မဲဆောက်မှာ E-Bike ဘတ္ထီစက်ဘီးတွေဖမ်းဆီးနေမှု မြန်မာနိုင်ငံသား ရွှေ့ပြောင်းအလုပ်သမားတွေအခက်တွေ့နေ
ဇွန်လ ၁၁၊ ၂၀၂၅။ သောင်ရင်းသတင်းလွှာ ထိုင်း-မြန်မာ နယ်စပ်၊ မဲဆောက်မြို့ပေါ်မှာ ယာဉ်မတော်တဆမှု လျှော့နည်းရေးစီမံချက်အနေနဲ့ E-Bike ဘတ္ထီစက်ဘီးတွေ ဆက်တိုက်ဖမ်းဆီးနေမှု မြန်မာနိုင်ငံသား ရွှေ့ပြောင်းအလုပ်သမားတွေအခက်တွေ့နေတယ်လို့ ရွှေ့ပြောင်းလုပ်သားတွေက သောင်ရင်းသတင်းလွှာကိုပြောပါတယ်။ ဒီရက်ပိုင်းအတွင်း မဲဆောက်မြို့ပေါ်ရှိ လူစည်းကားရာနေရာတွေမှာ ပုလိပ်နဲ့ ယာဉ်ထိန်းတွေက ဂိတ်ချပြီး ဆက်တိုက်ဖမ်းဆီးမှုတွေပြုလုပ်နေတာဖြစ်ပြီး E-Bike ဘတ္ထီစက်ဘီးစီးသူတွေအတွက် သွားရေးလာရေးအခက်အခဲဖြစ်နေတာဖြစ်ပါတယ်။ "E-Bike ဘတ္ထီစက်ဘီးက မြန်မာတွေ အဓိကထားစီးကြတာ။ ကျောင်းကြိုအပို့၊ ဈေးသွား၊ အလုပ်သွားပေါ့။ အခုကပုလိပ်တွေက မတရားဖမ်းနေတော့ ဝယ်ထားတဲ့သူတွေမစီးရဲတော့ဘူး။ (more…)