မြန်မာ

ဩဂုတ်လ ၂၅၊ ၂၀၂၅။ သောင်ရင်းသတင်းလွှာ “ကာဂျီကီ” လို့ အမည်ရတဲ့တောင်တရုတ်ပင်လယ်က တိုင်ဖွန်းမုန်တိုင်းဟာ မြန်မာနိုင်ငံကို အကြွင်းအကျန် မိုးတိမ်တောင် အဖြစ် သက်ရောက်မှုရှိမှာဖြစ်ပြီး မိုးကြီး၊ ရေကြီး၊ မြေပြိုမှုတွေ ဖြစ်နိုင်တယ်လို့ မိုးလေဝသနဲ့ဇလဗေဒညွှန်ကြားမှူးဦးစီးဌာနညွှန်ကြားရေးမှူးချုပ် ဦးကျော်မိုးဦးက ပြောတယ်လို့ BBC သတင်းက သြဂုတ်။ ၂၅ ရက်မှာဖော်ပြပါတယ်။ “ဒီနေ့ ညနေ ဗီယက်နမ်မှာ အားအပြင်းဆုံးရောက်မယ်။ ပြီးရင် လာအိုမှာ အားလျော့သွားမယ်။ မြန်မာနိုင်ငံကို ဝင်ရင်တော့ အကြွင်းအကျန် တိမ်တိုက်အဖြစ်ဝင်မယ်။ ရေကြီး၊ ရေလျှံတာ၊ မြေပြိုတာ၊ နဲ့ လျှပ်စီးလျပ်တာတွေ ဖြစ်နိုင်တယ်။” လို့ ဦးကျော်မိုးဦးက ပြောပါတယ်။ ပြင်ပ မိုးဇလခန့်မှန်းတဲ့အဖွဲ့ မိုးလေဝသမြန်မာ (ရန်ကုန်ဌာနခွဲ) ကတော့ ဩဂုတ် ၂၇ ရက်မှာ ထိုင်း-လာအို-မြန်မာ နယ်စပ်ကို ကုန်းတွင်းမုန်တိုင်းငယ်အဖြစ်နဲ့ ဩဂုတ် ၂၈ ရက်မှာ မြန်မာနိုင်ငံ ရှမ်းပြည်နယ် အရှေ့ပိုင်းနဲ့ တောင်ပိုင်းကို ကာဂျီကီရဲ့ အကြွင်းအကျန် လေဖိအားနည်းရပ်ဝန်းအဖြစ် အားပျော့သွားမယ်လို့ ခန့်မှန်းထားပါတယ်။ “ကာဂျီကီ” တိုင်ဖွန်း အကြွင်းအကျန် လေဖိအားနည်းရပ်ဝန်းအဖြစ် မြန်မာနိုင်ငံကို ဝင်ရောက်မှာဖြစ်လို့ ဩဂုတ် ၂၅ ရက်ကနေ စက်တင်ဘာ ၁ ရက်နေ့အထိ တစ်နိုင်ငံလုံးမှာ နေရာအနှံ့ မိုးထစ်ချုန်းရွာကာ ဒေသအလိုက် မိုးကြီးတာ၊ မိုးသည်းထန်တာ နဲ့ မိုးသက်လေပြင်း တိုက်ခတ်တာ ဖြစ်ပေါ်နိုင်တယ်လို့လည်း မိုးလေဝသမြန်မာ (ရန်ကုန်ဌာနခွဲက) ခန့်မှန်းချက်ထုတ်ပါတယ်။ (more…)

ဩဂုတ်လ ၂၀၊ ၂၀၂၅။ သောင်ရင်းသတင်းလွှာ မြဝတီခရိုင်ကမြန်မာလုံခြုံရေး အာဏာပိုင်တွေက တရုတ် အာဏာပိုင်တွေ အလိုရှိနေတဲ့ လိမ်လည်သူ ကွန်ရက် ဖြိုခွင်းမှုနှင့် ဆက်စပ်နေတဲ့တရုတ်နိုင်ငံသား ၉၄ ဦးကို ထိုင်းနယ်စပ်ကတစ်ဆင့် တရုတ်အရာရှိတွေဆီကို သြဂုတ် ၂၀ရက်နေ့က လွှဲပြောင်းပေးခဲ့တယ်လို့ Khaosod သတင်းကဖော်ပြပါတယ်။ သြဂုတ် ၂၀ ရက် နံနက် ၁၁ နာရီမှာ မြဝတီခရိုင်လုံခြုံရေး တာဝန်ရှိသူတွေနဲ့ နယ်ခြားစောင့်တပ် (BGF) တပ်ဖွဲ့ဝင်တွေကမကြာသေးမီက ဖြိုခွင်းခံထားရတဲ့လိမ်လည်သူကွန်ရက်တွေနဲ့ချိတ်ဆက်ထားတဲ့တရုတ်နိုင်ငံသား ၉၄ ဦးကို မြဝတီ-မဲဆောက် အမြဲတမ်းနယ်စပ်ဂိတ် အမှတ် (၂) ဆီကိုလွှဲပြောင်းပေးအပ်ခဲ့ပြီး ထိုင်းဘက်ခြမ်းကအကြီးတန်းအရာရှိတွေဆီကို လွှဲပြောင်းပေးအပ်ခဲ့ပါတယ်။ မဲဆောက် အမြဲတမ်း နယ်စပ်ဂိတ် အမှတ် (၂) မှာ တရုတ်နိုင်ငံသားတွေကို ပို့ဆောင်တဲ့ ဘတ်စ်ကားတွေ ရောက်ရှိလာချိန်မှာတော့ မဲဆောက်ခရိုင် လုံခြုံရေး အရာရှိတွေက ထိုင်းလူဝင်မှု ကြီးကြပ်ရေး လုပ်ထုံးလုပ်နည်းတွေနဲ့ လိုက်ပါဆောင်ရွက်ခဲ့ပါတယ်။ မဲဆောက်အပြည်ပြည်ဆိုင်ရာလေဆိပ်ဆီကိုတရုတ်နိုင်ငံသားအားလုံးကို ပို့ဆောင်ဖို့အာဏာပိုင်တွေက ယာဉ်တန်းမစီစဉ်မီ တစ်နာရီကျော်ကြာ မှတ်ပုံတင်ခြင်း လုပ်ငန်းစဉ်ကို လုပ်ဆောင်ခဲ့ပါတယ်။ မဲဆောက် အပြည်ပြည်ဆိုင်ရာ လေဆိပ်မှာ စင်းလုံးငှား တရုတ်တောင်ပိုင်း လေကြောင်းလိုင်း လေယာဉ်နှစ်စင်းက လွှဲပြောင်းပေးမှုကို စောင့်မျှော်နေပါတယ်။ (more…)

မေလ ၃၀၊ ၂၀၂၅။ သောင်ရင်းသတင်းလွှာ မြန်မာနိုင်ငံအထက်ပိုင်းဘက်မှ ရွှေတူးဖော်မှုကြောင့် Kok နှင့် Sai မြစ်များတွင် ရေညစ်ညမ်းမှု မှာအန္တရာယ်မရှိဟု ထိုင်းအစိုးရက အခိုင်အမာဆိုထားသော်လည်း လွတ်လပ်သော စမ်းသပ်စစ်ဆေးမှုများသည် အန္တရာယ်မကင်းသည့် အာဆင်းနစ်အဆင့်ကို ဆက်လက်ပြသနေသည်ဟု Thaiger သတင်းကမေလ ၃၀ရက်တွင်ဖော်ပြသည်။ Mae Fah Luang University မှ ကထိက Surapol Vorapatratorn နှင့် Suebsakun Kidnukorn တို့ ဦးဆောင်သော အဖွဲ့တစ်ဖွဲ့သည် မကြာသေးမီက ချင်းရိုင်ခရိုင် မယ်ဆိုင်ခရိုင်ရှိ စိုင်းမြစ်အား စမ်းသပ်စစ်ဆေးခဲ့သည်။ စမ်းသပ်မှုတွင် အာဆင်းနစ်သည် 0.12 mg/L ရှိပြီး ဘေးကင်းမှုစံနှုန်း 0.01 mg/L ထက် ကျော်လွန်နေပါသည်။ အနီးတစ်ဝိုက်တွင် နေထိုင်သူများ အသုံးပြုသည့် ရေတိမ်ရေတွင်းသည်လည်း ကန့်သတ်ချက်ထက် ကျော်လွန်နေသည်ဟုဆိုသည်။ ပြီးခဲ့သည့်လက ချင်းမိုင်မြို့ရှိ သဘာဝပတ်ဝန်းကျင်နှင့် ညစ်ညမ်းမှုထိန်းချုပ်ရေးရုံး ၁ မှ ထိုင်း-မြန်မာနယ်စပ် မယ်အိုက်ခရိုင် Kokမြစ်အနီးတွင် အာဆင်းနစ်ပါဝင်မှု ၀.၀၂၆ မီလီဂရမ်/လီတာရှိကြောင်း သိရသည်။ (more…)

မေလ ၉၊ ၂၀၂၅။ သောင်ရင်းသတင်းလွှာ အမေရိကန်နိုင်ငံခြားရေးဌာနသည် မြန်မာအပါအဝင်စုစုပေါင်း ၂၁ နိုင်ငံသို့ ခရီးသွားခြင်းကို ရှောင်ရှားသင့်သည်ဟု မေလ ၈ရက်ကသတင်းထုတ်ပြန်သည်။ (more…)

မေလ ၆၊ ၂၀၂၅။ သောင်ရင်းသတင်းလွှာ မြန်မာမှ တိုက်လေယာဉ်များ ထိုင်းနယ်စပ်သို့ ချဉ်းကပ်လာရာ ထိုင်းတော်ဝင်လေတပ်က F-16 တိုက်လေယာဉ်နှစ်စင်းကို မေလ ၆ ရက်က ကြားဖြတ်ဟန့်တားခဲ့ရသည်ဟု Khaosod သတင်းကဖော်ပြသည်။ (more…)

ဧပြီလ၁၉၊ ၂၀၂၅။ သောင်ရင်းသတင်းလွှာ ကမ္ဘောဒီးယား၊ မြန်မာနှင့် ထိုင်းနိုင်ငံတို့တွင် အလုပ်အကိုင် ကမ်းလှမ်းမှုများကို လက်ခံခြင်းမပြုရန် အင်ဒိုနီးရှားအစိုးရက ၎င်း၏နိုင်ငံသားများအား ပြင်းထန်သောသတိပေးချက် ထုတ်ပြန်ထားပြီး လူကုန်ကူးမှု များပြားလာခြင်းနှင့် ရာဇ၀တ်ဂိုဏ်းများအောက်တွင် အဓမ္မလုပ်အားပေးခိုင်းစေခြင်းများ တိုးလာနေခြင်းကို ကိုးကား၍ ထုတ်ပြန်ထားသည်ဟု Jakatar Globe သတင်းကဧပြီ ၁၈ရက်တွင်ဖေါ်ပြသည် ။ ရွှေ့ပြောင်းအလုပ်သမားကာကွယ်ရေးဝန်ကြီး Abdul Kadir Karding က အထူးသဖြင့် ဆိုရှယ်မီဒီယာပေါ်တွင် ပျံ့နှံ့နေသည့် အလုပ်အကိုင်ကမ်းလှမ်းမှုများနှင့် ကြုံတွေ့ရသည့်အခါတွင် အလုပ်ရှာဖွေသူများကို အထူးသတိထားရန် တိုက်တွန်းထားသည်။ (more…)

ဧပြီလ ၆၊ ၂၀၂၅။ သောင်ရင်းသတင်းလွှာ ဖက်ဒရယ်ဒီမိုကရေစီပြည်ထောင်စု ထူထောင်ရန် မြန်မာစစ်အစိုးရကို ဆန့်ကျင်နေသည့် မြန်မာပြည်သူများက ယူကရိန်းနိုင်ငံကို ရုရှားကျူးကျော်ဝင်ရောက်ချိန်မှစ၍ ယူကရိန်းပြည်သူများနှင့် စည်းလုံးညီညွတ်ကြောင်း ဖော်ပြခဲ့ကြသည်။ မြန်မာနိုင်ငံသည် ၁၉၆၂ ခုနှစ်ကတည်းက စစ်အာဏာရှင်စနစ်အောက်တွင် ရှိခဲ့ပြီး ၁၉၈၈ ခုနှစ်နောက်ပိုင်းတွင် တရုတ်လိုလားသော ရုရှားလိုလားသော မူဝါဒများ ပြင်းထန်လာကာ အနောက်တိုင်းနယ်ချဲ့ဆန့်ကျင်ရေး စံနှုန်းများဖြင့် တွန်းအားပေးခဲ့သည်။ ထို့ကြောင့် တရုတ်ကွန်မြူနစ်ပါတီနှင့် ရုရှားအစိုးရတို့သည် ၎င်းတို့၏ မျှဝေထားသော အာဏာရှင်လက္ခဏာများနှင့် တိုင်းရင်းသားလူနည်းစုများအပေါ် ဖိနှိပ်မှုသမိုင်းကြောင့် မြန်မာစစ်အစိုးရ၏ ဗျူဟာမြောက်မဟာမိတ်များအဖြစ် လူအများက ထင်မြင်ကြသည်။ (more…)