WHO မှ ငလျင်ဒဏ်သင့် မြန်မာနိုင်ငံတွင် အရေးပေါ် တုံ့ပြန်မှု တိုးမြှင့်ခြင်း၊ ဆေးဝါးနှင့် ထောက်ပံ့ရေး ပစ္စည်းများ တန်ချိန် ၁၀၀ ပံ့ပိုးပေးခြင်းနှင့် အရေးပေါ် ဆေးအဖွဲ့များက ညှိနှိုင်းနေ
ဧပြီလ ၄၊ ၂၀၂၅။ သောင်ရင်းသတင်းလွှာ ငလျင်ဒဏ်ခံရသော မြန်မာနိုင်ငံအတွက် အထောက်အပံ့များ ပိုမိုအားကောင်းလာကာ ကမ္ဘာ့ကျန်းမာရေးအဖွဲ့ (WHO) မှ ယခုအချိန်အထိ ဆေးဝါးများ၊ ဆေးကိရိယာများနှင့် ရွက်ဖျင်တဲများ တန် ၁၀၀ နီးပါး ထောက်ပံ့ပေးထားပြီး လူသားချင်းစာနာထောက်ထားမှုဆိုင်ရာ ကျန်းမာရေးအကူအညီများ လိုအပ်နေသော လူဦးရေ ၁၂.၉ သန်းနီးပါး၏ ကြီးထွားလာနေသော ကျန်းမာရေးဆိုင်ရာ အကူအညီများကို ဖြည့်ဆည်းပေးနိုင်ရန် မြေပြင်တွင် အရေးပေါ်ဆေးအဖွဲ့များ ဖြန့်ကျက် ကူညီပေးလျက်ရှိသည်ဟု မတ်လ ၄ ရက်နေ့ကသတင်းထုတ်ပြန်သည်။ WHO သည် ဒူဘိုင်းရှိ Global Logistics Hub မှ ထောက်ပံ့ရေးပစ္စည်းများ ၃၅ တန်ဖြင့်ဧပြီ ၃ရက်နေ့ညနေပိုင်းက ရန်ကုန်မြို့သို့ လေယာဉ်ဖြင့်ပေးပို့ခဲ့သည်။ အစောပိုင်းက မန္တလေး၊ နေပြည်တော်နှင့် စစ်ကိုင်းမြို့တို့အတွက် ရန်ကုန်ရှိ အရေးပေါ် သိုလှောင်ရုံများမှ ဆေးဝါးများ၊ ဆေးနှင့် ခွဲစိတ်ခန်းသုံး ကိရိယာများ နှင့် ဘက်စုံသုံး ရွက်ဖျင်တဲများ အပါအဝင် တန်ချိန် ၆၀ ခန့်ရှိ ဒဏ်ရာသေတ္တာများကို ထောက်ပံ့ပေးခဲ့သည်။ ကျန်းမာရေး မိတ်ဖက်များ သတ်မှတ်ထားသည့် လိုအပ်ချက်အရ အသက်ကယ် ထောက်ပံ့ရေး ပစ္စည်းများ ထပ်မံ ၀ယ်ယူလျက်ရှိပြီး လာမည့် သီတင်းပတ်တွင် WHO ၏ ထောက်ပံ့ပို့ဆောင်ရေး ဗဟိုဌာနမှ မြန်မာနိုင်ငံသို့ပေးပို့ရန် အဆင်သင့် ဖြစ်နေပါသည်။ (more…)
