ဖမ်းဆီး

ဩဂုတ်လ ၂၉၊ ၂၀၂၅။ သောင်ရင်းသတင်းလွှာ မြန်မာနဲ့လာအိုနိုင်ငံတို့မှာ ကလေးညစ်ညမ်းရုပ်ပုံတွေ ထုတ်လုပ်တယ်လို့ စွပ်စွဲခံထားရတဲ့ ဂျပန်အမျိုးသားနှစ်ဦးကို သြဂုတ် ၂၇ရက်နေ့က ဖမ်းဆီးခဲ့ကြောင်း ရဲတပ်ဖွဲ့က ပြောကြားခဲ့တယ်လို့ ဘန်ကောက်ပို့စ်သတင်းက သြဂုတ် ၂၉ရက်မှာဖော်ပြပါတယ်။ အိုဆာကာမြို့က အသက် ၆၀ အရွယ် သွားဆရာဝန် Yoshihiro Shirai နဲ့ Nagoya မှာ နေထိုင်သူ အသက် ၆၅ နှစ်အရွယ် Kazuhiko Uji တို့ကိုဖမ်းဆီးခဲ့ပြီးသူတို့ဟာလာအိုမှာကလေးပြည့်တန်ဆာ ကျူးလွန်ခြင်းကို ဂျပန်ဥပဒေအရ အပြစ်ပေးခံရမည်လို့ဂျပန် နိုင်ငံခြားရေးဌာနက သတိပေးပြီးနောက် ထွက်ပေါ်လာတာဖြစ်ပါတယ်။ ဂျပန်အမျိုးသားတွေဟာ လာအိုက ကလေးပြည့်တန်ဆာလုပ်ငန်းမှာ ပါဝင်ပတ်သက်နေတယ်လို့ဆိုရှယ်မီဒီယာမှာ ရေးသားဖော်ပြမှုများရှိကြောင်း ဝန်ကြီးဌာနက ဇွန်လအတွင်းက ၎င်းရဲ့ဝက်ဘ်ဆိုက်မှာပြောကြားခဲ့ပါတယ်။ ရဲတပ်ဖွဲ့ရဲ့ အဆိုအရ Shirai ဟာ ပြီးခဲ့တဲ့နှစ်အောက်တိုဘာလက မြန်မာနိုင်ငံမှာ ၁၈ နှစ်အောက် မိန်းကလေးတစ်ဦးရဲ့ မဖွယ်မရာပုံတွေကိုရိုက်ယူမှုနဲ့ဖမ်းဆီးခံခဲ့ရပါတယ်။ စွပ်စွဲချက်ကို ၎င်းက ငြင်းဆိုထားပါတယ်။ (more…)

မေလ ၂၇၊ ၂၀၂၅။ သောင်ရင်းသတင်းလွှာ မြန်မာနိုင်ငံမှ နယ်စပ်ဖြတ်ကျော်ပြီး ထိုင်းနိုင်ငံအတွင်းသို့ ဘတ်ငွေ ၁၈ သန်း (ဒေါ်လာ ၅၅၂,၀၀၀) နီးပါး တရားမဝင် သယ်ဆောင်လာသည့် အသက် ၂၅ နှစ်အရွယ် ထိုင်းအမျိုးသားတစ်ဦးကို Sangkhlaburi ခရိုင် ရဲတပ်ဖွဲ့က ဖမ်းဆီးလိုက်သည်ဟု Khaosod သတင်းကမေလ ၂၇ရက်တွင်ဖော်ပြသည်။ ထိုင်းနိုင်ငံတွင် အိမ်ရှေ့ဝင်ပေါက်နှင့် အနောက်တံခါးကို မြန်မာနိုင်ငံသို့ တိုက်ရိုက်ဖွင့်ထားသည့် “ဒိုရာမွန်တံခါး” ဟုဒေသခံများက ခေါ်ဝေါ်သည့် တံခါးကို အကြိမ်ကြိမ် အသုံးပြုခဲ့သည်ဟု သံသယရှိသူက ဝန်ခံခဲ့သည်။ အဆိုပါနယ်မြေအတွင်း စစ်ဆေးရေးဂိတ်များ အရှိန်အဟုန်မြှင့် ဆောင်ရွက်လျက်ရှိသည့်အထူးတပ်ဖွဲ့၏ အကူအညီဖြင့် မေလ ၂၆ ရက်က ဖမ်းဆီးခဲ့ခြင်းဖြစ်သည်။ (more…)

မေလ ၁၉၊ ၂၀၂၅။ သောင်ရင်းသတင်းလွှာ မေလ ၁၇ ရက်က ဘန်ကောက်မြို့ RCA နယ်မြေရှိ နာမည်ကြီး လမ်းဘေး အစားအသောက်ဈေးတွင် တရားမဝင် ဝင်ရောက်မှုနှင့် ပါမစ်မရှိဘဲ အလုပ်လုပ်ကိုင်မှုတို့ဖြင့် မြန်မာနိုင်ငံသား ငါးဦးကို ဖမ်းဆီးခဲ့သည်ဟု The Thaiger သတင်းကမေလ ၁၈ရက်တွင်ဖော်ပြသည်။ လူဝင်မှုကြီးကြပ်ရေး တာဝန်ရှိသူများသည် ၎င်းတို့၏ အလုပ်ရှင်များအား တရားစွဲဆိုရန် စုံစမ်းမှုများ တိုးချဲ့ဆောင်ရွက်လျက်ရှိသည်။ လူဝင်မှုကြီးကြပ်ရေး ဗျူရို ကော်မရှင်နာ ရဲချုပ် Phanumart Boonyaluck ၊ရဲမှူးချုပ် Prasath Khemprasert ၊လူဝင်မှုကြီးကြပ်ရေးဌာနခွဲ၁ အကြီးအကဲ ရဲမှူးကြီး Pholasit Sutthiaj နှင့်ဒုရဲမှူးကြီး Suriya Puangsombat တို့နှင့်အတူ မှုခင်းကြိုတင်ကာကွယ်ရေး အရှိန်အဟုန်မြှင့် ဆောင်ရွက်ရန် ညွှန်ကြားခဲ့သည်။ လူကုန်ကူးမှု၊ ပြည့်တန်ဆာနှင့် အဓမ္မလုပ်အားပေးခိုင်းစေမှု အထူးသဖြင့် လမ်းဘေးအစားအစာဈေးကွက်များတွင် နိုင်ငံခြားသားများပါ၀င်ပတ်သက်မှုအပေါ် အဓိကအာရုံစိုက် သည်။ (more…)

မေလ ၁၂၊ ၂၀၂၅။ သောင်ရင်းသတင်းလွှာ ထိုင်းနိုင်ငံ၊ ကန်ချနပူရီခရိုင် ဆောင်ခလာဘူရီမြို့ တွင်မြန်မာဘက်မှအထောက်အထားမဲ့ ရွှေ့ပြောင်းနေထိုင်သူ ၂၂ ဦးကို ထိုင်းအာဏာပိုင်တွေက မေလ ၁၁ ရက်နေ့က ဖမ်းဆီးလိုက်ကြောင်းဘန်ကောက်ပို့စ်ကမေလ၁၂ ရက်တွင်ဖော်ပြသည်။ အဆိုပါ စစ်ဆင်ရေးအား Surasee Task Force မှ ဆောင်ရွက်ခဲ့ခြင်းဖြစ်ပြီး နယ်စပ်ဒေသတွင် တရားမဝင် ဖြတ်ကျော်ဝင်ရောက်မှုများ ရှိနေကြောင်း ထောက်လှမ်းရေး သတင်းများ ထွက်ပေါ်လာပြီးနောက် လုံခြုံရေးတပ်ဖွဲ့များက ပံ့ပိုးကူညီမှုများ ပြုလုပ်ခဲ့ခြင်း ဖြစ်သည်။ (more…)

မေလ ၉၊၂၀၂၅။ သောင်ရင်းသတင်းလွှာ ဂျပန်နိုင်ငံမီယာဂီစီရင်စု ရဲတပ်ဖွဲ့သည် စီရင်စုမှ အသက် ၁၇ နှစ်အရွယ်အထက်တန်းကျောင်းသားတစ်ဦးပျောက်ဆုံးမှုနှင့် ပတ်သက်၍ မြန်မာနိုင်ငံတွင်နိုင်ငံတကာသို့ အွန်လိုင်းလိမ်လည်မှုလုပ်ငန်းတစ်ခုအတွက် လူကုန်ကူးသူဟု သံသယရှိသူ တစ်ဦးကို မေလ ၇ ရက်က ဖမ်းဆီးခဲ့သည်ဟု အဆာဟိရှင်ဘွန်းသတင်းက မေလ ၈ရက်တွင်ဖော်ပြသည်။ ရဲတပ်ဖွဲ့၏ အဆိုအရ Tomu Fujinuma သည် အသက် (၂၉ နှစ်)သည် ဆယ်ကျော်သက် လူငယ်တစ်ဦးအား ဇန်နဝါရီ ၁၀ ရက်က ထိုင်းနိုင်ငံ လေဆိပ်တစ်ခုတွင် တွေ့ဆုံခဲ့ပြီး နိုင်ငံတကာ ငွေလိမ်လည်မှုစင်တာတွင် အလုပ်ခိုင်းစေရန်အတွက်မြန်မာနိုင်ငံသို့သွားရောက်ရန်လိမ်လည်စည်းရုံး ဆွဲဆောင်ခဲ့ကြောင်း သိရသည်။ အဆိုပါ ဆယ်ကျော်သက်ကို ဖူဂျီနူမာအွန်လိုင်းဂိမ်းမှတဆင့်ထိုင်းတွင် ရိုးရှင်းစွာဖြင့်ငွေရလွယ်သောအလုပ်ရရှိမည်ကတိပေးသည့် တွဲဖက်တစ်ဦးကအွန်လိုင်းဆက်သွယ်ခဲ့ကြောင်း ရဲတပ်ဖွဲ့က ပြောကြားခဲ့သည်။ (more…)

မတ်လ ၂၅၊ ၂၀၂၅။ သောင်ရင်းသတင်းလွှာ မြန်မာနိုင်ငံမှ ငွေလိမ်ဂိုဏ်းတစ်ခုတွင်အလုပ်လုပ်ကိုင်ရန်အတွက် ဂျပန်အထက်တန်းကျောင်းသားတစ်ဦးအား လိမ်လည်လှည့်ဖြားမှုဖြင့် ထိုင်းနိုင်ငံတွင် ထိန်းသိမ်းခံထားရသည့် အသက် ၂၉ နှစ်အရွယ် ဂျပန်အမျိုးသားတစ်ဦးကို ဂျပန်ရဲတပ်ဖွဲ့က မတ်လ ၂၅ရက်နေ့တွင် ဖမ်းဆီးခဲ့သည်ဟု JiJi သတင်းကဖော်ပြသည်။သံသယရှိသူ Tomu Fujinuma သည် အသက် ၂၀ နှစ်ခန့်ရှိ အသိမိတ်ဆွေတစ်ဦးအား Osaka မြို့အနောက်ပိုင်းရှိ လမ်းတစ်ခုမှ ယာဉ်တစ်စင်းသို့ ခေါ်ဆောင်သွားသည်ဟု စွပ်စွဲကာ ကျူးလွန်ခံရသူအား ရိုက်နှက်ပြီး ချုပ်နှောင်ကာ မော်တော်ယာဉ်ဖြင့် ဖမ်းဆီးခေါ်ဆောင်ခဲ့သည်ဟုစွတ်စွဲခံထားရသူဖြစ်သည်။ (more…)