခ်ျတာစကေး ၇ ဒသမ ၇ အဆင့်ရှိ ငလျင်ကြောင့် လူပေါင်း ၁၅ သန်းကျော် ထိခိုက်ခဲ့ပြီး အဆောက်အအုံပေါင်း သန်းဝက်ခန့် ပျက်စီးသွားပြီးနောက် ပြန်လည်ထူထောင်ရေး လုပ်ငန်းများ လုပ်ဆောင်ရန် ကုလသမဂ္ဂပညာရေး၊သိပ္ပံနှင့်ယဥ်ကျေးမှုအဖွဲ့ UNESCO မှ ခြေလှမ်းစတင်ခဲ့သည်ဟု ဇွန်လ ၁၁ရက်နေ့တွင် UNESCO စာမျက်နှာတွင်ဖော်ပြသည်။ ကမ္ဘာလုံးဆိုင်ရာ အင်ဂျင်နီယာနှင့် သဘာဝဘေးအန္တရာယ် စီမံခန့်ခွဲရေးကုမ္ပဏီ Miyamoto International မှ အင်ဂျင်နီယာများနှင့် ပူးပေါင်း၍ UNESCO သည် နိုင်ငံအတွင်း အဆိုးရွားဆုံး ဖြစ်ပွားခဲ့သော ဒေသများတစ်လျှောက် ဘေးကင်းသော စာသင်ကျောင်းများ၊ ဆေးရုံများနှင့် အိမ်ရာများ လုံခြုံစွာ ပြန်လည်တည်ဆောက်ရေးအတွက် ၂၀၂၅ ခုနှစ် ဧပြီလ ၂၈ ရက်နေ့မှ မေလ ၂ရက်နေ့အထိ လျင်မြန်သော ဘေးကင်းရေး အကဲဖြတ်မှုမစ်ရှင်ကို ဖွဲ့စည်းခဲ့ပါသည်။ 'ဤအကဲဖြတ်မှုမရှိပါက ကျနော်တို့ဟာ ဆေးရုံကိုအမှုမဲ့အမှတ်မဲ့ ပြန်လည်ဖွင့်လှစ်မိတော့မှာပါခုအခါ ကျနော်တို့ဟာ အသက်အန္တရာယ်ကို ကာကွယ်ရန် လိုအပ်နေတာတွေသကို သိရှိနေပါပြီ” ဟု ၎င်း၏ အဆောက်အအုံကို UNESCO ၏ အကဲဖြတ်မှုအပြီး ဆေးရုံဒါရိုက်တာတစ်ဦးက ပြောကြားခဲ့သည်။ (more…)