မြန်မာနိုင်ငံသား ၁၁ ဦး

စက်တင်ဘာ ၂၅၊ ၂၀၂၅။ သောင်ရင်းသတင်းလွှာ လေးရှားနိုင်ငံ Kelantan လူဝင်မှုကြီးကြပ်ရေးဌာနကပြီးခဲ့တဲ့ စက်တင်ဘာ ၂၃ ရက်နေ့ကနေ ၂၄ ရက် နေ့အထိ Pasir Puteh မှာပြုလုပ်တဲ့ စစ်ဆင်ရေးအတွင်း မြန်မာနိုင်ငံသား ၁၁ ဦးကို ဖမ်းဆီးထိန်းသိမ်းခဲ့တယ်လို့ The Sun သတင်းက စက်တင်ဘာ ၂၅ ရက်မှာဖော်ပြပါတယ်။ ပြည်နယ် လူဝင်မှုကြီးကြပ်ရေး ဒါရိုက်တာ Mohamed Yusoff Khan Mohd Hassan က Ops Sapu လို့ခေါ်တဲ့ ပေါင်းစပ်စစ်ဆင်ရေးဟာအာဏာပိုင်တွေနဲ့ထောက်လှမ်းရေးတွေစုစည်းပြီးနောက် Selising ဧရိယာရှိ နိုင်ငံခြားသားတွေကို ပစ်မှတ်ထားတာဖြစ်တယ်လို့ပြောကြားခဲ့ပါတယ်။ ဖမ်းဆီးခံရသူတွေဟာလူဝင်မှုကြီးကြပ်ရေးအက်ဥပဒေ ၁၉၅၉/၆၃ ပုဒ်မ ၆(၁)(ဂ) နဲ့ ၁၅(၁)(ဂ) တို့အရ ပြစ်မှုကျူးလွန်တယ်လို့ သံသယရှိကြောင်း ၎င်းက အတည်ပြုပြောကြားခဲ့ပါတယ်။ နောက်ထပ် စုံစမ်းစစ်ဆေးမှု လွယ်ကူစေဖို့အတွက် အကျဉ်းသားအားလုံးကို Tanah Merah လူဝင်မှုကြီးကြပ်ရေးဌာနကို ခေါ်ဆောင်သွားခဲ့တယ်လို့သတင်းကဆိုပါတယ်။ (more…)

စက်တင်ဘာ ၁၁၊ ၂၀၂၅။ သောင်ရင်းသတင်းလွှာ ထိုင်းနိုင်ငံ ဘန်ကောက်မြို့ရှိ ဂိုဒေါင်တစ်ခုကိုလျှပ်စစ်စီးကရက် ထုတ်လုပ်တဲ့တရားမဝင် စက်ရုံအဖြစ် ပြောင်းလဲမှုကြောင့် တရုတ်နိုင်ငံသား ၂ ဦးနဲ့မြန်မာနိုင်ငံသား ၁၁ ဦးကို ရဲတပ်ဖွဲ့က ဖမ်းဆီးခဲ့တယ်လို့ The Thaiger သတင်းက စက်တင်ဘာ ၁၀ ရက်ကဖော်ပြပါတယ်။ အာဏာပိုင်တွေက လျှင်စစ်စီးကရက် ထုတ်လုပ်ရာမှာ အသုံးပြုတဲ့ ကိရိယာတွေနဲ့အတူ တရားမဝင် ကုန်ပစ္စည်း ၆၀,၀၀၀ ကို သိမ်းဆည်းရမိခဲ့ပါတယ်။ ဘန်ကောက်မြို့ ဘန်ခွန်တန်ခရိုင် ထခမ်းဒေသရှိ ဂိုဒေါင်ကို ဗဟို စုံစမ်းစစ်ဆေးရေးဗျူရို (CIB) မှတာဝန်ရှိသူတွေကစက်တင်ဘာ ၉ ရက်နေ့က ဝင်ရောက်စီးနင်းခဲ့တာဖြစ်ပါတယ်။ တရုတ်နိုင်ငံသား ၂ ဦးကို အခင်းဖြစ်ပွားရာနေရာမှာ တွေ့ရှိခဲ့ပြီး မန်နေဂျာနဲ့အရည်အသွေးထိန်းချုပ်ရေး ဝန်ထမ်းတွေလို့ဝန်ခံခဲ့ပါတယ်။ ထုတ်လုပ်မှုအပိုင်းမှာ အလုပ်လုပ်နေတဲ့ မြန်မာနိုင်ငံသား ၁၁ ဦးကိုလည်း ရှာဖွေတွေ့ရှိခဲ့ပါတယ်။ (more…)